Kiran Bedi | త్వరలో తెరపైకి కిరణ్ బేడీ బయోపిక్

భారత తొలి మహిళా ఐపీఎస్ అధికారిణి కిరణ్ బేడీ బయోపిక్ త్వరలో తెరకెక్కనుంది. దీనికి ‘బేడీ ది నేమ్ యు నో, ది స్టోరీ యు డోంట్’ అనే టైటిల్‌ను ఖరారు చేశారు

విధాత : భారత తొలి మహిళా ఐపీఎస్ అధికారిణి కిరణ్ బేడీ బయోపిక్ త్వరలో తెరకెక్కనుంది. దీనికి ‘బేడీ ది నేమ్ యు నో, ది స్టోరీ యు డోంట్’ అనే టైటిల్‌ను ఖరారు చేశారు. వన్ వే, అనదర్ టైమ్ వంటి చిత్రాలతో అంతర్జాతీయ ప్రశంసలందుకున్న కుషాల్‌ చావ్లా దర్శకత్వంలో గౌరవ్ చావ్లా నిర్మిస్తున్నారు. వచ్చే ఏడాది ఈ చిత్రం ప్రేక్షకుల ముందుకు రానుంది. ‘భారత్‌లో పెరిగి, చదువుకొని దేశ ప్రజల కోసం పని చేసిన ప్రతి స్త్రీ కథ’ అని కిరణ్ బేడీ ఓ ప్రకటనలో తెలిపారు.

‘కిరణ్‌ బేడీ జీవితంలో ఎదుర్కొన్న సవాళ్ల గురించి మాత్రమే కాదు… ఆమె జీవితంలోని వ్యక్తిగత, వృత్తిపరమైన అంశాలను కూడా ఈ సినిమాలో చూపించబోతున్నాం’’ అని మేకర్స్‌ పేర్కొన్నారు. ఇక కిరణ్ బేడీ 1966లో జాతీయ జూనియర్‌ టెన్నిస్‌ చాంపియన్‌గా వార్తల్లో నిలిచారు.ఆ తర్వాత ఐపీఎస్‌ ఆఫీసర్‌గా ఎన్నో సంస్కరణలు చేశారు. ‘పాండిచ్చేరికి లెఫ్టినెంట్‌ గవర్నర్‌గా చేశారు. అలాగే రామన్‌ మెగసెసే అవార్డ్స్‌తో పాటు ఎన్నో జాతీయ, అంతర్జాతీయ అవార్డులు అందుకున్నారు కిరణ్‌ బేడీ. ఇక వెండితెరపై ఆమె పాత్రను ఎవరు చేస్తారన్న అంశం ఆసక్తికరంగా మారింది.