అల్లు అరవింద్‌ ‘రామాయణం’.. రావణుడిగా రాఖీ బాయ్? మండిపడుతున్న అభిమానులు..!

విధాత‌. సినిమా: KGF చాప్టర్ 2 విడుదలై ఏడాది కావొస్తోంది. కానీ అందులో హీరోగా న‌టించిన రాఖీభాయ్ అలియాస్ య‌ష్ నటించిన మరో చిత్రం ఇప్పటివరకు అనౌన్స్ కాలేదు. ఆయన తదుపరి చిత్రంపై ఇప్పటివరకు క్లారిటీ లేదు. బర్త్‌డేకి కూడా ఏ సినిమా ప్రకటన చేయలేదు. అయితే ప్రస్తుతం ఓ చిత్రానికి ఆయన ఓకే చెప్పాడని వార్తలు వస్తున్నాయి. బాలీవుడ్ ఫిలిం మేకర్ నితీష్ తివారి, మధు మంతెన, అల్లు అర‌వింద్‌లు భారీ స్థాయిలో తీయ‌నున్న రామాయణం […]

విధాత‌. సినిమా: KGF చాప్టర్ 2 విడుదలై ఏడాది కావొస్తోంది. కానీ అందులో హీరోగా న‌టించిన రాఖీభాయ్ అలియాస్ య‌ష్ నటించిన మరో చిత్రం ఇప్పటివరకు అనౌన్స్ కాలేదు. ఆయన తదుపరి చిత్రంపై ఇప్పటివరకు క్లారిటీ లేదు. బర్త్‌డేకి కూడా ఏ సినిమా ప్రకటన చేయలేదు. అయితే ప్రస్తుతం ఓ చిత్రానికి ఆయన ఓకే చెప్పాడని వార్తలు వస్తున్నాయి.

బాలీవుడ్ ఫిలిం మేకర్ నితీష్ తివారి, మధు మంతెన, అల్లు అర‌వింద్‌లు భారీ స్థాయిలో తీయ‌నున్న రామాయణం ప్రాజెక్టులో య‌ష్‌ని నటింపజేసేందుకు వారు సంప్రదించారని వార్తలు వస్తున్నాయి. రాముడి పాత్రకు రణబీర్ కపూర్‌ను ఫైనల్ చేసిన టీం రావణుడి పాత్రకు య‌ష్‌తో సంప్రదింపులు జరిపారని వార్తలు షికారు చేస్తున్నాయి.

య‌ష్‌కు ఇప్పుడు పాన్ ఇండియా స్థాయిలో సూపర్ స్టార్‌డం ఉంది. ఇలాంటి సమయంలో రావణుడి పాత్ర చేయడం సరికాదని ఆయన అభిమానులు మండిపడుతున్నారు.. అందునా రణబీర్ కపూర్ రాముడిగా నటిస్తుంటే రావణుడిగా య‌ష్ ఎలా చేస్తాడు? రామాయ‌ణం అన్న త‌ర్వాత అందులో హీరో రాముడు అయితే విల‌న్ రావ‌ణుడు క‌దా..! మ‌రి అలాంటి విల‌న్ పాత్ర‌లో య‌ష్ న‌టించ‌డం స‌రికాద‌నేది కొంద‌రి వాద‌న‌.

రాఖీ బాయ్‌గా పాన్ ఇండియా స్టార్ య‌ష్‌ను అదే స్థాయి పాత్రలో చూడాలని అభిమానులు కోరుకుంటు న్నారు. రాఖీ బాయ్ కాస్త ఆలస్యంగా అయినా కేజీఎఫ్ వంటి మాస్ పాత్రను చేస్తే బాగుంటుందని సినీ విశ్లేషకులు అభిప్రాయం వ్యక్తం చేస్తున్నారు. మరి మొత్తానికి రామాయణం ఎంతవరకు కరెక్ట్ అనేది య‌ష్ స్పందిస్తే గాని క్లారిటీ వచ్చే అవకాశం లేదు.