Niharika | ఆడపిల్లలను అమ్మవారిలా చూడాలి .. అన్న రామ్ చరణ్‌పై నిహారిక కొణిదెల ఎమోషనల్ స్పీచ్ వైరల్!

Niharika | తెలుగు చిత్రపరిశ్రమలో మెగా ఫ్యామిలీకి ఉన్న ప్రత్యేక స్థానం గురించి ప్ర‌త్యేకంగా చెప్ప‌న‌క్క‌ర్లేదు. ఆ కుటుంబం నుంచి వచ్చిన ప్రతి ఒక్కరూ తమ ప్రతిభతో ప్రత్యేక గుర్తింపు సాధించడానికి కృషి చేస్తున్నారు.

Niharika | తెలుగు చిత్రపరిశ్రమలో మెగా ఫ్యామిలీకి ఉన్న ప్రత్యేక స్థానం గురించి ప్ర‌త్యేకంగా చెప్ప‌న‌క్క‌ర్లేదు. ఆ కుటుంబం నుంచి వచ్చిన ప్రతి ఒక్కరూ తమ ప్రతిభతో ప్రత్యేక గుర్తింపు సాధించడానికి కృషి చేస్తున్నారు. ఈ క్రమంలో ‘మెగా డాటర్’గా గుర్తింపు పొందిన నిహారిక కొణిదెల నటిగా కెరీర్ ప్రారంభించి, ఇప్పుడు నిర్మాతగా కూడా తనదైన ముద్ర వేస్తోంది.

‘పింక్ ఎలిఫెంట్ పిక్చర్స్’ బ్యానర్‌పై విభిన్నమైన కథలతో సినిమాలు నిర్మిస్తూ, ఇండస్ట్రీలో సక్సెస్‌ఫుల్ ప్రొడ్యూసర్‌గా ఎదుగుతున్న నిహారిక, తాజాగా తన అన్న రామ్ చరణ్ పుట్టినరోజు వేడుకల్లో పాల్గొని చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి.

చ‌ర‌ణ్‌పై ప్ర‌శంస‌లు..

ఈ సందర్భంగా చరణ్ గురించి మాట్లాడిన నిహారిక, ఒక చెల్లెలిగా ఆయన వ్యక్తిత్వాన్ని ఎంతో భావోద్వేగంతో వివరించింది. “నటుడిగా చరణ్ రేంజ్ గురించి మాట్లాడే స్థాయి నాకు లేకపోయినా, ఆయన కష్టం గురించి నాకు బాగా తెలుసు. అభిమానులు గర్వపడేలా ఉండాలని ప్రతి సినిమా కోసం ప్రాణం పెట్టి పనిచేస్తాడు” అంటూ ఆయన నిబద్ధతను ప్రశంసించింది.

అయితే ఈ ప్రసంగంలో అత్యంత హైలైట్ అయిన అంశం మహిళల పట్ల చరణ్‌కు ఉన్న గౌరవం. తన అక్కలను చెల్లెళ్లలా, చెల్లెళ్లను కూతురులా, కూతుర్లను అమ్మలా, అమ్మను దేవతలా చూస్తాడు” అంటూ నిహారిక చెప్పిన మాటలు అందరినీ ఆకట్టుకున్నాయి. మహిళలను గౌరవించడం విషయంలో చరణ్ ఒక గొప్ప ఉదాహరణ అని ఆమె పేర్కొంది.

ఆడపిల్ల‌ల‌ని అమ్మ‌వారిలా గౌర‌వించాలి..

అలాగే, తన వదిన ఉపాసన కామినేని పట్ల కూడా చరణ్ ఎంతో ప్రేమ, గౌరవంతో వ్యవహరిస్తాడని నిహారిక వెల్లడించింది. ఈ సందర్భంగా యువతకు సందేశం ఇస్తూ, “చరణన్న నుంచి మీరు నేర్చుకోవాల్సింది ఒకటే… ఆడపిల్లలను అమ్మవారిలా గౌరవించడం. ఒక ఆడపిల్ల పక్కన చరణ్ ఫ్యాన్ ఉంటే, ఆ అమ్మాయికి భయం ఉండకూడదు” అంటూ పిలుపునిచ్చింది.

నిహారిక చేసిన ఈ వ్యాఖ్యలు ప్రస్తుతం సోషల్ మీడియాలో విస్తృతంగా చర్చకు దారితీస్తున్నాయి. ఒక స్టార్ హీరోగా మాత్రమే కాకుండా, వ్యక్తిగత జీవితంలోనూ విలువలతో జీవించే వ్యక్తిగా రామ్ చరణ్‌ను ఆమె చూపించిన తీరు అభిమానులను మరింత ఆకట్టుకుంటోంది. మెగా ఫ్యామిలీకి ఉన్న సంస్కారం, విలువలు మరోసారి నిహారిక మాటల ద్వారా ప్రతిఫలించాయి. ఆమె స్పీచ్ ఇప్పుడు నెట్టింట వైరల్‌గా మారి, నెటిజన్ల ప్రశంసలు అందుకుంటోంది.