Bandla Ganesh | షాద్‌నగర్‌లో బండ్ల గణేష్ డ్రీమ్ హౌస్.. రూ.100 కోట్లకి పైమాటేనంటూ ఇండస్ట్రీలో చర్చ!

Bandla Ganesh | ప్రముఖ నిర్మాత, వ్యాపారవేత్త, రాజకీయ నాయకుడు బండ్ల గణేష్ మరోసారి వార్తల్లో నిలిచారు. తన ప్రత్యేకమైన మాటతీరు, స్పీచ్‌లతో ఎప్పుడూ చర్చనీయాంశంగా ఉండే ఆయన.. కొంతకాలంగా సినిమాలకు దూరంగా ఉన్నప్పటికీ ఇప్పుడు మళ్లీ నిర్మాతగా రీఎంట్రీకి సిద్ధమవుతున్నట్లు సమాచారం.

Bandla Ganesh | ప్రముఖ నిర్మాత, వ్యాపారవేత్త, రాజకీయ నాయకుడు బండ్ల గణేష్ మరోసారి వార్తల్లో నిలిచారు. తన ప్రత్యేకమైన మాటతీరు, స్పీచ్‌లతో ఎప్పుడూ చర్చనీయాంశంగా ఉండే ఆయన.. కొంతకాలంగా సినిమాలకు దూరంగా ఉన్నప్పటికీ ఇప్పుడు మళ్లీ నిర్మాతగా రీఎంట్రీకి సిద్ధమవుతున్నట్లు సమాచారం. చిన్న బడ్జెట్ సినిమాలతో కొత్త ప్రతిభకు అవకాశం ఇవ్వాలనే ఆలోచనలో ఉన్నట్లు గతంలోనే వెల్లడించారు.

ఇటీవల తిరుమలకు కాలినడకన వెళ్లి శ్రీవారిని దర్శించుకోవడం, అలాగే మెగా 158 మూవీ ప్రారంభోత్సవ కార్యక్రమంలో మెగాస్టార్ చిరంజీవి, పవర్ స్టార్ పవన్ కళ్యాణ్‌లతో కలవడం కూడా సోషల్ మీడియాలో చర్చనీయాంశమైంది.

చిరంజీవి ప్ర‌త్యేక ఆక‌ర్ష‌ణ‌…

ఇదిలా ఉండగా.. బండ్ల గణేష్ వ్యక్తిగత జీవితానికి సంబంధించిన మరో ఆసక్తికర విషయం ఇప్పుడు బయటకు వచ్చింది. గత ఏడాది ఆయన షాద్‌నగర్ సమీపంలో నిర్మించిన కొత్త ఇంటి గృహప్రవేశ వేడుకను అత్యంత వైభవంగా నిర్వహించారు. ఈ కార్యక్రమానికి సినీ పరిశ్రమకు చెందిన పలువురు ప్రముఖులు హాజరయ్యారు. ముఖ్యంగా మెగాస్టార్ చిరంజీవి కూడా పాల్గొనడం అప్పట్లో ప్రత్యేక ఆకర్షణగా నిలిచింది.

ఆ సమయంలో చిరంజీవి ఆరోగ్య సమస్యలు, ముఖ్యంగా వెన్నునొప్పితో బాధపడుతున్నప్పటికీ, బండ్ల గణేష్ ఆహ్వానం మేరకు కార్యక్రమానికి హాజరైనట్లు సమాచారం. చిరంజీవి కోసం ప్రత్యేకంగా ఒక ప్రత్యేక కుర్చీ తయారు చేయించారని కూడా అప్పట్లో వార్తలు వచ్చాయి. ఇండస్ట్రీలో ఆయన స్థానానికి గుర్తుగా ఆ ఏర్పాట్లు చేశారని చెప్పుకున్నారు.

రూ.వంద కోట్లు..

తాజాగా నటుడు రాజా రవీంద్ర నిర్వహించిన ఒక ఇంటర్వ్యూలో బండ్ల గణేష్ ఇంటి గురించి ఆసక్తికర విషయాలు బయటపడ్డాయి. షాద్‌నగర్‌లో నిర్మించిన ఆ భారీ నివాసం విలువ దాదాపు రూ.100 కోట్ల వరకు ఉంటుందని ఆయన పేర్కొన్నారు. దీంతో ఈ విషయం సోషల్ మీడియాలో వైరల్ అవుతోంది.

అత్యాధునిక సౌకర్యాలు, విస్తారమైన స్థలం, ప్రత్యేక ఇంటీరియర్ డిజైన్‌తో ఈ ఇంటిని నిర్మించినట్లు సమాచారం. అయితే ఇంటి విలువపై ఇప్పటివరకు బండ్ల గణేష్ నుంచి ఎలాంటి అధికారిక ప్రకటన వెలువడలేదు.

సినీ రంగంతో పాటు వ్యాపార రంగంలో కూడా బండ్ల గణేష్ తనకంటూ ప్రత్యేక స్థానం ఏర్పరచుకున్నారు. ముఖ్యంగా వ్యవసాయం, పౌల్ట్రీ రంగాల్లో కూడా ఆయన పెట్టుబడులు ఉన్నాయని ఇండస్ట్రీ వర్గాల్లో చర్చ జరుగుతోంది.

ఇప్పుడు నిర్మాతగా మళ్లీ బిజీ అవ్వాలని చూస్తున్న బండ్ల గణేష్.. ఒకవైపు తన కొత్త ప్రాజెక్టులు, మరోవైపు వ్యక్తిగత జీవితం కారణంగా మళ్లీ వార్తల్లో నిలుస్తున్నారు.