Palash Muchhal & Smriti Mandhana : దిష్టి రక్ష ఎమోజీతో పెళ్లి రద్దు వార్తలకు స్మృతి-పలాశ్‌ చెక్!

టీమిండియా క్రికెటర్ స్మృతి మంధాన, మ్యూజిక్ డైరెక్టర్ పలాశ్ ముచ్చల్‌ పెళ్లి రద్దైందన్న వార్తలకు తాజాగా వీరిద్దరూ తమ ఇన్‌స్టాగ్రామ్ ఖాతాలలో 'దిష్టి రక్ష' ఎమోజీతో చెక్‌ పెట్టారు.

విధాత : టీమిండియా మహిళా క్రికెటర్ స్మృతి మంధాన , మ్యూజిక్‌ డైరెక్టర్‌ పలాశ్‌ ముచ్చల్‌ పెళ్లిపై తాజాగా మరో కీలక అప్డేట్ వెలువడింది. ఇటీవల వారి పెళ్లి వేడుక స్మృతి మంధాన తండ్రి అస్వస్థత కారణంగా వాయిదా పడింది. అదే సమయంలో పలాశ్ ముచ్చల్ కూడా అస్వస్థత పాలయ్యారు. అయితే అనూహ్యంగా స్మృతి ఇన్ స్టా ఖాతాలో ఎంగేజ్ మెంట్, పెళ్లి సన్నాహాల వేడుకల ఫోటోలు, వీడియోలు అకస్మాత్తుగా తొలగించడంతో వారి పెళ్లి రద్దయ్యిపోయిందా అన్న అనుమానాలు రేగాయి. స్మృతి స్నేహితురాళ్లు జెమీమా, శ్రేయాంక కూడా సోషల్‌ మీడియా ఖాతాల నుంచి ఎంగేజ్ మెంట్ వీడియోలను తొలగించడంతో పలాశ్‌కు, ఆమెకు మధ్య మనస్పర్థలు వచ్చాయని..పెళ్లి రద్దయినట్లేనని సోషల్‌ మీడియాలో ప్రచారం జరిగింది.

దీనిపై తాజాగా స్మృతి, పలాశ్ లు తమ ఇన్ స్టా ఖాతాలలో స్పష్టత ఇచ్చారు. దిష్టి రక్ష ఎమోజీతో వారిద్దరు తమ పెళ్లిపై వస్తున్న రూమర్లకు చెక్‌ పెట్టారు. దీంతో వారిరువురి మధ్య ఎటువంటి సమస్యలు లేవనే విషయంపై స్పష్టతనిచ్చినట్లైంది.

మరోవైపు పలాశ్‌ ముచ్చల్‌ తల్లి అమితా ఇప్పుడు అంతా బాగానే ఉందని, త్వరలో వారిద్దరి వివాహం జరుగుతుందని ఓ ఇంటర్య్యూలో వెల్లడించడంతో స్మృతి-పలాశ్‌ ల పెళ్లిపై సందేహాలు తొలగినట్లయ్యింది. స్మృతి మంధాన, పలాశ్‌ ముచ్చల్‌ ఇద్దరూ ప్రస్తుతం కష్టాల్లో ఉన్నారని.. పలాశ్‌.. స్మృతిని అర్ధాంగిగా ఇంటికి తీసుకురావాలని కలలు కన్నాడని..నేను కూడా వారికి ప్రత్యేకంగా స్వాగతం పలికేందుకు ఏర్పాట్లు చేసుకున్నానని..ఇప్పుడంతా బాగానే ఉందని… వారిద్దరి వివాహం అతిత్వరలో వారిద్దరి పెళ్లి జరుగుతుందిఅని ఆమె తెలిపారు.