సోమ‌వారం రాశిఫ‌లాలు.. ఈ రాశివారికి సంతానంతో విభేదాలు..!

Today Horoscope | చాలా మంది జ్యోతిష్యాన్ని అనుస‌రిస్తుంటారు. రోజు వారి రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి నేటి రాశిఫ‌లాలు ఎలా ఉన్నాయో తెలుసుకుందాం..

మేషం

మేషరాశి వారికి ఈ రోజు అనుకూలంగా ఉంటుంది. అన్ని పనులు సకాలంలో పూర్తవుతాయి. ఆర్థిక పరిస్థితి మెరుగుపడుతుంది. వ్యాపారులు లాభాలను అందుకుంటారు. బంధుమిత్రులతో సరదాగా గడుపుతారు. ఆరోగ్యం సహకరిస్తుంది.

వృషభం

ఈ రోజు మిశ్రమ ఫలితాలు ఉంటాయి. పని ఒత్తిడి కారణంగా ఆందోళనకు గురవుతారు. వృత్తి, వ్యాపారాలలో ఆశించిన ఫలితాలు నిరాశాజనకంగా ఉండవచ్చు. యోగా ధ్యానంతో ఒత్తిడిని అధిగమించవచ్చు. ఆదాయాన్ని మించిన ఖర్చులు ఉండవచ్చు.

మిథునం

మిశ్రమ ఫలితాలు ఉంటాయి. తమ తమ రంగాలలో ఎదురయ్యే పోటీని ఎదుర్కొనే క్రమంలో తీవ్రమైన ఒత్తిడికి లోనవుతారు. ఆర్థికంగా ఆశించిన ఫలితాలు లేక నిరాశకు లోనవుతారు. ప్రతికూల ఆలోచనలు వీడితే మంచిది. ఉద్యోగులు ఎంతో కాలంగా ఎదురుచూస్తున్న శుభవార్త ఈ రోజు అందుకుంటారు. ఆదాయం పెరుగుతుంది.

కర్కాటకం

కర్కాటకరాశి వారికి ఈ రోజు సామాన్యంగా ఉంటుంది. అనారోగ్య సమస్యలు, ఆర్థిక ఇబ్బందులు చుట్టుముడతాయి. ఖర్చులు విపరీతంగా పెరుగుతాయి. చేపట్టిన ప్రతి పనిలోనూ ఆచి తూచి వ్యవహరించాల్సి ఉంటుంది. కోపాన్ని అదుపులో ఉంచుకోకపోతే విరోధులు పెరుగుతారు.

సింహం

సింహరాశి వారికి ఈ రోజు మిశ్రమ ఫలితాలు ఉంటాయి. శుభవార్తలు అందుకుంటారు. ఆర్ధిక వనరులు మెరుగుపడతాయి. కుటుంబంలో శుభకార్యాలు జరుగుతాయి. ఓ శుభవార్త మీ మనోబలాన్ని పెంచుతుంది. ఆరోగ్యం సహకరిస్తుంది. కుటుంబ కలహాల విషయంలో అప్రమత్తంగా ఉండాలి.

కన్య

కన్యారాశి వారికి ఈ రోజు అనుకూలంగా ఉంటుంది. వృత్తి, వ్యాపారాలలో అరుదైన అవకాశాలను అందుకుంటారు. ఆర్థికంగా శుభయోగాలు ఉన్నాయి. సృజనాత్మకతతో ఇంటిని అందంగా తీర్చిదిద్దుతారు. ఇంటి మరమ్మత్తుల నిమిత్తం అధిక ధనవ్యయం ఉంటుంది.

తుల

ఈ రోజు ప్రతికూల ఫలితాలు ఉండవచ్చు. కుటుంబ సమస్యల కారణంగా ఆందోళనల సుడిగుండంలో చిక్కుకున్నట్లుగా ఉంటారు. సంతానంతో విభేదాల కారణంగా మనశ్శాంతి లోపిస్తుంది. ఉద్యోగంలో ఇబ్బందికర పరిస్థితులు ఎదురవుతాయి. సహోద్యోగుల సహకారం లోపిస్తుంది.

వృశ్చికం

వృశ్చికరాశి వారికి ఈ రోజు మిశ్రమ ఫలితాలు ఉండవచ్చు. అనుకోని ఆపదలు, గండాలు ఉండవచ్చు. దేవునిపై నమ్మకం దురదృష్టకర పరిస్థితుల నుంచి గట్టెక్కిస్తాయి. పనుల్లో ఆటంకాల కారణంగా అశాంతి, చికాకుగా ఉంటుంది. కోపాన్ని అదుపులో ఉంచుకోవడం అవసరం.

ధనుస్సు

ధనుస్సురాశి వారికి ఈ రోజు అనుకూలంగా ఉంటుంది. వృత్తి, వ్యాపారాలలో ఆశించిన ప్రయోజనాలు ఉంటాయి. ఈ రోజు శుభవార్తలు అందుకుంటారు. ఆర్థిక క్రమశిక్షణ పాటించడం అవసరం. వ్యాపారులు భాగస్వాముల సహకారంతో లక్ష్యాలను సాధిస్తారు.

మకరం

మకరరాశి వారికి ఈ రోజు అనుకూలంగా ఉంటుంది. రక్తసంబంధీకులతో గతంలో ఉన్న అపార్ధాలు తొలగిపోయి అనుబంధం దృఢపడుతుంది. ఇంటి మరమ్మత్తుల కోసం ధనవ్యయం ఉండవచ్చు. ఉద్యోగంలో హోదా పెరుగుతుంది. ఖర్చులకు తగినట్లుగా ఆదాయం కూడా ఉంటుంది.

కుంభం

కుంభరాశి వారికి ఈ రోజు శుభకరంగా ఉంటుంది. తిరుగులేని విజయాలను సాధిస్తారు. ఉద్యోగులు ప్రత్యేక ప్రశంసలు అందుకుంటారు. సమాజంలో ఉన్నత స్థానానికి చేరుకుంటారు. కోపాన్ని అదుపులో ఉంచుకోవాలి.

మీనం

మీనరాశి వారికి ఈ రోజు అనుకూలంగా ఉంటుంది. అనుకున్న పనులు అనుకున్నట్లుగా పూర్తి కావడంతో ఉత్సాహంగా ఉంటారు. ఉద్యోగులకు పదోన్నతులు, స్థానచలనం ఉండవచ్చు. దూరప్రాంతాల నుంచి శుభవార్త అందుకుంటారు. ఇంటికి బంధువుల రాకతో సందడి వాతావరణం నెలకొంటుంది.