Liquor License Draw | మద్యం దుకాణాల డ్రాకు సర్వం సిద్ధం.. ఏర్పాట్లు పూర్తి చేసిన ఎక్సైజ్ శాఖ!

తెలంగాణలో మద్యం షాపుల డ్రా ప్రక్రియకు అధికారులు అన్ని ఏర్పాట్లు పూర్తి చేశారు. సోమవారం ఉదయం 11గంటలకు జిల్లాల వారీగా కలెక్టర్ల చేతుల మీదుగా మద్యం షాపుల డ్రా ను తీయనున్నారు. దీని కోసం ఇప్పటికే ఎక్సైజ్ శాఖ అన్ని ఏర్పాట్లను పూర్తి చేసింది.

విధాత, హైదరాబాద్ :

తెలంగాణలో మద్యం షాపుల డ్రా ప్రక్రియకు అధికారులు అన్ని ఏర్పాట్లు పూర్తి చేశారు. సోమవారం ఉదయం 11గంటలకు జిల్లాల వారీగా కలెక్టర్ల చేతుల మీదుగా మద్యం షాపుల డ్రా ను తీయనున్నారు. దీని కోసం ఇప్పటికే ఎక్సైజ్ శాఖ అన్ని ఏర్పాట్లను పూర్తి చేసింది. తెలంగాణలోని 2620 మద్యం షాపులకు 95,137 దరఖాస్తులు నమోదయ్యాయి. ఈ క్రమంలో హైకోర్టు నుంచి మద్యం షాపులకు అనుమతి రావడంతో తెలంగాణ ఎలాంటి అసౌకర్యాలకు కలగకుండా డ్రా ఏర్పాట్లను చేయాలని అధికారులకు ప్రొహిబిషన్‌ అండ్‌ ఎక్సైజ్‌ కమిషనర్‌ సి.హరికిరణ్‌ అదేశాలిచ్చారు. మద్యం షాపులకు వచ్చిన దరఖాస్తులను డ్రా (లాటరీ) పద్దతిలో మద్యం షాపుల లైసన్స్‌ల ఎంపిక ప్రక్రియ జరగనుంది.

అదిలాబాద్‌లో 40 మద్యం షాపులకు 771 దరఖాస్తులు , కోమురమ్‌ భీం అసిఫాబాద్‌లో 32 షాపులకు 680, మంచిర్యాలలో 73 షాపులకు 1712, నిర్మల్‌లో 47 షాపులకు 3002, హైదరాబాదులో 82 షాపులకు 3201, సికింద్రాబాద్లో 97 షాపులకు 3022, జగిత్యాలలో 71 షాపులకు 1966, కరీంనగర్‌లో 94 షాపులకు 2730, పెద్దపల్లి 77 షాపులకు 1507, రాజన్న సిరిసిల్లలో 48 షాపులకు 1381, ఖమ్మంలో 122 షాపులకు 4430, కొత్తగూడెం 88 షాపులకు 3922, జోగులాంబ గద్వాలలో 36 షాపులకు 774, మహబూబ్‌నగర్‌లో 90 షాపులకు 2487, నాగర్‌కర్నూల్‌లో 67 షాపులకు 1518, వనపర్తిలో 37 షాపులకు 757, మెదక్‌లో 49 షాపులకు 1920, సంగారెడ్డి 101 షాపులకు 4432, సిద్దిపేట్‌ లో 93 షాపులకు 2782, నల్లగొండ 155 షాపులకు 4906, సూర్యపేట్‌లో 99 షాపులకు 2771, యాదాద్రి భువనగరిలో 82 షాపులకు 2776, కామారెడ్డి 49 షాపులకు 1502, నిజామాబాద్‌ 102 షాపులకు 2786, మల్కాజిగిరిలో 88 షాపులకు 5168, మేడ్చల్‌లో 114 షాపులకు 6063, సరూర్‌నగర్‌లో 134 షాపులకు 7845, శంషాబాద్‌లో 100 షాపులకు 8536 వికారాబాద్‌ 59 షాపులకు 1808, జనగామాలో 47 షాపులకు 1697, భూపాలపల్లి 60 షాపులకు 1863, మహాబూబబాద్‌లో 59 షాపులకు 1800, వరంగల్‌ రూరల్‌లో 63షాపులకు 1958, వరంగల్‌ అర్బన్‌లో 65 షాపులకు 3175 దరఖాస్తులు వచ్చాయి.