మత్తులో పోలీసుల బండినే ఎత్తుకెళ్లిపోయిన మందుబాబు

ఫూటుగా తాగి ఓ మందుబాబు పోలీసుల బండినే ఎత్తుకెళ్లిపోయిన ఘటన గద్వాల జిల్లా ఎర్రవల్లిలో చోటుచేసుకుంది. గద్వాల - ఎర్రవల్లిలో మద్యం మత్తులో ఓ యువకుడు హల్ చల్ చేస్తూ వాహనాదారులను ఇబ్బంది పెట్టాడు

సీసీ కెమెరాల సహాయంతో పట్టివేత

విధాత: ఫూటుగా తాగి ఓ మందుబాబు పోలీసుల బండినే ఎత్తుకెళ్లిపోయిన ఘటన గద్వాల జిల్లా ఎర్రవల్లిలో చోటుచేసుకుంది. గద్వాల – ఎర్రవల్లిలో మద్యం మత్తులో ఓ యువకుడు హల్ చల్ చేస్తూ వాహనాదారులను ఇబ్బంది పెట్టాడు. గమనించిన ఓ కానిస్టేబుల్ పోలీసు వాహనాన్ని హైవే పక్కన నిలిపి.. ఆ యువకుడిని పక్కకు పంపించి, ట్రాఫిక్ క్రమబద్ధీకరణలో నిమగ్నమయ్యాడు. తర్వాత చూసేసరికి పెట్రోలింగ్ వాహనం అపహరణకు గురైంది. అయితే మద్యం మత్తులో ఆ యువకుడు వాహనాన్ని ఎత్తుకెళ్లినట్టు గుర్తించిన పోలీసులు తనిఖీలు చేపట్టగా.. కోదండపురంలో ఓ పెట్రోల్ బంక్ వద్ద వాహనాన్ని గుర్తించారు. మందుబాబును అదుపులోకి తీసుకుని స్టేషన్‌కు తరలించి కిక్కు దిగేదాక మర్యాదలు చేసి పంపించారు.