కాళేశ్వర్యంలో పురాతన మ్యూజియం ప్రారంభం ..ఆకట్టుకుంటున్న శతాబ్దాలనాటి శిల్పసంపద

విధాత, ప్రత్యేక ప్రతినిధి: కాళేశ్వరంలో నిర్మించిన పురాతన మ్యూజియంలో శతాబ్దాల నాటి శిల్ప కళా సంపద విశేషంగా ఆకట్టుకుంటోంది. ఈ మ్యూజియాన్ని రాష్ట్ర గవర్నర్ శివ ప్రతాప్ శుక్లా ప్రారంభించారు. రూ. 1.20 కోట్ల వ్యయంతో నిర్మించబడిన నూతన మ్యూజియాన్ని కంచి కామకోటి పీఠాధిపతి శంకర విజయేంద్ర సరస్వతితో కలిసి గవర్నర్ ఘనంగా ప్రారంభించారు. ఈ సందర్భంగా గవర్నర్ మ్యూజియంను పరిశీలించి, అందులో ఏర్పాటు చేసిన విభిన్న శిలా సంపదను ఆసక్తిగా వీక్షించారు. ఈ మ్యూజియం చరిత్ర, సంస్కృతి, సంప్రదాయాలను ప్రతిబింబించేలా నిర్మించారు. యువత, విద్యార్థులు ఈ మ్యూజియంను సందర్శిస్తే శిలా సంపదపై అవగాహన పెంపొందించుకునే అవకాశం ఉంటోంది. ఈ మ్యూజియంలో 11,12, 13 శతాబ్దాలకు చెందిన అతిపురాతన శిల్పసందను ఏర్పాటు చేశారు. భవిష్యత్ తరాలకు చరిత్రపట్ల అవగాహన కలిగేందుకు ఎంతో దోహదం చేస్తుందన్నారు.