Vijay devarakonda | విజయ్ దేవరకొండ త‌న‌ని పెళ్లికి పిల‌వ‌లేద‌ని బాధ‌ప‌డ్డ చిన్నారి .. పాప‌ రిక్వెస్ట్‌కు హీరో క్యూట్ రిప్లై

Vijay devarakonda | టాలీవుడ్ స్టార్ హీరో విజయ్ దేవరకొండ ఇటీవల నేషనల్ క్రష్ రష్మిక మందన్నాను ప్రేమించి వివాహం చేసుకున్న విషయం తెలిసిందే. వీరిద్దరి పెళ్లి ఫిబ్రవరి 26న రాజస్థాన్‌లోని ఉదయపూర్‌లో కుటుంబ సభ్యులు, సన్నిహితుల సమక్షంలో ఎంతో ఘనంగా జరిగింది. అనంతరం హైదరాబాద్‌లో నిర్వహించిన గ్రాండ్ రిసెప్షన్‌కు సినీ ప్రముఖులు, స్నేహితులు హాజరై ఈ జంటకు శుభాకాంక్షలు తెలిపారు.

  • By: Sandeep |    movies |    Published on : Mar 08, 2026 10:32 AM IST
Vijay devarakonda | విజయ్ దేవరకొండ త‌న‌ని పెళ్లికి పిల‌వ‌లేద‌ని బాధ‌ప‌డ్డ చిన్నారి .. పాప‌ రిక్వెస్ట్‌కు హీరో క్యూట్ రిప్లై

Vijay devarakonda | టాలీవుడ్ స్టార్ హీరో విజయ్ దేవరకొండ ఇటీవల నేషనల్ క్రష్ రష్మిక మందన్నాను ప్రేమించి వివాహం చేసుకున్న విషయం తెలిసిందే. వీరిద్దరి పెళ్లి ఫిబ్రవరి 26న రాజస్థాన్‌లోని ఉదయపూర్‌లో కుటుంబ సభ్యులు, సన్నిహితుల సమక్షంలో ఎంతో ఘనంగా జరిగింది. అనంతరం హైదరాబాద్‌లో నిర్వహించిన గ్రాండ్ రిసెప్షన్‌కు సినీ ప్రముఖులు, స్నేహితులు హాజరై ఈ జంటకు శుభాకాంక్షలు తెలిపారు. ఈ పెళ్లి వేడుకలకు సంబంధించిన ఫోటోలు, వీడియోలు సోషల్ మీడియాలో భారీగా వైరల్ అయ్యాయి.

ఇదిలా ఉండగా, విజయ్ దేవరకొండ పెళ్లి సందర్భంగా ఒక చిన్నారి చేసిన క్యూట్ వీడియో ప్రస్తుతం సోషల్ మీడియాలో ట్రెండ్ అవుతోంది. ఆ వీడియోలో ఒక చిన్నారి ఎంతో అమాయకంగా మాట్లాడిన మాటలు నెటిజన్ల హృదయాలను గెలుచుకున్నాయి. వీడియోలో ఆ చిన్నారి మాట్లాడుతూ, “విజయ్ అన్నా… నేను కూడా నీకు ఫ్యాన్ నే కదా. నన్ను కూడా పెళ్లికి పిలవొచ్చు కదా. ఎందుకు పిలవలేదు? నాకు కూడా లడ్డూలు ఇవ్వొచ్చు కదా” అంటూ ఎంతో అమాయకంగా ప్రశ్నలు అడిగింది. చిన్నారి మాటలు చాలా క్యూట్‌గా ఉండటంతో ఆ వీడియో సోషల్ మీడియాలో వేగంగా వైరల్ అయింది.

కొద్ది గంటల్లోనే ఆ వీడియోకు దాదాపు 10 మిలియన్ వ్యూస్ వచ్చాయి. అనేక మంది నెటిజన్లు కూడా ఆ చిన్నారి అమాయకత్వాన్ని ప్రశంసిస్తూ వీడియోను షేర్ చేశారు. ఇలా వైరల్ అవుతూ చివరకు ఆ వీడియో విజయ్ దేవరకొండ దృష్టికి కూడా చేరింది. ఆ వీడియో చూసిన విజయ్ దేవరకొండ కూడా వెంటనే స్పందించారు. ఆ చిన్నారి వీడియో కిందనే కామెంట్ చేస్తూ ఎంతో ప్రేమగా రిప్లై ఇచ్చారు. “చిట్టితల్లి… నిన్ను మా ఇంటికి లంచ్‌కు పిలుస్తాను. నీకు నచ్చిన చాక్లెట్స్, స్వీట్స్ ఏవో చెప్పు. ఇంట్లో ప్రత్యేకంగా చేయించుకొని మనం కలిసి తిందాం” అంటూ రాసుకొచ్చారు.

విజయ్ నుండి వ‌చ్చిన ఈ స్పందన కూడా సోషల్ మీడియాలో వైరల్ అయింది. అభిమానులు విజ‌య్ స్పందించిన తీరును ప్రశంసిస్తున్నారు. చిన్నారి వీడియోకి స్పందించి ఇలా ప్రేమగా ఆహ్వానం పలకడం చాలా మంచి విషయం అని నెటిజన్లు కామెంట్లు చేస్తున్నారు. ఇప్పుడు ఆ చిన్నారి నిజంగానే విజయ్ దేవరకొండ ఇంటికి ఎప్పుడు వెళ్తుందో అనే ఆసక్తి కూడా అభిమానుల్లో కనిపిస్తోంది. మొత్తానికి ఒక చిన్నారి అమాయకమైన రిక్వెస్ట్ వల్ల విజయ్ దేవరకొండ మరోసారి సోషల్ మీడియాలో హాట్ టాపిక్‌గా మారిపోయారు.