Palash Muchhal | స్మృతి మాజీ ల‌వ‌ర్ దర్శకత్వంలో కొత్త సినిమా.. ముంబై నేపథ్యంలో భావోద్వేగ కథతో..

Palash Muchhal | బాలీవుడ్‌లో కంటెంట్‌ ఆధారిత సినిమాలకు ప్రాధాన్యం పెరుగుతున్న నేపథ్యంలో మరో ఆసక్తికర ప్రాజెక్ట్‌ రూపుదిద్దుకుంటోంది. గాయకుడు, సంగీత దర్శకుడు, దర్శకుడిగా బహుముఖ ప్రతిభను చూపిస్తున్న పలాష్ ముచ్చల్ తన తదుపరి చిత్రానికి సిద్ధమవుతున్నారు. ఈ సినిమాలో ప్రముఖ నటుడు శ్రేయాస్ తల్పాడే ప్రధాన పాత్రలో నటించనున్నట్లు తాజాగా అధికారికంగా వెలుగులోకి వచ్చింది.

Palash Muchhal | బాలీవుడ్‌లో కంటెంట్‌ ఆధారిత సినిమాలకు ప్రాధాన్యం పెరుగుతున్న నేపథ్యంలో మరో ఆసక్తికర ప్రాజెక్ట్‌ రూపుదిద్దుకుంటోంది. గాయకుడు, సంగీత దర్శకుడు, దర్శకుడిగా బహుముఖ ప్రతిభను చూపిస్తున్న పలాష్ ముచ్చల్ తన తదుపరి చిత్రానికి సిద్ధమవుతున్నారు. ఈ సినిమాలో ప్రముఖ నటుడు శ్రేయాస్ తల్పాడే ప్రధాన పాత్రలో నటించనున్నట్లు తాజాగా అధికారికంగా వెలుగులోకి వచ్చింది. ఈ విషయాన్ని ప్రముఖ బాలీవుడ్‌ క్రిటిక్‌ తరణ్ ఆదర్శ్ తన ఇన్‌స్టాగ్రామ్‌ ఖాతా ద్వారా వెల్లడించారు. ఆయన షేర్ చేసిన వివరాల ప్రకారం.. పలాష్ ముచ్చల్ దర్శకత్వం వహించబోయే ఈ చిత్రం ముంబై నగర నేపథ్యంతో తెరకెక్కనుంది. ఇప్పటివరకు సినిమాకు టైటిల్‌ను ఖరారు చేయలేదు. అయితే కథాంశం, నటీనటుల ఎంపికతోనే ఇప్పటికే ప్రేక్షకుల్లో ఆసక్తి నెలకొంది.

సాధారణ వ్యక్తిగా శ్రేయాస్ తల్పాడే

ఈ సినిమాలో శ్రేయాస్ తల్పాడే ఒక సాధారణ వ్యక్తి పాత్రలో కనిపించనున్నారు. రోజువారీ జీవితంలో ఎదురయ్యే సమస్యలు, భావోద్వేగాలు, మానవ సంబంధాల చుట్టూ కథ సాగుతుందని సమాచారం. సహజ నటనకు పేరుగాంచిన శ్రేయాస్‌కు ఈ పాత్ర మరోసారి తన నటనా పరిధిని చూపించే అవకాశంగా మారనుందని సినీ వర్గాలు భావిస్తున్నాయి.

కామెడీ నుంచి సీరియస్ డ్రామా వరకూ అన్ని జానర్లలో తనదైన ముద్ర వేసిన శ్రేయాస్ తల్పాడే, ‘గోలీ మార్ కే లే లో’, ‘కట్టి బట్టి’, ‘తారీఖ్’, ‘పునేరీ మిసాల్’, ‘ఎమర్జెన్సీ’ వంటి చిత్రాల్లో విభిన్న పాత్రలతో ప్రేక్షకులను ఆకట్టుకున్నారు. ఇప్పుడు పలాష్ ముచ్చల్‌తో ఈ ప్రాజెక్ట్‌ ఆయన కెరీర్‌లో మరో ప్రత్యేక మైలురాయిగా నిలవనుందని అంచనాలు ఉన్నాయి.

డైరెక్టర్‌గా పలాష్ ముచ్చల్ ప్రత్యేక శైలి

పలాష్ ముచ్చల్ కేవలం దర్శకుడే కాకుండా, గాయకుడు, సంగీత దర్శకుడిగా కూడా మంచి గుర్తింపు తెచ్చుకున్నారు. ‘భూత్నాథ్ రిటర్న్స్’ వంటి చిత్రాలకు సంగీతం అందించిన ఆయన, పలు హిట్ పాటలను కూడా కంపోజ్ చేశారు. దర్శకుడిగా ఆయన తెరకెక్కించిన ‘అర్ధ్’ (2022), ‘కామ్ చాలు హై’ (2024) చిత్రాలు సాధారణ జీవితం, సామాజిక సమస్యలు, మానవ సంబంధాలపై దృష్టి సారించాయి. అదే బాటలో ఈ కొత్త సినిమా కూడా కమర్షియల్ హంగులకంటే కథ, భావోద్వేగాలపై ఎక్కువగా ఫోకస్ చేస్తుందని తెలుస్తోంది. ముంబై నగరాన్ని బ్యాక్‌డ్రాప్‌గా తీసుకుని, అక్కడి సాధారణ మనిషి జీవితాన్ని తెరపై ఆవిష్కరించడమే ఈ సినిమా లక్ష్యంగా ఉందని సినీ వర్గాలు చెబుతున్నాయి.

ఇంకా నటీనటులు, సాంకేతిక బృందం వివరాలు అధికారికంగా వెల్లడికావాల్సి ఉంది. అయితే విడుదలకు ముందే ఈ ప్రాజెక్ట్‌పై ఏర్పడిన ఆసక్తి, పలాష్ ముచ్చల్ – శ్రేయాస్ తల్పాడే కాంబినేషన్‌పై ఉన్న నమ్మకాన్ని స్పష్టంగా చూపిస్తోంది.