Warangal | నకిలీ విత్తన విక్రయాలు.. రెండు ముఠాల అరెస్ట్‌

రెండుకోట్ల విలువైన నకిలీ విత్తనాలు స్వాధీనం 21 లక్షల నగదు స్వాధీనం వరంగల్ పోలీస్ కమిషనర్ ఏవి రంగనాథ్ విధాత, వరంగల్ ప్రత్యేక ప్రతినిధి: వరంగల్ (Warangal) జిల్లా కేంద్రంగా నకిలీ విత్తనాల వియాలకు పాల్పడుతున్న రెండు ముఠాలకు చెందిన పదిహేను మంది నిందితులను టాస్క్ ఫోర్సు, మడికొండ, ఏనుమాములు పోలీసులు, వ్యవసాయశాఖ విభాగం అధికారులతో కలిసి గురువారం అరెస్టు చేశారు. మరో ముగ్గురు నిందితులు పరారీలో వున్నారు. వీరి నుంచి రెండు కోట్ల పదకొండు లక్షల […]

• రెండుకోట్ల విలువైన నకిలీ విత్తనాలు స్వాధీనం
• 21 లక్షల నగదు స్వాధీనం
• వరంగల్ పోలీస్ కమిషనర్ ఏవి రంగనాథ్

విధాత, వరంగల్ ప్రత్యేక ప్రతినిధి: వరంగల్ (Warangal) జిల్లా కేంద్రంగా నకిలీ విత్తనాల వియాలకు పాల్పడుతున్న రెండు ముఠాలకు చెందిన పదిహేను మంది నిందితులను టాస్క్ ఫోర్సు, మడికొండ, ఏనుమాములు పోలీసులు, వ్యవసాయశాఖ విభాగం అధికారులతో కలిసి గురువారం అరెస్టు చేశారు.

మరో ముగ్గురు నిందితులు పరారీలో వున్నారు. వీరి నుంచి రెండు కోట్ల పదకొండు లక్షల విలువ గల నకిలీ విత్తనాలు ఏడు టన్నుల విడి విత్తనాలు, 9వేల 765 నకిలీ విత్తనాల ప్యాకెట్లు, ఒక డిసియం, ఒక కారు, 21లక్షల రూపాయల నగదు, నకిలీ విత్తనాల ప్యాకేట్ల తయారీ కొరకు అవసమయిన సామగ్రిని పోలీసులు స్వాధీనం చేసుకున్నారు.

నిందితుల వివరాలిలా ఉన్నాయి

పోలీసులు అరెస్టు చేసిన రెండు ముఠా సభ్యుల్లో 1. దాసరి శ్రీనివాస్, కర్నూల్ జిల్లా, ఆంద్రప్రదేశ్, 2. చేదాం పాండు, హైదరాబాద్, 3. కొప్పుల రాజేష్, మంచిర్యాల్, 4 వడిచర్ల సురేందర్ రెడ్డి, చంద్రపూర్, మహరాష్ట్ర, 5. ఏన్గూడే దిలీప్, బలార్ష, మహరాష్ట్ర, 6. బోగే సత్యం, మంచిర్యాల, 7. షేక్ అన్జద్, మంచిర్యాల, 8.ఇందుర్తి వెంకటేష్, మంచిర్యాల, 9. పుట్ట రాజేశం, మంచిర్యాల, 10. చేదాం వెంకటరమణ, హైదరాబాద్, 11. చేదాం నాగరాజు, మహబూబాబ్నగర్, 12. సుందర్ శెట్టి ఫణీందర్, బాపట్ల, ఆ.ప్ర, 13. కాల్వ శ్రీధర్, నాగర్ కర్నూల్ జిల్లా, 14. తాప్తే హనుమంతు, కర్నూల్ జిల్లా, ఆ.ప్ర, 15. వేముల అరవింద్ రెడ్డి, హైదరబాద్ చెందిన వారిని అరెస్టు చేయగా ప్రస్తుతం పరారీలో వున్నావారు శివారెడ్డి, భాస్కర్ రెడ్డి, గంప సదాశివ్ వున్నారు.

నిషేధిత విత్తనాలు విక్రయం

ఈ అరెస్టు సంబంధించి వరంగల్ పోలీస్ కమిషనర్ ఏ.వి. రంగనాథ్ వివరాలను వెల్లడిస్తూ ఒక ముఠాలోని సభ్యులు రైతుల నుండి తక్కువ ధరకు విడిగా విత్తనాలు కొనుగోలు చేసిన వాటిని ఈ ముఠాలోని ప్రధాన నిందితులు దాసరి శ్రీనివాసరావు, భాస్కర్ రెడ్డి కర్ణాటక రాష్ట్రంలో నిర్వహిస్తున్న విత్తన కంపెనీలకు తరలించి అక్కడ విత్తన శు ద్ధి చేసేవారు. శుద్ధి చేసిన నకిలీ విత్తనాలను తెలంగాణ రాష్ట్ర ప్రభుత్వం నిషేదించిన బి.జి. 3. ఎచ్ టి పేరుగల పత్తి విత్తనాలు గడ్డి మందును తట్టుకొని, ఎక్కువమార్లు కలుపు తీయాల్సి అవసరం వుండదని, ఈ విత్తనాలు అధికృత డీలర్ల వద్ద విక్రయాలకు వుండవంటూ రైతులను ఎక్కువ ధరలకు వివిధ రకాల పేరున్న విత్తన కంపెనీల పేర్లతో ఆకర్షణీయంగా ప్యాక్ చేసి వాటిని వరంగల్ నగరానికి తీసుకవచ్చేవారు. ఇక్కడి నుండి తెలంగాణ, మహరాష్ట్రల్లోని జిల్లాలకు చెందిన విత్తన డీలర్లకు, రైతులకు ఈ ముఠా విక్రయించేవారు.

నకిలీ విత్తనాలు అమ్మకం

మరో ముఠాకు సంబంధించిన ప్రధాన నిందితుడు చేదాం పాండు ప్రభుత్వ అనుమతులు కలిగిన రుషి మరియు శ్రీగణేష్ విత్తన శుద్ది కంపెనీ వున్నాయి. ఈ కంపెనీ ద్వారా గుజరాత్ రాష్ట్రంలోని నర్మదాసాగర్ కంపెనీ నుండి దిగుమతైన విత్తనాలను ఈ కంపెనీల ద్వారా ఉప విక్రయ లైసెన్స్ దారుడిగా వుండి తెలంగాణలోని వివిధ జిల్లాలకు విత్తనాలు విక్రయించేవారు.

ఇదే అదునుగా భావించిన ఈ నిందితుడు మరి కొందరితో కల్పి సులభంగా డబ్బు సంపాదించాలనుకున్నారు. ఇందుకోసం ఈ ముఠా సభ్యులు అసలైన నర్మద కంపెనీ చెందిన విత్తన ప్యాకెట్లను తీసిపోని విధంగా క్యూఆర్ కొడ్, విత్తన తయారీ, గడువు తారీఖులు, క్రమ సంఖ్య, యం.ఆర్.పిలతో కూడిన నకిలీ నర్మదా విత్తన ప్యాకేట్ల తయారు చేసి వీటిలో నకిలీ విత్తనాలు వుంచి ఈ నకిలీ నర్మద కంపెనీ విత్తనాలను తెలంగాణలో వివిధ జిల్లాల్లో విక్రయించేవారు.

పక్కా సమాచారంతో అరెస్టు

పోలీసులకు పక్కా సమాచారం అందడంతో టాస్క్ ఫోర్స్, మడికొండ, ఎనమాముల, వ్యవసాయశాఖ అధికారులు రెండు బృందాలు ఏర్పడి బుధవారం నిందితులను అరెస్టు చేసి విచారించగా నిందితులు పాల్పడిన నేరాలన్ని అంగీకరించారు.

నిందితులను పట్టుకోవడంలో ప్రతిభ కనబరిచిన ఈస్ట్ జోన్ డీసీపీ కరుణాకర్, టాస్క్ఫోర్స్ ఏసిపి జితేందర్ రెడ్డి,మామూనూర్ ఏసీపీ కృపాకర్, స్పెషల్ బ్రాంచ్ ఏసీపీ తిరుమల్,వరంగల్, హనుమకొండ జిల్లాల వ్యవసాయ అధికారులు ఉషాదయాల్, రవీందర్ సింగ్, ఇన్స్పెక్టర్లు శ్రీనివాస్ రావు, జనార్థన్ రెడ్డి, అల్లంరాంబాబు, ఎస్.శ్రీనివాస్, వేణు, మహేందర్, ఎస్.ఐలు దేవేందర్, భూక్యా చందర్, బండారి సంపత్, శరత్ కుమార్, లవనకుమార్, vరాజు, శ్రీకాంత్, ఏఏఓ సల్మాన్పషా, టాస్క్ఫోర్స్ సిబ్బంది హెడాకానిస్టేబుల్ స్వర్ణలత, కానిస్టేబుళ్ళు శ్రీనివాస్, ప్రభాకర్, రాజేందర్, దయాసాగర్, అబ్దుల్లా, రాజేష్,కిరణ్, బిక్షపతి,రాజు, శ్యాం సుందర్, సురేష్, మహబూబ్ఫాషా, కరుణాకర్, శ్రీ ధర్, విక్రమ్, సతీష్, రమేష్, నరేష్, నవీన్ కుమార్, వి.శ్రీనివాస్, గౌతం, శ్రావణ్ కుమార్, నాగరాజులను పోలీస్ కమిషనర్ అభినందించారు.