Russia offer | వినూత్న ఆఫర్‌ చేసిన రష్యా.. బిడ్డను కంటే 92 వేలు..!

Russia offer | దేశంలో సంతానోత్పత్తిని పెంచుకునేందుకు రష్యా పలు చర్యలు చేపడుతోంది. దానిలో భాగంగానే దేశ వాయవ్య ప్రాంతంలోని రిపబ్లిక్ ఆఫ్ కరేలియా అధికారులు ఒక వినూత్న ఆఫర్ ప్రకటించారు. స్థానిక యూనివర్సిటీ, కాలేజీల్లో చదివే 25 ఏళ్లలోపు యువతులు ఆరోగ్యవంతమైన బిడ్డను కంటే వారికి రూ.92 వేలు బహుమతిగా ఇస్తామని చెప్పారు.

Russia offer : దేశంలో సంతానోత్పత్తిని పెంచుకునేందుకు రష్యా పలు చర్యలు చేపడుతోంది. దానిలో భాగంగానే దేశ వాయవ్య ప్రాంతంలోని రిపబ్లిక్ ఆఫ్ కరేలియా అధికారులు ఒక వినూత్న ఆఫర్ ప్రకటించారు. స్థానిక యూనివర్సిటీ, కాలేజీల్లో చదివే 25 ఏళ్లలోపు యువతులు ఆరోగ్యవంతమైన బిడ్డను కంటే వారికి రూ.92 వేలు బహుమతిగా ఇస్తామని చెప్పారు.

కాగా దేశంలో సంతానోత్పత్తి రేటును పెంచేందుకు ప్రవేశపెడుతున్న ఈ స్కీమ్‌ వచ్చే ఏడాది జనవరి 1 నుంచి అమల్లోకి వస్తుందన్నారు. ఇప్పటికే రష్యా, దాని రీజియన్ ప్రాంతాలు జననాల రేటును పెంచడానికి పలు చర్యలు చేపట్టాయి. ఇటీవల ఉక్రెయిన్‌తో యుద్ధంతో రష్యాలోని పలువురు యువకులు మరణించారు. బలవంతంగా సైన్యంలోకి తీసుకుంటారన్న భయంతో చాలా మంది దేశం వదిలి పారిపోయారు.

దాంతో ఇప్పటికే దేశంలో గర్భనిరోధక సాధనాలైన కండోమ్స్, మాత్రలు వంటి వాటిపై సర్కార్ నిషేధం విధించింది. అయితే ప్రతి రష్యా మహిళ ఎనిమిది మందికి జన్మనివ్వాలని గత ఏడాది డిసెంబర్‌లో విజ్ఞప్తి చేసింది. ‘మన జాతి సమూహాల్లో చాలామంది నాలుగు, ఐదు లేదా అంతకంటే ఎక్కువ మంది పిల్లలతో పెద్ద కుటుంబాలను కలిగి ఉన్న సంప్రదాయం ఉంది. మన బామ్మలు, ముత్తాతల్లో చాలా మంది ఏడు, ఎనిమిది లేదా అంతకంటే ఎక్కువ మంది పిల్లలకు జన్మనిచ్చారు’ అని మాస్కోలో జరిగిన ప్రపంచ రష్యన్ పీపుల్స్ కౌన్సిల్‌లో పుతిన్ అన్నారు.