Kaithi 2: ఖైదీ2 ఉందా లేదా.. పుకార్ల‌కు చెక్‌

లోకేష్ కనకరాజ్–కార్తీ కాంబోలో తెరకెక్కుతున్న ఖైదీ2పై వచ్చిన రెమ్యునరేషన్ వివాదాలు, షూటింగ్ నిలిచిపోయిందన్న పుకార్లన్నీ అసత్యమని నిర్మాతలు స్పష్టం చేశారు.

  • By: raj |    news |    Published on : Nov 28, 2025 9:30 PM IST
Kaithi 2: ఖైదీ2 ఉందా లేదా.. పుకార్ల‌కు చెక్‌

ఐదేండ్ల క్రితం ఎలాంటి అంచ‌నాలు లేకుండా విడుద‌లై సౌత్ ఇండియాను షాక్ గురి చేసిన చిత్రం ఖైదీ. కార్తీ హీరోగా లోకేశ్ క‌న‌గ‌రాజ్ మ‌లి ప్ర‌య‌ల్నంగా వ‌చ్చిన ఈ చిత్రం సంచ‌ల‌నాలు సృష్టించింది. అయితే ఇప్పుడు ఈ సినిమా సిరీస్‌లో ఖైదీ2 ఉంటుంద‌ని డైరెక్ట‌ర్ స్ప‌ష్టం చేశాడు. అయితే సినిమా గురించి కొంత‌కాలంగా ఎలాంటి అప్‌డేట్‌లు లేక‌పోవ‌డంతో అస‌లు ఈ సినిమా ఉంటుందా ఉండ‌దా అనే డౌట‌నుమానాలు వ‌చ్చాయి.

ఈ నేప‌థ్యంలోనే ‘ఖైదీ-2’పై వచ్చిన పుకార్లకు నిర్మాతలు తెరదించారు. రెమ్యునరేషన్ ఇష్యూలు, నిర్మాణ సంస్థ – దర్శకుడి మధ్య విభేదాలు అంటూ వచ్చిన వార్తల్లో నిజం లేదని స్పష్టం చేశారు. అన్ని కారణాల వల్ల షూట్ వాయిదా పడినా, ప్రాజెక్టు వచ్చే జనవరి నుంచి ప్రారంభమవుతుందని తెలిపారు. కార్తీ కూడా ఈ విషయాన్ని ధ్రువీకరిస్తూ, ‘ఖైదీ-2’ కూడా మొదటి భాగం లాగానే ప్రేక్షకులను అలరిస్తుందన్నారు.