రామ్​చరణ్​ సరికొత్త అవతారం? 23 ఏళ్ల తర్వాత తెలుగుతెరపై తిరిగి ఆ జానర్​​​ ​

ఏం జరుగబోతోంది? రామ్​చరణ్​ ‌‌– సుకుమార్​ కాంబినేషన్​లో రానున్న #ఆర్​సి17 కథ విభిన్నంగా ఉండబోతోందా? అవుననే అంటున్నాయి విశ్వసనీయ వర్గాలు. ఈమధ్య రాని రియలిస్టిక్​ జానర్​ను సుకుమార్​ టచ్​ చేయబోతున్నాడా?

• మెగా అభిమానులకు పూనకాలు లోడింగ్​.?
• స్టైల్, స్టోరీ, సస్పెన్స్ – అన్నీ కలిపిన మెగా వెస్టర్న్ డ్రామా #ఆర్​సి17
• మెగాపవర్​స్టార్​ను కొత్తగా చూపించబోతున్న లెక్కల మాస్టారు
• అంతర్జాతీయ స్థాయి సాంకేతిక హంగులతో మరో క్లాసిక్​

మెగాపవర్‌స్టార్ రామ్‌చరణ్ – క్రియేటివ్ మాస్టర్ సుకుమార్ కాంబినేషన్ అంటేనే బాహుబలి స్థాయి అంచనాలు. ‘రంగస్థలం’ వంటి బ్లాక్‌బస్టర్ తర్వాత ఈ జంట మళ్లీ ఓ పాన్ ఇండియా ప్రాజెక్ట్​ కోసం సిద్ధమవుతోంది. ఇప్పుడు వారి తాజా కలయిక మరింత హైప్​ క్రియేట్ చేస్తోంది, అది కూడా 23 ఏళ్ల తర్వాత తెలుగు తెరకు వస్తున్న కౌబాయ్(Cowboy) జానర్లో!

ఇప్పటికే పుష్ప సిరీస్‌తో దేశవ్యాప్తంగా పేరు తెచ్చుకున్న సుకుమార్, తాజాగా తన కుమార్తెకు జాతీయ అవార్డు వచ్చిన ఆనందంలో ఉన్నారు. ఈ శుభకార్యాలకు తానూ అనుగుణంగా కొత్త సినిమా కూడా ఫెస్టివల్ లెవెల్లో ఉండాలనుకుంటున్నారట. అందుకే రామ్‌చరణ్‌తో ఓ గ్రాండ్ వెస్టర్న్ అడ్వెంచర్ ప్లాన్ చేస్తున్నారట. రామ్​చరణ్​ను కౌబాయ్​గా చూడాలని సుకుమార్​ కల. ఆయన బాగా సూటవుతాడని నమ్మిన సుకుమార్​, ఒక సీన్​ను ఇంతకుముందే తీసిపెట్టుకున్నాడు. ఈ సినిమాకు “మెకెనా’స్ గోల్డ్(Mackenna’s Gold)” తరహా స్టైల్, స్టోరీ, విజువల్స్ తీసుకురానున్నారు. హాలీవుడ్‌కి సైతం గగుర్పాటు తెప్పించేలా సెటప్ ప్లాన్ చేస్తున్నారట. ఇప్పటికే ఒక ఇంట్రో కాన్సెప్ట్ వీడియోను చిత్రీకరించి, అదే రాజమౌళికి చూపించగా – “ఇది ఆడియెన్స్‌ను స్పెల్‌బౌండ్ చేస్తుంది” అని ఆయన ఓపెన్​గానే అన్నాడు. ఇంతకుమించి నేనేం చెప్పకూడదని కూడా రాజమౌళి నోరుమూసేసుకున్నాడు.

తెలుగు తెరకు కౌబాయ్​ని పరిచయం చేసింది సూపర్​స్టార్​ కృష్ణ. అదే కెఎస్​ఆర్​ దాస్​ దర్శకత్వంలో 1971లో విడుదలైన ‘మోసగాళ్లకు మోసగాడు’. కథ సరికొత్తగా ఉండటం ప్రేక్షకులకు బాగా నచ్చింది. దాంతో ఈ సినిమా ఆంధ్రప్రదేశ్​లోనే కాకుండా విదేశాల్లో కూడా వీరవిహారం చేసింది. తరువాత మెగాస్టార్​ చిరంజీవి 1990లో ‘కొదమసింహం’, సూపర్​స్టార్​ మహేశ్​బాబు 2002లో ‘టక్కరిదొంగ’  ఈ జానర్​లో సూపర్​హిట్లు. కానీ ఇప్పుడు సుకుమార్ – రామ్‌చరణ్ కాంబో అంతకు మించి పోయే ప్రాజెక్ట్‌లా కనిపిస్తోంది. అందుబాటులో ఉన్న అద్భుతమైన విజువల్​ ఎఫెక్ట్స్​ టెక్నాలజీ, హైబడ్జెట్, పాన్ ఇండియా రిలీజ్​ కలిసి, ఇది తెలుగులో పుట్టిన తొలి అంతర్జాతీయ కౌబాయ్​ సినిమా కావొచ్చని అభిప్రాయాలు వినిపిస్తున్నాయి. కథానాయికలుగా లేడీ పవర్​స్టార్​ సాయిపల్లవి, నేషనల్​ క్రష్​ రష్మిక మందన్నాలను కన్​ఫర్మ్​ చేసారని కూడా గుసగుసలు. చిత్రంగా తెలుగు సినిమాల్లో  తండ్రీకొడుకులు కౌబాయ్​లుగా కనబడటం రెండుసార్లు(కృష్ణ–మహేశ్​, చిరంజీవి–రామ్​చరణ్​) కావడం విశేషం.

ఇంకా ప్రాజెక్ట్‌కు సంబంధించిన అధికారిక వివరాలు వెలువడలేదు. కానీ, ఫ్యాన్స్ మాత్రం రామ్‌చరణ్‌ను తుపాకీని గిరగిరా తిప్పి సైడ్​ హోల్డర్​లో పెట్టే స్టైలిష్ కౌబాయ్ గెటప్‌లో చూడాలని కలలు కంటున్నారు. ఇది కేవలం సినిమా కాదు… సుకుమార్​ విజన్. తెలుగు చలనచిత్ర చరిత్రలో మరో ట్రెండ్​సెట్టర్​గా నిలవబోతోందని సినీ విశ్లేషకుల అభిప్రాయం.