Singham Agian Trailer | మూడో ‘సింగం’ ట్రైలర్​ వచ్చేసింది.. దుమ్ము లేపేసింది…!

సింగం… తమిళ, తెలుగు, హిందీలలో అద్భుత విజయ సాధించిన ఫ్రాంచైజీ. హిందీలో మొదటి భాగం తమిళ రీమేక్​ అయినా, తర్వాత వచ్చినవి మాత్రం పూర్తిగా దర్శకుడు రోహిత్​ శెట్టి సృష్టే.  ఇప్పుడు సింగం 3 గా వస్తున్న సింగం అగైన్​ ట్రైలర్​ విడుదలైంది.

Singham 3 –  బాలీవుడ్ ద‌ర్శకుడు రోహిత్‌ శెట్టి (Rohit Shetty), అజ‌య్ దేవ్‌గ‌ణ్ కాంబోలో వ‌స్తున్న తాజా చిత్రం సింగం అగైన్ (Singham Agian). బ్లాక్ బ‌స్టర్ ‘సింగం’(Singham) ఫ్రాంచైజీకి బాలీవుడ్‌లో ప్రత్యేక అభిమాన సంఘమే ఉంది. అజ‌య్ దేవ్‌గ‌ణ్ హీరోగా వ‌చ్చిన ఈ సినిమాలు భారీ విజయాలు సాధించాయి. దీంతో రోహిత్​ శెట్టి ఏకంగా ఓ కాప్​ యూనివర్స్(Cop Universe)​ను సృష్టించాడు. అజయ్​ దేవ్​గణ్​తో సింగం, రణ్​వీర్​ సింగ్​తో సింబా(Simbaa), అక్షయ్​కుమార్​తో సూర్యవంశీ(Suryavamshi).. ఇదీ శెట్టి కాప్​ యూనివర్స్​. అందులో భాగంగా ఇప్పుడు సింగం 3గా వస్తున్న ‘సింగం అగైన్’​ ట్రైలర్​ విడుదలైంది.

‘సింగం అగైన్’ అంటూ వ‌స్తున్న ఈ సినిమాలో అజయ్‌ దేవగన్ ప్రధాన పాత్రలో న‌టిస్తుండ‌గా.. కరీనా కపూర్ హీరోయిన్‌గా న‌టిస్తుంది.  ఈ సినిమాను దీపావళి కానుకగా ప్రపంచ‌వ్యాప్తంగా ప్రేక్షకుల ముందుకు తీసుకురానున్నట్లు చిత్రబృందం ప్రక‌టించిన విష‌యం తెలిసిందే. ఈ సంద‌ర్భంగా మూవీ నుంచి ట్రైల‌ర్‌ను వదిలారు. రామాయణాన్ని ఆధారంగా చేసుకుని ఈ సినిమాను రూపొందించినట్లు ట్రైలర్​తోనే తెలిసిపోతోంది. ఇక యాక్షన్​ పార్టయితే మామూలుగా లేదు. భారీ స్టార్​ కాస్ట్​తో బీభత్సమైన యాక్షన్​తో రోహిత్​ శెట్టి ఎక్కడా తగ్గలేదు ఈ మూవీలో దీపికా పదుకొనే, టైగ‌ర్ ష్రాఫ్, అర్జున్ క‌పూర్, జాకీ ష్రాఫ్ త‌దిత‌రులు కీల‌క పాత్రలు పోషిస్తున్నారు.

శెట్టి కాప్​ యూనివర్స్ హీరోలు రణ్​వీర్​ సింగ్​, అక్షయ్​కుమార్​ కూడా ఇందులో భాగమయ్యారు. ముగ్గురు హీరోలు విలన్​ చెరలో ఉన్న కథానాయిక కోసం చేసే పోరాటమే ఈ సినిమా. ట్రైలర్​ మాత్రం అదిరిపోయిందంతే. తొందరగా చూసేయండి మరి..!