Buffalo swallows Gold | మంగళసూత్రాన్ని మింగేసిన బర్రె.. 2 గంటల పాటు సర్జరీ
X
Buffalo swallows Gold | దాణాతో పాటు మంగళసూత్రాన్ని మింగేసింది ఓ బర్రె. మంగళసూత్రాన్ని బర్రె మింగేసిందని గ్రహించిన అనంతరం దానికి 2 గంటల పాటు సర్జరీ నిర్వహించారు. బర్రె కడుపులో ఉన్న మంగళసూత్రాన్ని విజయవంతంగా బయటకు తీశారు. ఈ ఘటన మహారాష్ట్రలోని వసీం జిల్లాలో ఆదివారం చోటు చేసుకోగా, ఆలస్యంగా వెలుగు చూసింది.
వివరాల్లోకి వెళ్తే.. వసీం జిల్లాకు చెందిన ఓ మహిళ స్నానానికి వెళ్లే ముందు.. బర్రె దాణా ఉన్న పల్లెంలో మంగళసూత్రాన్ని ఉంచింది. స్నానం చేసివచ్చిన తర్వాత మంగళసూత్రాన్ని దాణాలో దాచిపెట్టిన విషయాన్ని ఆమె మరిచిపోయి, ఆ పల్లెంను బర్రె ముందు ఉంచింది. దీంతో బర్రె దాణాతో పాటు మంగళసూత్రాన్ని మింగేసింది. కాసేపటి తర్వాత మహిళకు మంగళసూత్రం గుర్తొచ్చింది. ఆ బంగారు గొలుసు కోసం వెతకగా, బర్రె మింగేసినట్లు గ్రహించింది. ఆ మంగళసూత్రం విలువ రూ. 1.5 లక్షలు కాగా, 20 గ్రాముల బరువు ఉంది.
ఇక విషయాన్ని తన భర్త దృష్టికి తీసుకెళ్లింది. ఏ మాత్రం ఆలస్యం చేయకుండా భర్త.. వెటర్నరీ డాక్టర్లకు సమాచారం అందించాడు. బర్రెను మెటల్ డిటెక్టర్తో వైద్యులు పరిశీలించి, బంగారం ఎక్కడ ఉందో గుర్తించారు. అనంతరం బర్రెకు 2 గంటల పాటు సర్జరీ నిర్వహించి, మంగళసూత్రాన్ని బయటకు తీశారు. సర్జరీతో బర్రెకు 60 నుంచి 65 కుట్లు పడ్డాయి. ప్రస్తుతం బర్రె ఆరోగ్యంగా ఉన్నట్లు వైద్యులు తెలిపారు.
#WATCH महाराष्ट्र:वाशिम ज़िले के एक गांव में भैंस के द्वारा सोने का मंगलसूत्र खाने की घटना सामने आई है। ऑपरेशन से 25 ग्राम का मंगलसूत्र निकाला गया।
पशु चिकित्सा अधिकारी बालासाहेब कौंदाने ने बताया, ” मेटल डिटेक्टर से पता चला कि भैंस के पेट में कोई धातु है। 2 घंटे ऑपरेशन चला,… pic.twitter.com/AlM8cpamMc
— ANI_HindiNews (@AHindinews) October 1, 2023
Google News
Facebook
Instagram
Youtube
Telegram