జూన్ 27 నుంచి ఇంజనీరింగ్ ప్రవేశాల ప్రక్రియ
జులై 12న మొదటి విడత ఇంజనీరింగ్ సీట్ల కేటాయింపు
విధాత, హైదరాబాద్: తెలంగాణలో ఇంజనీరింగ్ కళాశాలల్లో ప్రవేశాలకు సంబంధించిన కౌన్సెలింగ్ షెడ్యూల్‌ను రాష్ట్ర ఉన్నత విద్యాశాఖ విడుదల చేసింది. మొత్తం మూడు విడతల్లో ప్రవేశాల ప్రక్రియ జరగనుంది. జూన్ 27 నుంచి ఇంజనీరింగ్ ప్రవేశాల ప్రక్రియ ప్రారంభం కానుంది. జూన్ 30 నుంచి మొదటి విడత వెబ్ ఆప్షన్లకు అవకాశం కల్పిస్తారు. జులై 12న మొదటి విడత ఇంజనీరింగ్ సీట్ల కేటాయింపు జరుగనుంది.
జులై 19 నుంచి ఇంజనీరింగ్ రెండో విడత కౌన్సెలింగ్, జులై 24న ఇంజనీరింగ్ రెండో విడత సీట్ల కేటాయింపు, జులై 30 నుంచి ఇంజనీరింగ్ తుది విడత కౌన్సెలింగ్, ఆగస్టు 5న తుది విడత ఇంజనీరింగ్ సీట్ల కేటాయింపు నిర్వహిస్తారు. ఇంటర్నల్ స్లైడింగ్ ఆన్లైన్‌లో కన్వీనర్ ద్వారా చేపట్టాలని నిర్ణయించారు. ఆగస్టు 12 నుంచి ఇంటర్నల్ స్లైడింగ్ ప్రక్రియ నిర్వహిస్తారు. ఆగస్టు 16న ఇంటర్నల్ స్లైడింగ్ సీట్ల కేటాయింపు చేస్తారు. ఆగస్టు 17న స్పాట్ అడ్మిషన్లకు మార్గదర్శకాలు విడుదల చేస్తారు.