Sai Pallavi | తప్పుడు ప్రచారంపై సాయి పల్లవి ఆగ్రహం.. “నా మాటలను వక్రీకరించొద్దు”

Sai Pallavi | సౌత్ ఇండియా స్టార్ హీరోయిన్ సాయి పల్లవి తన నేచుర‌ల్‌ నటనతో ప్రేక్షకుల మనసులు గెలుచుకుని ప్రత్యేక గుర్తింపు సంపాదించుకున్నారు. కోయంబత్తూరులో జన్మించిన ఆమె వైద్య విద్యను అభ్యసించి, తర్వాత సినీ రంగంలో అడుగుపెట్టి అగ్ర కథానాయికగా ఎదిగారు. ముఖ్యంగా ప్రేమమ్ సినిమాతో ఆమెకు మంచి గుర్తింపు లభించగా, తెలుగు, తమిళ భాషల్లో వరుస విజయాలతో స్టార్ హీరోయిన్‌గా నిలిచారు.

Sai Pallavi | సౌత్ ఇండియా స్టార్ హీరోయిన్ సాయి పల్లవి తన నేచుర‌ల్‌ నటనతో ప్రేక్షకుల మనసులు గెలుచుకుని ప్రత్యేక గుర్తింపు సంపాదించుకున్నారు. కోయంబత్తూరులో జన్మించిన ఆమె వైద్య విద్యను అభ్యసించి, తర్వాత సినీ రంగంలో అడుగుపెట్టి అగ్ర కథానాయికగా ఎదిగారు. ముఖ్యంగా ప్రేమమ్ సినిమాతో ఆమెకు మంచి గుర్తింపు లభించగా, తెలుగు, తమిళ భాషల్లో వరుస విజయాలతో స్టార్ హీరోయిన్‌గా నిలిచారు.

ప్రస్తుతం హిందీలో ‘ఏక్ దిన్’, ‘రామాయణ’ వంటి భారీ ప్రాజెక్టులతో బిజీగా ఉన్నారు.ఇదిలా ఉండగా, ఇటీవల సోషల్ మీడియాలో తనపై జరుగుతున్న తప్పుడు ప్రచారంపై సాయి పల్లవి తీవ్రంగా స్పందించారు. గతంలో ఒక ఇంటర్వ్యూలో తాను మలయాళీని కాదని, తమిళ అమ్మాయినని చెప్పిన మాటలను కొందరు వక్రీకరించి ఇప్పుడు వైరల్ చేస్తున్నారని ఆమె ఆగ్రహం వ్యక్తం చేశారు.

“నేను కేవలం నా మూలాలు తమిళనాడులో ఉన్నాయని చెప్పాను. దానికి తప్ప మరే భాషను గానీ, వ్యక్తులను గానీ కించపరిచే ఉద్దేశం నాకు లేదు” అని ఆమె స్పష్టం చేశారు. తన మాటలను తప్పుగా అర్థం చేసుకుని, రెండు సంవత్సరాల తర్వాత మళ్లీ వివాదం సృష్టించడం బాధాకరమని అన్నారు.

ఈ తప్పుడు ప్రచారం తనను వ్యక్తిగతంగా ఎంతో బాధించిందని పేర్కొన్న సాయి పల్లవి, “నిజాలను మార్చి నన్ను వివాదాల్లోకి లాగడం సరికాదు. నేను నా వృత్తిని ఎంతో గౌరవిస్తాను. అనవసర వివాదాలకు తావు ఇవ్వాలని కోరుకోవడం లేదు” అని చెప్పారు. సోషల్ మీడియాలో వచ్చే ప్రతి సమాచారం నిజం కాదని, బాధ్యతతో వ్యవహరించాలని కూడా ఆమె సూచించారు. అభిమానులు, నెటిజన్లు నిజానిజాలను తెలుసుకుని స్పందించాలని ఆమె విజ్ఞప్తి చేశారు.

మొత్తానికి, సాయి పల్లవి ఇచ్చిన క్లారిటీ ప్రస్తుతం సోషల్ మీడియాలో చర్చనీయాంశంగా మారింది. ఆమె అభిమానులు మాత్రం తమ అభిమాన నటి పట్ల మద్దతు ప్రకటిస్తూ తప్పుడు ప్రచారాలను ఖండిస్తున్నారు.