Actress | ఒకప్పటి హీరోయిన్‌ భానుప్రియకు ఇంత కష్టం వచ్చిందా?

Actress | దక్షిణ భారత సినీ పరిశ్రమలో ఒకప్పుడు ఓ వెలుగు వెలిగిన అందాల ముద్దుగుమ్మ భానుప్రియ‌. ఈ అమ్మ‌డు స్టార్ హీరోలైన మోహన్‌లాల్, మమ్ము ట్టి, రజినీకాంత్ వంటి లెజెండ్స్‌తో కలిసి నటించి అత్యున్నత స్థానం సంపాదించింది

Actress | దక్షిణ భారత సినీ పరిశ్రమలో ఒకప్పుడు ఓ వెలుగు వెలిగిన అందాల ముద్దుగుమ్మ భానుప్రియ‌. ఈ అమ్మ‌డు స్టార్ హీరోలైన చిరంజీవి, బాలకృష్ణ, వెంటకటేశ్‌, మోహన్‌లాల్, మమ్ము ట్టి, రజినీకాంత్ వంటి లెజెండ్స్‌తో కలిసి నటించి అత్యున్నత స్థానం సంపాదించింది. తాజాగా ఈ అమ్మ‌డు తమ వ్యక్తిగత జీవితానికి సంబంధించిన షాకింగ్ వివరాలు బయటపెట్టారు. మాజీ భర్త మరణం తర్వాత తీవ్ర మానసిక ఒత్తిడిని ఎదుర్కొని… దాని ప్రభావం వల్ల తనకు జ్ఞాపకశక్తి కోల్పోయే పరిస్థితి ఏర్పడిందని ఆమె వెల్లడించారు.ఒక ఇంటర్వ్యూలో మాట్లాడుతూ, మాజీ భర్త అకాల మరణం తనను ఎంత‌గానో కుంగ‌దీసింద‌ని, ఆ దెబ్బ నుంచి బయటపడేందుకు చాలాకాలం పట్టిందని చెప్పుకొచ్చింది. ఆ సంఘటన తర్వాత తాను తీవ్రమైన డిప్రెషన్‌కు గురై… పనిపైన, జీవితం పైనే ఆసక్తి కోల్పోయానని చెప్పారు.

“జ్ఞాపకశక్తి దెబ్బతింది… నేను ఎవరో నేనే గుర్తుపట్టలేని రోజులు వచ్చాయి”

1983లో మెల్ల పెసంగళ్‌తో నటిగా పరిచయమైన భానుప్రియ, కొద్ది కాలానికే తమిళం, తెలుగు, మలయాళం, కన్నడ మాత్రమే కాదు, హిందీ సినిమాల్లో కూడా తన ముద్ర వేసింది.చిరంజీవి, నాగేశ్వరరావు, బాలకృష్ణ, వెంకటేష్, కమల్ హాసన్, రజనీకాంత్ వంటి అగ్రతారల సరసన వరుస చిత్రాల్లో మెరిసిన ఆమె, ఆళగన్, తలపతి, రాజశిల్పి, పేడరాయుడు, మహారాసన్ వంటి అనేక బ్లాక్‌బస్టర్ సినిమాల్లో అద్భుత నటన చూపించి అభిమానులను ఆకట్టుకుంది.

వివాహం, వ్యక్తిగత జీవితంలో ఎదురుదెబ్బ

1998లో డిజిటల్ ఇంజనీర్ ఆదర్శ్ కౌశల్‌ను భానుప్రియ వివాహం చేసుకున్నారు. వీరికి అభినయ అనే కుమార్తె ఉంది. అయితే 2005లో ఇద్దరూ విడిపోయారు. 2018లో ఆదర్శ్ గుండెపోటుతో మృతి చెందడం భానుప్రియ జీవితాన్ని తీవ్రంగా కుదిపేసింది. మాజీ భర్త మరణం తర్వాత నుంచే జ్ఞాపకశక్తి సమస్యలు మొదలయ్యాయని భానుప్రియ స్వయంగా వెల్లడించారు.

“ఇటీవల నాకు ఆరోగ్యం బాగా లేదు. జ్ఞాపకశక్తి కోల్పోతున్నాను. నేర్చుకున్న విషయాలు మర్చిపోతున్నాను. చిన్నప్పటి నుంచి ఎంతో ప్రేమతో నేర్చుకున్న నృత్యం మీద కూడా ఆసక్తి తగ్గిపోయింది. ఇంట్లో కూడా ప్రాక్టీస్ చేయడం లేదు.ఈ జ్ఞాపకశక్తి లోపం కారణంగా చిత్ర షూటింగ్‌లో తన డైలాగ్స్ కూడా మర్చిపోయినట్లు తెలిపింది. భానుప్రియ చివరగా శివకార్థికేయన్ నటించిన అయలాన్ (2024)లో కనిపించారు. ప్రస్తుతం ఆమె సినిమాలకు దూరంగా ఉంటూ ఆరోగ్య సమస్యలతో పోరాడుతున్నారు.

అందం, నటన, నృత్యం… ఇలా అన్ని రంగాల్లో అభిమానులను మంత్రముగ్ధులను చేసిన భానుప్రియ పరిస్థితి ఇప్పుడు అభిమానులను తీవ్రంగా కలచివేస్తోంది. ఆమె త్వరగా కోలుకోవాలని సినీ ప్రముఖులు, అభిమానులు ఆకాంక్షిస్తున్నారు. చిత్రరంగం పట్ల అపారమైన ప్రేమ ఉన్న ఆమె, ఆరోగ్య సమస్యల కారణంగా ఇండ‌స్ట్రీ నుంచి దూరమయ్యారు. ఒకప్పుడు సౌత్ ఇండస్ట్రీలో ది మోస్ట్ డిమాండింగ్ హీరోయిన్‌గా వెలుగొందిన ఈ నటి జీవితం ఎలా అకస్మాత్తుగా మారిపోయిందో ఆమె మాటలలోనే వినిపించింది.