Anushka Sharma | సింపుల్ లుక్‌లోనే లగ్జరీ టచ్.. ఐపీఎల్ స్టేడియంలో అనుష్క శర్మ ఫ్యాషన్ హైలైట్,వాచ్ ధ‌ర తెలుసుకొని నోరెళ్ళ‌పెట్టిన నెటిజ‌న్స్

Anushka Sharma | ఐపీఎల్ అంటే పరుగుల పండుగ మాత్రమే కాదు.. స్టేడియాల్లో కనిపించే సెలబ్రిటీల స్టైల్ కూడా అభిమానులకు ప్రత్యేక ఆకర్షణగా మారింది. ముఖ్యంగా టీమ్ ఇండియా స్టార్ క్రికెటర్ విరాట్ కోహ్లీ సతీమణి, బాలీవుడ్ నటి అనుష్క శర్మ స్టేడియంలో కనిపిస్తే కెమెరాలన్నీ ఆమె వైపే తిరుగుతాయి.

Anushka Sharma | ఐపీఎల్ అంటే పరుగుల పండుగ మాత్రమే కాదు.. స్టేడియాల్లో కనిపించే సెలబ్రిటీల స్టైల్ కూడా అభిమానులకు ప్రత్యేక ఆకర్షణగా మారింది. ముఖ్యంగా టీమ్ ఇండియా స్టార్ క్రికెటర్ విరాట్ కోహ్లీ సతీమణి, బాలీవుడ్ నటి అనుష్క శర్మ స్టేడియంలో కనిపిస్తే కెమెరాలన్నీ ఆమె వైపే తిరుగుతాయి. ఆమె ధరించే దుస్తులు సాదాసీదాగా కనిపించినా, వాటి వెనుక ఉన్న క్లాస్, లగ్జరీ ఫ్యాషన్ ప్రియులను ఆకట్టుకుంటుంది.

రాయల్ ఛాలెంజర్స్ బెంగళూరు, గుజరాత్ టైటాన్స్ మధ్య జరిగిన మ్యాచ్‌లో అనుష్క శర్మ లుక్ ఇప్పుడు సోషల్ మీడియాలో వైరల్ అవుతోంది. ఈ మ్యాచ్‌లో రజత్ పాటిదార్ నాయకత్వంలోని ఆర్సీబీ జట్టు ఐదు వికెట్ల తేడాతో విజయం సాధించగా, స్టాండ్స్‌లో కూర్చుని విరాట్ కోహ్లీకి మద్దతుగా చీర్స్ చేస్తూ కనిపించిన అనుష్క తన స్టైలిష్ ప్రెజెన్స్‌తో ప్రత్యేక ఆకర్షణగా నిలిచింది.

సింపుల్ టాప్‌లో క్లాసిక్ టచ్

ఈ మ్యాచ్ కోసం అనుష్క తెలుపు రంగు రఫుల్ స్లీవ్ టాప్‌ను ఎంపిక చేసుకుంది. సెజానే బ్రాండ్‌కు చెందిన ఈ టాప్‌లో వి-నెక్ డిజైన్, అందమైన ఎంబ్రాయిడరీ, లేస్ వర్క్ ఉండటం వల్ల అది చాలా ఎలిగెంట్‌గా కనిపించింది. దీని ధర సుమారు రూ.17 వేల వరకు ఉంటుంది. ఈ టాప్‌కు జోడీగా ఆమె నీలిరంగు డెనిమ్ జీన్స్ ధరించింది. మొత్తం లుక్ చాలా సింపుల్‌గా ఉన్నప్పటికీ, అందులో కనిపించిన క్లాసిక్ టచ్ అనుష్క స్టైల్‌కు నిదర్శనం.

సెలబ్రిటీలు సాధారణంగా భారీ ఖరీదైన దుస్తులు ధరిస్తారు. కానీ అనుష్క మాత్రం తక్కువ ధరలో ఉండే అవుట్‌ఫిట్‌తో కూడా ఎంతో లగ్జరీ ఫీల్ ఇచ్చేలా స్టైలింగ్ చేసుకోవడం విశేషం. చేతికి మినిమల్ బ్రేస్‌లెట్లు, మేకప్ లేకుండా సహజసిద్ధంగా కనిపించిన ఆమె అందాన్ని మరింత పెంచాయి. ఈ లుక్ ద్వారా ‘సింప్లిసిటీ ఈజ్ ది బెస్ట్ స్టైల్’ అనే భావనను ఆమె మరోసారి చాటిచెప్పింది.

లక్షల విలువైన కార్టియర్ వాచ్

అయితే ఈ అవుట్‌ఫిట్‌లో అసలు హైలైట్ ఆమె చేతికి ఉన్న వాచ్. ప్రపంచ ప్రసిద్ధ కార్టియర్ బ్రాండ్‌కు చెందిన ‘పాంథెర్ డి కార్టియర్’ కలెక్షన్ వాచ్‌ను అనుష్క ధరించింది. 1980ల డిజైన్ స్టైల్‌లో రూపొందించిన ఈ వాచ్ 18 క్యారెట్ల పసుపు బంగారంతో తయారై, నీలిరంగు సాఫైర్ స్టోన్‌తో అలంకరించబడింది.

ఈ వాచ్ ధర భారతదేశంలో సుమారు రూ.28 లక్షల నుండి రూ.61 లక్షల వరకు ఉంటుందని అంచనా. వజ్రాల డిజైన్ ఆధారంగా ధర మారుతుంది. సింపుల్ టాప్‌తో ఇంత ఖరీదైన వాచ్‌ను జోడించడం ద్వారా అనుష్క తన ఫ్యాషన్ సెన్స్‌ను మరోసారి నిరూపించింది.

నో-మేకప్ లుక్‌లో హుందాతనం

మేకప్ విషయంలో కూడా అనుష్క తన సిగ్నేచర్ స్టైల్‌ను కొనసాగించింది. నూడ్ పింక్ లిప్‌స్టిక్, లైట్ ఐ మేకప్, సైడ్ పార్టెడ్ హెయిర్ స్టైల్‌తో ఎంతో ఫ్రెష్‌గా కనిపించింది. స్టేడియంలో ఎంతటి సందడి ఉన్నా, తన ప్రశాంతమైన లుక్‌తో ప్రత్యేకంగా మెరిసింది.