Girl Molest | ఓ యువ‌కుడు వావివ‌రుస‌లు మ‌రిచాడు. కామంతో ర‌గిలిపోయాడు. త‌న సొంత చెల్లిపైనే అఘాయిత్యానికి ఒడిగ‌ట్టాడు. త‌న స్నేహితుడితో క‌లిసి చెల్లిపై అనేక‌సార్లు లైంగిక‌దాడికి పాల్ప‌డ్డాడు. ఈ ఘ‌ట‌న కేర‌ళ‌లోని మ‌ల‌ప్పురం జిల్లాలో వెలుగు చూసింది.
వివ‌రాల్లోకి వెళ్తే.. మ‌ల‌ప్పురం జిల్లాలోని మంకాడ పోలీసు స్టేష‌న్ ప‌రిధిలో ఓ 14 ఏండ్ల బాలిక త‌న కుటుంబ స‌భ్యుల‌తో క‌లిసి ఉంటోంది. ఈ బాలికకు 24 ఏండ్ల వ‌య‌సున్న సోద‌రుడు ఉన్నాడు.
అయితే ఆ సోద‌రుడు త‌న చెల్లిపైనే క‌న్నేశాడు. ఇంట్లో త‌ల్లిదండ్రులు లేని స‌మ‌యంలో.. చెల్లిపై సోద‌రుడు అత్యాచారం చేశాడు. త‌న స్నేహితుడిని కూడా ఇంటికి పిలిపించి.. ఇద్ద‌రూ క‌లిసి ఆమెపై సామూహిక లైంగిక‌దాడికి పాల్ప‌డేవారు.
ఇలా వెలుగులోకి..
ఇటీవ‌లే బాలిక తీవ్ర అస్వ‌స్థ‌త‌కు గుర‌వ‌డంతో చికిత్స నిమిత్తం ఆస్ప‌త్రికి త‌ర‌లించారు. ఆమెను ప‌రీక్షించిన వైద్యులు.. బాలిక ఇప్పుడు ఐదు నెల‌ల గ‌ర్భిణి అని తేల్చారు. దీంతో ఆస్ప‌త్రి వ‌ర్గాలు పోలీసుల‌కు స‌మాచారం అందించాయి.
పోలీసుల విచార‌ణ‌లో త‌న‌కు జ‌రిగిన అవ‌మానాన్ని వివ‌రించింది బాధితురాలు. ఆమె సోద‌రుడితో పాటు స్నేహితుడిని కూడా పోలీసులు అరెస్టు చేసి రిమాండ్‌కు త‌ర‌లించారు.