విధాత, వెబ్ డెస్క్ : సుప్రీం కోర్టు(Supreme Court)లో తెలంగాణ ప్రభుత్వం(Telangana Government) వేసిన కేసులు.. అలాగే రాష్ట్ర ప్రభుత్వానికి వ్యతిరేకం(Against the state government)గా వేసిన కేసుల జాబితాను కేంద్ర న్యాయ మంత్రిత్వ శాఖ వెల్లడించింది. 2014నుంచి ఆయా రెండు కేటగిరీలలో కలుపుకుని 2023 ఫిబ్రవరి 17వరకు 2,513 కేసులు ఫైల్ కాగా.. ఇందులో 1773కేసులు క్లియర్ కాబడగా.. 740కేసులు పెండింగ్ లో ఉన్నాయి. ఇందులో తెలంగాణ ప్రభుత్వం దాఖలు చేసిన కేసులు 356ఉండగా.. వాటిలో 206కేసులకు పరిష్కారం దొరకగా.147కేసులు పెండింగ్ లో ఉన్నాయి. వివిధ వర్గాల ప్రజలు, సంస్థలు రాష్ట్ర ప్రభుత్వానికి వ్యతిరేకంగా 2160కేసులు దాఖలు చేయగా.. వాటిలో 1567కేసులు పరిష్కారం అయి 593కేసులు పెండింగ్ లో ఉన్నాయి.
కేసుల కోసం సుప్రీం కోర్టును ఆశ్రయించడం ద్వారా రాష్ట్రం ఒక్కో కేసుకు రూ. 50-60 లక్షలు వెచ్చించిందన్న అంచనాల మేరకు మొత్తం ప్రజా ధనం రూ. 1500 కోట్లు ఆర్థిక భారం పడింది. ఢిల్లీ-హైదరాబాద్ల మధ్య ప్రయాణించడానికి అధికారులు చేసే ఇతర ఖర్చులు కనీసం రూ. 25 కోట్లుగా అంచనా వేశారు. తెలంగాణ రాష్ట్రంలో 11 లక్షలకు పైగా పెండింగ్లో ఉన్న కేసులను ప్రస్తావిస్తూ కేంద్ర న్యాయ & న్యాయ మంత్రి భారత పార్లమెంటులో ఆందోళనకరమైన ప్రకటన చేశారు.
కోర్టులు ఉత్తర్వులు జారీ చేసిన అనేక కేసులు ఏళ్ల తరబడి ఆడ్మినిస్ట్రేటర్స్ ముందు అధికారిక పరిశీలనలో ఉన్నాయని పేర్కొంది. కోర్టు ధిక్కార కేసులలో అధికారులకు సహాయం చేసేందుకు ప్రభుత్వం రూ.60 కోట్లు మంజూరు చేసిందని.. ప్రచురించిన డేటా ప్రకారం, 24000 పైగా ధిక్కార కేసులు హైదరాబాద్ హై కోర్టులో ప్రాసెస్లో ఉన్నాయని తెలిపింది. ఈ కేసుల పెండింగ్ చట్టాన్ని & న్యాయాన్ని నిర్వీర్యం చేస్తూ, ప్రజల ప్రాథమిక హక్కులను హరించేలా ఉన్నాయని ఆందోళన వ్యక్తం చేసింది.
