sreeleela | చెన్నైలో పెళ్లి చేసుకుంటానో లేదో తెలియదు .. శ్రీలీల కామెంట్స్ వైరల్!

sreeleela | టాలీవుడ్ యంగ్ సెన్సేషన్ శ్రీలీల మరోసారి తన మాటలతో సోషల్ మీడియాలో హాట్ టాపిక్‌గా మారింది. కెరీర్, చదువు, డ్యాన్స్, వ్యక్తిత్వంతో ఇప్పటికే ప్రత్యేక గుర్తింపు తెచ్చుకున్న ఈ యంగ్ హీరోయిన్ తాజాగా చెన్నైలో జరిగిన ఓ ఈవెంట్‌లో పెళ్లిపై చేసిన సరదా వ్యాఖ్యలు ఇప్పుడు వైరల్ అవుతున్నాయి. ముఖ్యంగా చెన్నైలో పెళ్లి గురించి ఆమె చెప్పిన మాటలు అభిమానుల్లో కొత్త చర్చకు దారి తీశాయి.

sreeleela | టాలీవుడ్ యంగ్ సెన్సేషన్ శ్రీలీల మరోసారి తన మాటలతో సోషల్ మీడియాలో హాట్ టాపిక్‌గా మారింది. కెరీర్, చదువు, డ్యాన్స్, వ్యక్తిత్వంతో ఇప్పటికే ప్రత్యేక గుర్తింపు తెచ్చుకున్న ఈ యంగ్ హీరోయిన్ తాజాగా చెన్నైలో జరిగిన ఓ ఈవెంట్‌లో పెళ్లిపై చేసిన సరదా వ్యాఖ్యలు ఇప్పుడు వైరల్ అవుతున్నాయి. ముఖ్యంగా చెన్నైలో పెళ్లి గురించి ఆమె చెప్పిన మాటలు అభిమానుల్లో కొత్త చర్చకు దారి తీశాయి.

చెన్నైలోని అమృత ఏవియేషన్ కాలేజ్ నిర్వహించిన ప్రత్యేక కార్యక్రమానికి హాజరైన శ్రీలీల అక్కడి విద్యార్థులతో ఎంతో సరదాగా ముచ్చటించారు. ఈ సందర్భంగా కోలీవుడ్ అభిమానుల నుంచి ఆమెకు అద్భుతమైన స్పందన లభించింది. స్టూడెంట్స్ ఆమెను “లేడీ సూపర్ స్టార్” అంటూ సంబోధించగా.. వెంటనే శ్రీలీల స్పందిస్తూ ఆ ట్యాగ్‌కు అసలైన అర్హురాలు నయనతార అని చెప్పారు.

చెన్నై దోశె అంటే ఇష్టం..

నయనతార తనకు ఎంతో ఇష్టమైన నటి అని, ఆమె కెరీర్, వ్యక్తిత్వం తనకు ప్రేరణగా ఉంటాయని శ్రీలీల పేర్కొన్నారు. అలాగే చెన్నై గురించి మాట్లాడిన ఆమె.. అక్కడి ప్రజల ప్రేమ, ముఖ్యంగా చెన్నై దోశ అంటే తనకు చాలా ఇష్టమని చెప్పి అందరినీ ఆకట్టుకున్నారు.

ఇదే సమయంలో “నయనతారలాగే నేను కూడా చెన్నైలో పెళ్లి చేసుకుంటానా లేదా అనేది మాత్రం నాకు తెలియదు” అంటూ నవ్వుతూ చేసిన కామెంట్ ఇప్పుడు సోషల్ మీడియాలో వైరల్‌గా మారింది. ఆమె సరదాగా మాట్లాడిన ఈ మాటలను నెటిజన్లు తమదైన స్టైల్లో విశ్లేషిస్తున్నారు.

కెరీర్‌పైనే దృష్టి..

కొంతమంది అభిమానులు ఇది కేవలం ఫన్ కామెంట్ మాత్రమే అంటుండగా.. మరికొందరు మాత్రం “శ్రీలీల తమిళనాడుకు కోడలిగా వెళ్లబోతుందా?”, “చెన్నై వ్యక్తితో ప్రేమలో ఉందా?” అంటూ సోషల్ మీడియాలో కామెంట్లు చేస్తున్నారు. దీంతో ఈ వ్యాఖ్యలు ఇప్పుడు సినీ వర్గాల్లో కూడా చర్చనీయాంశంగా మారాయి.

ఇప్పటి వరకు శ్రీలీల తన వ్యక్తిగత జీవితంపై ఎక్కువగా మాట్లాడిన సందర్భాలు చాలా తక్కువ. గతంలో కూడా ఆమె రిలేషన్‌షిప్, పెళ్లిపై పలు రూమర్స్ వచ్చినప్పటికీ వాటిని ఆమె పెద్దగా పట్టించుకోలేదు. ప్రస్తుతం కెరీర్‌పైనే పూర్తి దృష్టి పెట్టిన శ్రీలీల వరుస సినిమాలతో బిజీగా గడుపుతున్నారు.

బాలీవుడ్ వైపు అడుగులు..

టాలీవుడ్‌లో స్టార్ హీరోల సరసన నటించి తక్కువ సమయంలోనే స్టార్ హీరోయిన్‌గా ఎదిగిన శ్రీలీల ఇప్పుడు కోలీవుడ్, బాలీవుడ్ వైపు కూడా అడుగులు వేస్తున్నారు. మరోవైపు సినిమాలతో బిజీగా ఉండగానే ఎంబీబీఎస్ పూర్తి చేసి డాక్టర్ పట్టా అందుకోవడం ఆమె పట్టుదలకు నిదర్శనంగా నిలిచింది.

ప్రస్తుతం గ్లామర్ పాత్రల కంటే కథలో ప్రాధాన్యం ఉన్న పాత్రలపై ఎక్కువ దృష్టి పెడుతున్నట్లు తెలుస్తోంది. అయితే చెన్నైలో పెళ్లి గురించి చేసిన ఒక్క సరదా కామెంట్‌తోనే శ్రీలీల మరోసారి సోషల్ మీడియాలో వైరల్ అవ్వడం విశేషం.