Natural Disasters| మూడు దేశాలలో విపత్తుల మరణ మృదంగం

శ్రీలంక, ఇండోనేషియా దేశాలు తుపాన్, ఆకస్మిక వర్షాలు, వరదలు..హంకాంగ్ అగ్ని ప్రమాద ఘటన మరణ మృదంగాన్ని వినిపించాయి. ఆయా దేశాలలో విపత్తుల కారణంగా వందల మంది ప్రాణాలు కోల్పోగా..మరికొందరు గల్లంతయ్యారు.

విధాత : శ్రీలంక, ఇండోనేషియా దేశాలు తుపాన్, ఆకస్మిక వర్షాలు, వరదలు..హంకాంగ్ అగ్ని ప్రమాద ఘటన మరణ మృదంగాన్ని వినిపించాయి. శ్రీలంక(Sri Lanka Flood Deaths)లో దిత్వా తుపాన్ సృష్టించిన వరదల బీభత్సంలో మృతుల సంఖ్య 56కి చేరింది. మరో 21 మంది గల్లంతయినట్లు సమాచారం.శ్రీలంకలోని పలు ప్రాంతాల్లో గత కొన్ని రోజులుగా భారీ వర్షాలు కురుస్తున్నాయి. వరదల ధాటికి ఇళ్లు, వంతెనలు కొట్టుకపోయాయి. ఆకస్మిక వరదలు, కొండచరియలు విరిగిపడడంతో 56 మంది మృతి చెందినట్లు ప్రభుత్వ విపత్తు నిర్వహణ కేంద్రం ప్రకటించింది. మృతుల సంఖ్య పెరిగే అవకాశముంది.

ఇండోనేషియా(Indonesia Flood Tragedy)లో సంభవించిన తీవ్రమైన వరదల కారణంగా 80 మంది మరణించగా, డజన్ల కొద్దీ మంది గల్లంతయ్యారు.
ఉత్తర సుమత్రాలో వరదల నష్టం అధికంగా ఉందని అధికారులు తెలిపారు. ఉత్తర సుమత్రా అంతటా 8,000 మంది వరకు ప్రజలను ఖాళీ చేయించారు. కొండచరియలు విరిగిపడిన శిథిలాల కారణంగా రోడ్లు మూసుకుపోయాయి.

హాంకాంగ్‌లో(Hong Kong Fire Accident)ని తాయ్ పో జిల్లాలోని వాంగ్ ఫక్ కోర్టు రెసిడెన్షియల్ ఎస్టేట్‌లోనిక అపార్ట్‌మెంట్లలో చెలరేగిన మంటలలో మృతుల సంఖ్య ఇప్పటి వరకు 94కు చేరింది. పలువురి ఆచూకీ గల్లంతైనట్లుగా అధికారులు తెలిపారు. రెండురోజులుగా ఫైర్ అధికారులు మంటలను అర్పుతునే ఉన్నారు. మంటల్లో తప్పిపోయిన వందలాది మంది ఆచూకీ కోసం గాలిస్తున్నట్లుగా అగ్నిమాపక అధికారులు వెల్లడించారు. తమ వారి ఆచూకీ కోసం వందలాది మంది ప్రమాద స్థలం వద్ద నిరీక్షిస్తున్నారు. సజీవదహనం కావడంతో గుర్తుపట్టలేని విధంగా మృతదేహాలు ఉండటంతో మృతుల వివరాల నిర్ధారణ సవాల్ గా మారింది.