Vastu Tips | ప‌డ‌క గ‌దిలో ఈ రంగు ఉంటే.. భార్యాభ‌ర్త‌ల మ‌ధ్య గొడ‌వ‌లే!

Vastu Tips | దంప‌తుల‌కు( Couples ) ప‌డ‌క గ‌ది( Bed Room ) చాలా ముఖ్యం. బెడ్రూం నిర్మాణంతో పాటు ఆ గ‌దికి వేసే రంగులు( Colours ) కూడా ఇంపార్టెంటే. ఎందుకంటే రంగులు కూడా ఆ దంప‌తుల సంసార జీవితంపై ప్ర‌భావం చూపుతాయ‌ట‌. ఈ రంగు ఉప‌యోగిస్తే.. నిత్యం భార్యాభ‌ర్త‌ల మ‌ధ్య గొడ‌వ‌లు జ‌రుగుతాయ‌ట‌.

Vastu Tips | ఇల్లు( House ) నిర్మించే ప్ర‌తి ఒక్క‌రూ.. బెడ్రూం( Bed Room ), కిచెన్ విష‌యంలో చాలా జాగ్ర‌త్త‌లు తీసుకుంటారు. వాస్తుకు( Vastu Tips ) అనుగుణంగా నిర్మాణం చేస్తుంటారు. కొంద‌రు వాస్తు ప్ర‌కారం ప‌డ‌క గ‌ది( Bed Room ) ఏర్పాటు చేసుకున్న‌ప్ప‌టికీ.. అందులో వేసే రంగుల( Colours ) విష‌యంలో పొర‌పాట్లు చేస్తుంటారు. అంతేకాకుండా బెడ్రూంలో ఇష్టారీతిన ఏ వ‌స్తువులు అంటే ఆ వ‌స్తువులు పెడుతుంటారు. ఇలా ఇష్ట‌మొచ్చిన రంగులు, ఇష్ట‌మొచ్చిన వ‌స్తువుల‌ను ఉంచ‌డం వ‌ల్ల‌.. ఆ ఇంటి దంపతుల( Couples ) మ‌ధ్య క‌లహాలు ఏర్ప‌డ‌డ‌మే కాకుండా, ఆర్థిక క‌ష్టాలు కూడా వ‌చ్చి ప‌డుతాయ‌ని వాస్తు నిపుణులు చెబుతున్నారు. మ‌రి బెడ్రూం ఎలా ఉండాలో తెలుసుకుందాం.

దుప్పుట్లు ఈ రంగులో ఉండొద్దు..

ప‌డ‌క‌గ‌ది​లో బెడ్ మీద ఉపయోగించే దుప్పట్లు నలుపు, నీలం రంగులో ఉండకుండా చూసుకోవాలి. ఈ రంగుల్లో ఉంటే దరిద్ర దేవత ఇంట్లోకి ప్రవేశించి లక్ష్మీ కటాక్షం తగ్గిపోతుందంటున్నారు. అలాగే, మంచం మీద ఉపయోగించే దుప్పట్లకు త్రిభుజాకారం, ఏదైనా కోణం ఆకారంలో గుర్తులు ఉండకుండా చూసుకోవాలట.

ప‌డ‌క‌గ‌దిలో ఈ రంగు వ‌ద్దే వ‌ద్దు..

చాలా మంది ప‌డ‌క‌గ‌ది సీలింగ్‌కు నీలం రంగు వేయించుకుంటారు. ఎందుకంటే రాత్రిళ్లు ఆకాశం చూస్తున్న ఫీలింగ్‌తో గ‌డిపేయాల‌నే ఆలోచ‌న‌తో. కానీ ఈ బ్లూ క‌ల‌ర్ వ‌ల్ల భార్యాభ‌ర్త‌ల మ‌ధ్య గొడ‌వ‌లు ఏర్ప‌డుతాయ‌ట‌. ఎప్పుడైనా సరే బెడ్​రూమ్​లో నారింజ, పసుపు, ఎరుపు రంగు వంటివి ఉండేలా చూసుకోవాలి. అప్పుడు దంపతుల మధ్య అనుకూలత చాలా బాగుంటుందట.

మొక్క‌లు మంచిది కాదు..

మొక్కలు ఉండకూడదట. ప్లాస్టిక్ కుండీలు బెడ్​రూమ్​లో ఉంటే ఇబ్బందికర పరిస్థితులు తలెత్తే ఛాన్స్ ఉంటుందని చెబుతున్నారు.

నీళ్ల ఫొటోల‌కు తావివ్వొద్దు..

బెడ్​రూమ్​లో నీళ్లకు సంబంధించిన ఫొటోలు ఉండకూడదు. అంటే, వాటర్ ఫౌంటెయిన్, పర్వతాల నుంచి వాటర్ జారుతున్నట్లు ఉన్న చిత్రాలు ఉండడం అంత మంచిది కాదంటున్నారు.

ప‌నికిరాని వ‌స్తువుల‌ను మంచం కింద పెట్టొద్దు..

కొందరు మంచం కింద పాత సూట్​కేసులు, పాత సామానులు వంటి కొన్ని పనికిరాని వస్తువులు పెడుతుంటారు. ఇలా పనికిరాని వస్తువులను కాట్ కింద ఉంచడం వల్ల కూడా లక్ష్మీదేవి అనుగ్రహం తగ్గిపోతుందని వాస్తు నిపుణులు హెచ్చ‌రిస్తున్నారు.