Today Horoscope | నేటి రాశిఫ‌లాలు.. ఈ రాశివారికి ప‌ట్టింద‌ల్లా బంగార‌మే..!

Today Horoscope | చాలా మంది జ్యోతిష్యాన్ని అనుస‌రిస్తుంటారు. రోజు వారి రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి నేటి రాశిఫ‌లాలు ఎలా ఉన్నాయో తెలుసుకుందాం..

మేషం

మేష రాశి వారికి ఈ రోజంతా సుఖ, శాంతిమయంగా గడుస్తుంది. సానుకూల ఆలోచనల ప్రభావంతో శారీరకంగానూ, మానసికంగానూ ఉత్సాహంగా ఉంటారు. అన్ని పనులూ అత్యుత్సాహంతో ముగిస్తారు. కుటుంబ సభ్యులతో సంతోషంగా గడుపుతారు. వృత్తి వ్యాపారాలలో ఈ రోజు ఆశించినదానికన్నా మెరుగైన ఫలితాలను అందుకుంటారు.

వృషభం

వృషభ రాశి వారికి ఈ రోజు సామాన్యంగా ఉంటుంది. అన్ని రంగాల వారు చేపట్టిన పనుల్లో ఆచి తూచి వ్యవహరించాలి. ప్రతికూల పరిస్థితులు ఎదురైనా మనోబలం కోల్పోకుండా నిగ్రహం పాటించాలి. ఆత్మవిశ్వాసంతో పనిచేసి ఆటంకాలను అధిగమిస్తారు. అనారోగ్య సమస్యలు నిర్లక్ష్యం చేయవద్దు.

మిథునం

మిథున రాశి వారికి ఈ రోజు అనుకూలంగా లేదు. మీ ఆలోచనలను, భావోద్వేగాలను అదుపులో ఉంచుకోకపోతే వృత్తి, వ్యాపారంలో రాణించడం కష్టం. ఆచరణ సాధ్యం కాని హామీలు ఇస్తే చిక్కుల్లో పడటం ఖాయం. ఆర్థికంగా ఆశించిన ప్రయోజనాలు ఉండకపోవచ్చు.

కర్కాటకం

కర్కాటక రాశి వారికి ఈ రోజు అదృష్టదాయకంగా ఉంటుంది. గ్రహసంచారం యోగిస్తోంది. అనుకున్న పనులు అనుకున్నట్లుగా పూర్తవుతాయి. వ్యాపారులకు పట్టిందల్లా బంగారం అవుతుంది. గత కొంతకాలంగా అనుభవిస్తున్న అనారోగ్య సమస్యల నుంచి విముక్తి లభిస్తుంది. ఇంట్లో సుఖశాంతులు నెలకొంటాయి.

సింహం

సింహ రాశి వారికి ఈ రోజు సాధారణంగా ఉంటుంది. సంకల్ప బలంతో చేపట్టిన పనులన్నీ పూర్తి చేస్తారు. కుటుంబ సభ్యులతో తీర్థయాత్రకి ప్రణాళిక వేస్తారు. తీవ్రమైన కోపావేశాల కారణంగా మానసిక శాంతి కొరవడుతుంది. సంతానం ప్రవర్తన మనస్తాపం కలిగించవచ్చు. వ్యాపారంలో ఆటంకాలు, ప్రతికూలతలు ఉండవచ్చు.

కన్య

కన్యా రాశి వారికి ఈ రోజు మిశ్రమ ఫలితాలు ఉంటాయి. వృత్తిపరంగా గందరగోళానికి గురవుతారు. ఏది సరైనదో ఎంచుకోలేక తికమక పడతారు. మీపై స్నేహితుల ప్రభావం పూర్తిగా ఉంటుంది. అనుభవం, అవగాహన లేకుండా కొత్త మార్గంలో పయనించడం శ్రేయస్కరం కాదు. ఆర్థిక నష్టం సూచితం.

తుల

తులా రాశి వారికి ఈ రోజు అనుకూలంగా ఉంటుంది. ముఖ్యమైన పనులన్నీ అనుకున్నట్లుగా జరగడం వల్ల ఈ రోజు మీరు పూర్తిగా ఆనందంగా ఉంటారు. మీ భవిష్యత్​కు బంగారు బాటలు వేసుకోడానికి శుభసమయం. సమాజంలో ఉన్నత స్థానంలో ఉన్న వ్యక్తులను కలుసుకుంటారు. అనూహ్యంగా సంపదలు కలిసివస్తాయి.

వృశ్చికం

వృశ్చిక రాశి వారికి ఈ రోజు చాలా మంచి రోజు. శుభ సమయం నడుస్తోంది. వృత్తి పరంగా, వ్యక్తిగతంగా సహచరుల సంపూర్ణ సహకారం ఉంటుంది. అదృష్టవంతులు అవుతారు. వృత్తి పరంగా ఊహించిన దానికన్నా అధిక ఆదాయాన్ని పొందుతారు. గతంలో వాయిదా పడిన పనులు విజయవంతంగా పూర్తి చేస్తారు. ఆర్థికపరమైన లాభాలు అధికంగా ఉంటాయి.

ధనుస్సు

ధనుస్సు రాశి వారికి ఈ రోజు అంత అనుకూలంగా లేదు. వృత్తి, వ్యాపార రంగాల వారు అన్ని విషయాలలో ఆచితూచి అడుగు వేస్తే మంచిది. ఆదాయం కన్నా ఖర్చులు ఎక్కువగా ఉంటాయి. ఆరోగ్యం సహకరించదు. బంధువులతో కలహాలు సూచితం. కోపాన్ని అదుపులో పెట్టుకుంటే మంచిది.

మకరం

మకర రాశి వారికి ఈ రోజు మిశ్రమ ఫలితాలు ఉంటాయి. ఆత్మవిశ్వాసంతో, ఉత్సాహంతో పనిచేసి అనుకున్నది సాధిస్తారు. ఒక కీలకమైన విషయంలో గెలుపు మీదే అవుతుంది. మీ ప్రతిభకు ప్రత్యర్ధులు మట్టి కరుస్తారు. జీవిత భాగస్వామి ఆరోగ్యం ఆందోళన కలిగిస్తుంది. స్వల్ప అనారోగ్య సమస్యలు ఉండవచ్చు.

కుంభం

కుంభ రాశి వారికి ఈ రోజు సామాన్యంగా ఉంటుంది. కీలక నిర్ణయాలు తీసుకునే విషయంలో గందరగోళానికి గురవుతారు. ఆత్మవిశ్వాసం లోపిస్తుంది. ఈ పరిస్థితులు మీ ఆరోగ్యంపై ప్రభావం చూపుతాయి. ప్రతికూల అలోచనలకు దూరంగా ఉండండి. ప్రశాంతంగా మీ వృత్తిపై దృష్టి సారించండి.

మీనం

మీన రాశి వారికి ఈ రోజు సామాన్యంగా ఉంటుంది. కుటుంబ అవసరాల కోసం, విలాసాల కోసం అధికంగా డబ్బు ఖర్చు చేస్తారు. ఇతరులను మీ మాటలతో బాధించకుండా ఉండటానికి మాటలు, ఆవేశాన్ని అదుపులో ఉంచుకోవాలి. డబ్బుకు సంబంధించిన విషయాలతో వ్యవహరించేటప్పుడు జాగ్రత్త వహించండి.