Rajendra Prasad | బ్ర‌హ్మానందంలాంటి పెద్ద మ‌నిషిని స‌భ‌లో అలా తిట్టాడేంటి.. రాజేంద్ర ప్ర‌సాద్ ఇక మారడా?

Rajendra Prasad | టాలీవుడ్ ఇండ‌స్ట్రీలో వైవిధ్య‌మైన సినిమాలు రూపొందుతున్న సంగ‌తి తెలిసిందే. తాజాగా రామ్ కిరణ్ హీరోగా, మేఘా ఆకాశ్ హీరోయిన్‌గా స‌హ‌కుటుంబానం అనే చిత్రం రూపొందుతుండ‌గా, ఈ చిత్రంతో ఉద‌య్ శ‌ర్మ ద‌ర్శ‌కుడిగా ప‌రిచ‌యం అవుతున్నారు.

  • By: sn |    news |    Published on : Nov 30, 2025 9:00 AM IST
Rajendra Prasad | బ్ర‌హ్మానందంలాంటి పెద్ద మ‌నిషిని స‌భ‌లో అలా తిట్టాడేంటి.. రాజేంద్ర ప్ర‌సాద్ ఇక మారడా?

Rajendra Prasad | టాలీవుడ్ ఇండ‌స్ట్రీలో వైవిధ్య‌మైన సినిమాలు రూపొందుతున్న సంగ‌తి తెలిసిందే. తాజాగా రామ్ కిరణ్ హీరోగా, మేఘా ఆకాశ్ హీరోయిన్‌గా స‌హ‌కుటుంబానం అనే చిత్రం రూపొందుతుండ‌గా, ఈ చిత్రంతో ఉద‌య్ శ‌ర్మ ద‌ర్శ‌కుడిగా ప‌రిచ‌యం అవుతున్నారు. ఈ చిత్రానికి సంగీతం మెలోడీ బ్రహ్మ మణిశర్మ సంగీతం అందించటం విశేషం. మధు దాసరి సినిమాటోగ్రఫీ, శశాంక్ మాలి ఎడిటింగ్ బాధ్యతలు చేపట్టగా, ఈ చిత్రం హెచ్ఎన్‌జీ సినిమాస్ ఎల్ఎల్‌పీ బ్యానర్‌పై నిర్మితమవుతోంది. ఈ సినిమా ట్రైలర్‌ను హైదరాబాద్‌లోని ప్రసాద్ ల్యాబ్‌లో జరిగిన ప్రత్యేక కార్యక్రమంలో ఘనంగా ఆవిష్కరించారు.

ట్రైలర్ లాంచ్ వేడుకకు ముఖ్య అతిథిగా డైరెక్టర్ బుచ్చిబాబు సనా హాజరయ్యారు. అలాగే పద్మశ్రీ డాక్టర్ బ్రహ్మానందం, నటకిరిటీ డాక్టర్ రాజేంద్ర ప్రసాద్ ఈ కార్యక్రమానికి హాజరై వేడుకకు ప్రత్యేక ఆకర్షణగా నిలిచారు. అయితే బ్రహ్మానందం త‌ర్వాత మాట్లాడేందుకు మైక్ అందుకున్న రాజేంద్ర ప్ర‌సాద్.. ప‌ద్మ‌శ్రీ బ్ర‌హ్మానందం గారు మాట్లాడిన త‌ర్వాత నేను మాట్లాడ‌డం అని అన‌గానే, ప‌క్క‌నే బ్ర‌హ్మానందం ఏదో అన‌డంతో ముసలి ముం**కొడుకువి అన్నాడు,” వెంట‌నే బ్ర‌హ్మానందం “ఎవరు..?” అంటూ ప్రశ్నించగానే, “నేనే,” అంటూ రాజేంద్ర ప్రసాద్ మాట మార్చారు. ఇందుకు సంబంధించిన వీడియో నెట్టింట వైర‌ల్‌గా మారింది.

అయితే గ‌తంలోను రాజేంద్ర‌ప్ర‌సాద్ ఇలాంటి బూతు ప‌దాలు వాడి విమ‌ర్శ‌ల పాల‌య్యాడు. ఆలీ, రోజా, డేవిడ్ వార్న‌ర్‌పై అనుచిత వ్యాఖ్య‌లు చేసిన స‌మ‌యంలో రాజేంద్ర ప్ర‌సాద్‌ని ఓ రేంజ్‌లో వేసుకున్నారు. ఆ స‌మ‌యంలో తాను మ‌ళ్లీ అలాంటి మాట్లాడ‌న‌ని అన్నాడు. కాని ప‌ద్ద‌తి మార్చుకోలేదు అంటూ తిట్టిపోస్తున్నారు. రాజేంద్ర ప్రసాద్ తన నట జీవితంలోని ఆసక్తికర సంఘటనలను పంచుకున్నారు. లెక్చరర్‌గా పనిచేసిన రోజులు, అహనా పెళ్లంటా సినిమా సెట్లో జరిగిన సంఘటనలు ప్రేక్షకులను చిరునవ్వులు పూయించాయి. ఈ సినిమాలో తండ్రి పాత్ర పోషించడం తనకు పెద్ద ఛాలెంజ్ అని రాజేంద్ర ప్రసాద్ తెలిపారు. ఇది ఒక అనాథ కథ. కుటుంబం అనే బంధం ఎంత గొప్పదో తెలియజేసే ప్రయత్నం చేస్తున్నారు. సినిమా మీద ప్రేమ ఉంటే థియేటర్లలో చూసి ఆశీర్వదించండి,” అని ఆయన ప్రేక్షకులను కోరారు.