Virosh | విరోష్’ రిసెప్షన్‌కు హైటెక్ సెక్యూరిటీ.. క్యూఆర్ కోడ్ స్కాన్ అయితేనే ఎంట్రీ!

Virosh | టాలీవుడ్ స్టార్ కపుల్ విజయ్ దేవరకొండ – రష్మిక మందన్న వివాహ వేడుకల సందడి ఇంకా కొనసాగుతూనే ఉంది. ‘విరోష్’గా అభిమానులు ముద్దుగా పిలుచుకునే ఈ జంట వెడ్డింగ్ రిసెప్షన్ రేపు (మార్చి 4న) హైదరాబాద్ బంజారాహిల్స్‌లోని ప్రముఖ హోటల్ తాజ్ కృష్ణ‌( Taj Krishna)లో అంగరంగ వైభవంగా జరగనుంది.

Virosh | టాలీవుడ్ స్టార్ కపుల్ విజయ్ దేవరకొండ – రష్మిక మందన్న వివాహ వేడుకల సందడి ఇంకా కొనసాగుతూనే ఉంది. ‘విరోష్’గా అభిమానులు ముద్దుగా పిలుచుకునే ఈ జంట వెడ్డింగ్ రిసెప్షన్ రేపు (మార్చి 4న) హైదరాబాద్ బంజారాహిల్స్‌లోని ప్రముఖ హోటల్ తాజ్ కృష్ణ‌( Taj Krishna)లో అంగరంగ వైభవంగా జరగనుంది. సాయంత్రం 7 గంటల నుంచి ప్రారంభమయ్యే ఈ వేడుకకు భారీ స్థాయిలో భద్రతా ఏర్పాట్లు చేశారు.

క్యూఆర్ కోడ్ స్కాన్ చేస్తేనే ప్రవేశం

ఈ రిసెప్షన్‌కు హాజరయ్యే అతిథులందరికీ ప్రత్యేకంగా ‘వన్ టైమ్ యూజబుల్ క్యూఆర్ కోడ్’ కేటాయించారు. ఎంట్రెన్స్ వద్ద ఆ కోడ్‌ను స్కాన్ చేసిన తర్వాతే లోపలికి అనుమతి ఉంటుంది. ఒక్కసారి మాత్రమే పనిచేసే విధంగా ఈ కోడ్ రూపొందించబడింది.

ఆహ్వాన పత్రిక, క్యూఆర్ కోడ్ లేని వారు రిసెప్షన్ ప్రాంగణానికి రావొద్దని నిర్వాహకులు స్పష్టంగా తెలియజేశారు. అనధికారికంగా లోపలికి ప్రవేశించే ప్రయత్నాలను పూర్తిగా అడ్డుకునేందుకు ఈ హైటెక్ విధానాన్ని అమలు చేస్తున్నట్లు సమాచారం.

పోలీసుల కట్టుదిట్టమైన నిఘా

వేడుక ప్రాంగణం పూర్తిగా పోలీసుల నిఘాలో ఉండనుంది. స్టార్ కపుల్‌కు ఏపీ, తెలంగాణ రాష్ట్రాల్లో ఉన్న విపరీతమైన క్రేజ్ దృష్ట్యా, భారీగా అభిమానులు తరలివచ్చే అవకాశం ఉన్నందున భద్రతా చర్యలు మరింత కఠినంగా అమలు చేస్తున్నారు. అభిమానులు ఈ నిబంధనలను అర్థం చేసుకుని సహకరించాలని నిర్వాహకులు విజ్ఞప్తి చేశారు.

ఇటీవలి కాలంలో సెలబ్రిటీ పెళ్లిళ్లలో ప్రైవసీకి అత్యంత ప్రాధాన్యత ఇస్తున్న నేపథ్యంలో, టాలీవుడ్‌లో ఒక రిసెప్షన్‌కు ఈ స్థాయిలో క్యూఆర్ కోడ్ సెక్యూరిటీ ఏర్పాటు చేయడం ఇదే తొలిసారి కావొచ్చని సినీ వర్గాలు చర్చిస్తున్నాయి. ఈ టెక్నాలజీ ద్వారా ‘గేట్‌క్రాషర్స్’ను అడ్డుకోవడం సులభమవుతుందని భావిస్తున్నారు.

వీవీఐపీల రాక

ఈ గ్రాండ్ రిసెప్షన్‌కు టాలీవుడ్ ప్రముఖులతో పాటు రాజకీయ, పారిశ్రామిక రంగాలకు చెందిన వీవీఐపీలు హాజరుకానున్నట్లు సమాచారం. వివాహ వేడుక ఇప్పటికే సోషల్ మీడియాలో హాట్ టాపిక్‌గా మారగా, రిసెప్షన్ ఫోటోలు కూడా త్వరలోనే వైరల్ అవుతాయని అభిమానులు ఆసక్తిగా ఎదురుచూస్తున్నారు. మొత్తానికి ‘విరోష్’ రిసెప్షన్ టాలీవుడ్‌లో మరో గ్రాండ్ ఈవెంట్‌గా నిలవనుంది. హైటెక్ సెక్యూరిటీ మధ్య జరగనున్న ఈ వేడుకపై సినీ ప్రపంచం అంతా దృష్టిసారించింది.