KTR | పనులు చేసింది బీఆరెస్ హయంలో.. క్రెడిట్ కాంగ్రెస్ ఖాతాలో: కేటీఆర్

బీఆరెస్ హయంలో కట్టిన ప్రాజెక్టులను, ఇచ్చిన ఉద్యోగాలను కాంగ్రెస్ ఖాతాలో వేసుకుంటు సీఎం రేవంత్‌రెడ్డి క్రెడిట్ కొట్టేస్తున్నారంటూ బీఆరెస్ వర్కింగ్ ప్రెసిడెంట్ కేటీఆర్ విమర్శించారు

సీఎం రేవంత్‌రెడ్డి తీరుపై కేటీఆర్ ఫైర్

విధాత, హైదరాబాద్ : బీఆరెస్ (BRS) హయంలో కట్టిన ప్రాజెక్టులను, ఇచ్చిన ఉద్యోగాలను కాంగ్రెస్ ఖాతాలో వేసుకుంటు సీఎం రేవంత్‌రెడ్డి (CM Revanth Reddy) క్రెడిట్ కొట్టేస్తున్నారంటూ బీఆరెస్ వర్కింగ్ ప్రెసిడెంట్ కేటీఆర్ (KTR) విమర్శించారు. ట్విటర్ వేదిగా ఆయన రేవంత్‌రెడ్డి తీరుపై విమర్శలు గుప్పించారు. మొన్న 30 వేల ఉద్యోగాలు మీరే ఇచ్చారన్నారని, నిన్న కాగ్నిజెంట్ కంపెనీని మీరే తెచ్చామన్నారని, నేడు సీతారామ ప్రాజెక్టును మీరే కట్టారంటున్నారని ఇలా మా కష్టాన్ని ఎన్నిసార్లు మీ ఖాతాలో వేసుకునే ప్రయత్నం చేస్తారంటూ కేటీఆర్ ప్రశ్నించారు.

ముఖ్యమంత్రి గారు..

మొన్న…
30 వేల ఉద్యోగాలు మీరే ఇచ్చారన్నారు

నిన్న…
కాగ్నిజెంట్ కంపెనీని మీరే తెచ్చామన్నారు

నేడు…
సీతారామ ప్రాజెక్టును మీరే కట్టారంటున్నారు

మా కష్టాన్ని ఎన్నిసార్లు..
మీ ఖాతాలో వేసుకునే ప్రయత్నం చేస్తారు

హద్దుమీరిన అబద్ధాలతో..
ఇంకా ఎన్నిసార్లు…

— KTR (@KTRBRS) August 16, 2024

హద్దుమీరిన అబద్ధాలతో ఇంకా ఎన్నిసార్లు మభ్యపెట్టాలని చూస్తారన్నారు. మీరు శ్రీకారం చుట్టి మీరే లక్ష్యాన్ని చేర్చిన నాడు అది మీ సమర్థతకు ప్రతీక అవుతుందని, అంతే తప్ప బీఆరెస్ సర్కారు క్రెడిట్ ను కొట్టేసే ప్రయత్నం మీరు ఎంత చేసినా నాలుగు కోట్ల ప్రజానీకం మాత్రం నమ్మదని, తెలంగాణ సమాజం ఎప్పటికీ విశ్వసించదని రేవంత్‌రెడ్డి వైఖరిని కేటీఆర్ తప్పుబట్టారు.