ప్రాచీణమైన ప్రముఖ పుణ్యక్షేత్రాలకు తమిళనాడు నిలయంగా ఉన్నదని చెప్పవచ్చు. చోళులు నిర్మించినటువంటి తంజావూరు ఆలయాల నిర్మాణాలు, అక్కడ వెలసినటువంటి శివలింగాలకు ఎంతో ప్రాముఖ్యత ఉన్నది. ఎంతో ప్రాచీన ఆలయాలు ఉన్నటువంటి తమిళనాడును దర్శించుకునేందుకు IRCTC ‘టెంపుల్స్ ఆఫ్ తమిళనాడు’ పేరుతో రూ. 34600కే ప్యాకేజీని తీసుకు వచ్చింది. ఈ యాత్ర డిసెంబర్ 6 ప్రారంభం కానుంది. పూర్తిగా 6 రాత్రులు, 7 రోజుల పాటు కొనసాగనున్నది. ఈ యాత్ర హైదరాబాద్ నుంచి ట్రీచి వరకు, తిరుగి చెన్నై నుంచి హైదరాబాద్ వరకు విమాన ప్రయాణం ఉంటుంది. అక్కడ మొత్తం బస్సులో ప్రాయణించబడుతారు. తమిళనాడులో ప్రముఖ ప్రాంతాలైన తంజావూరు, కుంభకోణం, పుదుచ్చేరి, కాంచీపురంలోని ఆలయాలను దర్శిస్తారు.
యాత్రకు సంబంధించిన పూర్తి వివరాలు: మొదటి రోజు అంటే డిసెంబర్ 6 మధ్యాహ్నం హైదరాబాద్ ఎయిర్‌పోర్టులో విమానం ఎక్కుతారు ట్రీచి చేరుకున్నాక అక్కడి నుంచి హోటల్‌కు వెళ్తారు. రాత్రికి హోటల్‌లోనే భోజనం ఏర్పాటు చేస్తారు, అక్కడే బస చేసి మరుసటి రోజు ఉదయం బ్రేక్‌ఫాస్ట్ ముగించుకుని శ్రీరంగం, జంభుకేశ్వర ఆలయాలు దర్శించుకుంటారు. అనంతరం 60 కి.మీ దూరంలోని తంజావూరుకు బయలుదేరుతారు. భృందేశ్వర ఆలయం దర్శించుకుంటారు. సాయంకాలానికి కుంభకోణం చేరుకుంటారు. అక్కడి హోటల్‌లో రాత్రి బస చేస్తారు. మరునాడు ఉదయం ఐరావతేశ్వర, సారంగపాణి, కాశీ విశ్వనాథ ఆలయాలు దర్శించుకుంటారు. రాత్రికి అక్కడ హోటల్‌లోనే బస చేస్తారు.
నాలుగవ రోజు ఉదయం బ్రేక్‌ఫాస్ట్ ముగించుకుని గంగికొండ చోళపురం చేరుకుంటారు. అక్కడి నుంచి చిదంబరం వెళ్తారు. నటరాజ స్వామి ఆలయం దర్శించుకుని 70 కి.మీ దూరంలోని పుదుచ్చేరి వెళ్తారు. రాత్రికి హోటల్‌లోనే ఉంటారు ఇక్కడ భోజనం సొంత ఖర్చులతోనే చేయాల్సి ఉంటుంది. మరుసటి రోజు బ్రేక్‌ఫాస్ట్ చేశాక ఆరవిల్లే, మధ్యాహ్నం ప్యారడైజ్ బీచ్ చూస్తారు. రాత్రికి హోటల్‌లో బస ఈ రాత్రికి కూడా భోజనం సొంత ఖర్చులతో చేయాల్సి ఉంటుంది. ఆరవ రోజు ఉదయం బ్రేక్‌ఫాస్ట్ ముగించుకుని 120 కి.మీ దూరంలో ఉన్న తిరువన్నమళై వెళ్తారు. అక్కడ అరుణాచలేశ్వరుడిని దర్శించుకుని అక్కడి హోటల్‌లో రాత్రి బస చేస్తారు ఈ రాత్రికి కూడా భోజనం ఖర్చు మీదే. ఇక ఏడవ రోజు ఉదయం బ్రేక్‌ఫాస్ట్ కానిచ్చాక కాంచీపురం 130 కి.మీ దూరంలో ఉంటుంది. అక్కడికి వెళ్తారు. కంచి కామాక్ష్మీ, కైలాసనాథ ఆలయాలు దర్శించుకుంటారు. అక్కడి నుంచి చెన్నై 60 కి.మీ చేరుకుంటారు. రాత్రికి చెన్నై ఎయిర్‌పోర్టులో విమానం ఎక్కి అర్థరాత్రి హైదరాబాద్ చేరుకుంటారు.
టికెట్ ధరలు: ఈ యాత్రకు ఒక్కరు మాత్రమే వెళ్లాలి అనుంకుంటే రూ.48750 చెల్లించాలి. ఇద్దరు కలిసి వెళ్తే ఒక్కొక్కరు రూ.36000, ముగ్గురు కలిసి వెళ్తే ఒక్కొక్కరు రూ.34600 చెల్లించాలి. 5 నుంచి 11 సంవత్సరాల పిల్లలు ఉంటే విత్ బెడ్ రూ.29450, వితౌట్ బెడ్ రూ. 26450, 2 నుంచి 4 సంవత్సరాల పిల్లలకు వితౌట్ బెడ్ రూ. 18800 చెల్లించాలి.
హైదరాబాద్ ఎయిర్‌పోర్టులో డిసెంబర్ 6 మధ్యాహ్నం 03:55 ఫ్లైట్ ఉంటుంది. తిరుగు ప్రయాణంలో డిసెంబర్ 12 చెన్నైలో రాత్రి 10:35 గంటలకు ఉంటుంది.
గమనిక: మరింత సమాచారం తెలుసుకోవాలనుకుంటే వెంటనే IRCTC వెబ్‌సైట్‌ను దర్శించగలరు.
Read Also:IRCTC Best Package: రూ.26,960కే గుజరాత్ చుట్టి వద్దామా..
IRCTC Best Package | రూ.11,370కే మైసూర్, సోమనాథ్ పూర్, బేలూర్ యాత్ర
IRCTC Best Package: రూ.13190కే ఊటీ, కూనూరు చుట్టి రావచ్చు