Horoscope | బుధ‌వారం రాశిఫ‌లాలు.. ఈ రాశి వ్యాపారుల‌కు ప‌ట్టింద‌ల్లా బంగార‌మే..!

Horoscope | జ్యోతిష్యం అంటే న‌మ్మ‌కం. మ‌న‌కు అంతా మంచే జ‌ర‌గాల‌ని కోరుకుంటాం.. అందువ‌ల్ల ఈ రోజు మ‌న రాశిఫ‌లాలు ఎలా ఉన్నాయ‌ని చూసుకునే వారు చాలా మందే ఉంటారు. అలాంటి వారి కోసం నేటి రాశిఫ‌లాలు ఎలా ఉన్నాయో తెలుసుకుందాం.

మేషం (Aries)

మేష రాశి వారికి ఈ రోజు సామాన్యంగా ఉంటుంది. ఉద్యోగ వ్యాపారాలలో చిన్న చిన్న సమస్యలు పట్టించుకోకుండా ముందుకెళ్తే ప్రయోజనం ఉంటుంది. చేపట్టిన పనుల్లో శ్రమ పెరగవచ్చు. ఆర్థిక పరిస్థితి సామాన్యంగా ఉంటుంది.

వృషభం (Taurus)

వృషభ రాశి వారికి ఈ రోజు అద్భుతంగా ఉంటుంది. శ్రేష్టమైన శుభకాలం నడుస్తోంది. ఉద్యోగ వ్యాపారాలలో సానుకూల ఫలితాలు ఉంటాయి. కీలక వ్యవహారాల్లో మీదే తుది నిర్ణయం అవుతుంది. వ్యాపారంలో అధిక లాభాలు ఉంటాయి. ఉద్యోగులకు పదోన్నతులు ఉంటాయి.

మిథునం (Gemini)

మిథున రాశి వారికి ఈ రోజు మిశ్రమ ఫలితాలు ఉంటాయి. వృత్తి ఉద్యోగ వ్యాపారాలలో శ్రమ పెరిగినా మీ కృషికి తగిన ఫలితాలను అందుకుంటారు. ఆత్మవిశ్వాసంతో ఒత్తిడిని అధిగమిస్తారు. ఇతరుల విషయాల్లో కలగజేసుకోవద్దు. ఉద్యోగులు అధికారులతో అప్రమత్తంగా ఉండాలి.

కర్కాటకం (Cancer)

కర్కాటక రాశి వారికి ఈ రోజు ఆనందదాయకంగా ఉంటుంది. అన్ని రంగాల వారికి ఈ రోజు సంతోషం, అదృష్టం, ఆనందం, అధికారం అన్ని లభిస్తాయి. అనుకున్న పనులు అనుకున్నట్లుగా జరగడంతో ఈ రోజంతా ఉత్సాహంగా, ఉల్లాసంగా ఉంటారు. ధనసంపదలు పెరుగుతాయి.

సింహం (Leo)

సింహ రాశి వారికి ఈ రోజు మిశ్రమ ఫలితాలు ఉంటాయి. ఉద్యోగ వ్యాపారాలలో ఒత్తిడి పెరగవచ్చు. అవసరానికి తగిన సహాయం అందుతుంది. పెద్దల సలహాలు పాటించకపోవడం వలన ఇబ్బందులు పడతారు. ప్రణాళిక లోపంతో ఖర్చులు పెరుగుతాయి.

కన్య (Virgo)

కన్యా రాశి వారికి ఈ రోజు లాభదాయకంగా ఉంటుంది. మీ ఖ్యాతి, ప్రజాదరణ అన్ని వైపులకు విస్తరిస్తుంది. ఉద్యోగ వ్యాపారాలలో ధనలాభాలున్నాయి. శుభవార్తలు వింటారు. స్నేహితులతో మంచి సమయం గడుపుతారు. జీవిత భాగస్వామితో తీర్థయాత్రలకు వెళ్తారు.

తుల (Libra)

తులా రాశి వారికి ఈ రోజు శుభకరంగా ఉంది. ఉద్యోగ వ్యాపారాలలో ప్రోత్సాహకరమైన వాతావరణం ఉంటుంది. ఉద్యోగులకు ప్రమోషన్ వచ్చే సూచనలు అధికంగా ఉన్నాయి. ఉన్నతాధికారుల నుంచి ప్రశంసలు, సహోద్యోగుల నుంచి సహకారం అందుకుంటారు. వ్యాపారులకు పట్టిందల్లా బంగారం అవుతుంది.

వృశ్చికం (Scorpio)

వృశ్చిక రాశి వారికి ఈ రోజు ప్రతికూల ఫలితాలు ఉండవచ్చు. వృత్తి వ్యాపార ఉద్యోగాలలో సమస్యలతో ఆందోళనలు, టెన్షన్లు పెరుగుతాయి. విరోధులు, శత్రువులతో జాగ్రత్తగా ఉండాలి. కొత్త కార్యక్రమాలు ప్రారంభించడానికి ఇది మంచి రోజు కాదు. ఖర్చులు విపరీతంగా పెరుగుతాయి.

ధనుస్సు (Sagittarius)

ధనుస్సు రాశి వారికి ఈ రోజు అనుకూలంగా ఉంటుంది. చక్కని ప్రణాళికతో చేపట్టిన పనులు పూర్తి చేస్తారు. ఉద్యోగ వ్యాపారాలలో అభివుద్ధికి సంబంధించిన శుభవార్తలు వింటారు. ఉద్యోగులు సమయపాలన, క్రమశిక్షణపై దృష్టి సారించాలి. ఆదాయంతో పాటు ఖర్చులు కూడా పెరుగుతాయి.

మకరం (Capricorn)

మకర రాశి వారికి ఈ రోజు సామాన్యంగా ఉంటుంది. ఉద్యోగంలో సమస్యలు పెరుగుతాయి. పనిఒత్తిడి అధికంగా ఉంటుంది. వ్యాపారులు బుద్ధిబలంతో వ్యవహరిస్తే నష్టాల నుంచి బయట పడచ్చు. ముఖ్యమైన పనుల్లో సమయస్ఫూర్తితో వ్యవహరిస్తే సత్ఫలితాలు ఉంటాయి.

కుంభం (Aquarius)

కుంభ రాశి వారికి ఈ రోజు మిశ్రమ ఫలితాలు ఉంటాయి. ఉద్యోగులు తమ ప్రతిభతో రాణిస్తారు. నూతన బాధ్యతలు స్వీకరిస్తారు. వ్యాపారంలో భాగస్వాముల మధ్య అపార్ధాలు రాకుండా జాగ్రత్త వహించాలి. కొన్ని సంఘటనలు విచారం కలిగిస్తాయి.

మీనం (Pisces)

మీన రాశి వారికి ఈ రోజు అనుకూలంగా ఉంటుంది. ఉద్యోగులకు స్వస్థాన ప్రాప్తి ఉంది. ఆర్థికంగా బలోపేతం అవుతారు. కుటుంబ సౌఖ్యం ఉంటుంది. కీర్తి ప్రతిష్ఠలు పెరుగుతాయి. వివాదాలకు దూరంగా ఉంటే మంచిది. డబ్బు పొదుపుగా ఖర్చు చేస్తే ఆర్థిక ఇబ్బందులు ఉండవు.