Indian heroines | భారతీయ హీరోయిన్ల‌లో.. ఉన్నత విద్యావంతురాలు ఎవ‌రో తెలుసా?

Indian heroines దీపిక, ఆలియా, అనుష్కల‌కు అంత లేదు రష్మిక మంద‌న‌, సమంత కూడా కాదు త‌నెవ‌రో తెలుసుకోవాలంటే ఇది చ‌ద‌వాల్సిందే విధాత‌: సినిమా ఇండ‌స్ట్రీ అంటే అదో రంగుల ప్ర‌పంచం అనుకుంటారు. అందం, అభినయం ఉంటే స‌రిపోతుంద‌నుకుంటారు. కానీ, భారతీయ చలనచిత్ర పరిశ్రమ అందం, అభినయంతో పాటు అన్ని ర‌కాల టాలెంట్‌ల సంగ‌మం. బాలీవుడ్, కోలీవుడ్, టాలీవుడ్‌తో సహా ఇండియ‌న్ ఫిల్మ్ ఇండ‌స్ట్రీ అంటే ఫ్యాష‌న్‌, గ్లామ‌ర్ మాత్ర‌మే కాదు.. అంత‌కు మించిన టాలెంట్‌. సినీ […]

Indian heroines

• దీపిక, ఆలియా, అనుష్కల‌కు అంత లేదు
• రష్మిక మంద‌న‌, సమంత కూడా కాదు
• త‌నెవ‌రో తెలుసుకోవాలంటే ఇది చ‌ద‌వాల్సిందే

విధాత‌: సినిమా ఇండ‌స్ట్రీ అంటే అదో రంగుల ప్ర‌పంచం అనుకుంటారు. అందం, అభినయం ఉంటే స‌రిపోతుంద‌నుకుంటారు. కానీ, భారతీయ చలనచిత్ర పరిశ్రమ అందం, అభినయంతో పాటు అన్ని ర‌కాల టాలెంట్‌ల సంగ‌మం. బాలీవుడ్, కోలీవుడ్, టాలీవుడ్‌తో సహా ఇండియ‌న్ ఫిల్మ్ ఇండ‌స్ట్రీ అంటే ఫ్యాష‌న్‌, గ్లామ‌ర్ మాత్ర‌మే కాదు.. అంత‌కు మించిన టాలెంట్‌. సినీ కెరీర్‌ను ప్రారంభించే ముందు చాలా మంది న‌టీమ‌ణులు విద్యాపరంగా రాణించారు.

పలువురు ఉన్నత విద్య‌లను సైతం అభ్య‌సించారు. కొంద‌రు డిగ్రీ విద్య‌తో ఆగితే, మ‌రి కొంద‌రు పీజీలు పూర్తిచేశారు. మ‌రికొంద‌రు రెండు, మూడు డిగ్రీల‌ను ప్ర‌ఖ్యాత యూనివ‌ర్సిటీల్లో సాధించారు. ఈ ప్రతిభావంతులైన హీరోయిన్లు అందం, అభిన‌యం, ప్రతిభ తెలివితేటలను సినీ రంగంలో ప్ర‌ద‌ర్శిస్తూ కెరీర్‌లో దూకుడు ప్ర‌ద‌ర్శిస్తున్నారు. భారతీయ హీరోయిన్ల‌లో ఉన్న‌త విద్యావంతురాలు మ‌రెవ‌రో కాదు ప‌రిణితి చోప్రా. ఈమె ఇంకెవ‌రో కాదు హాలీవుడ్ న‌టి ప్రియాంక చోప్రా సోద‌రి.

పరిణితి చోప్రా ఏమి చదివిందంటే..

అత్యంత విద్య‌ అర్హత కలిగిన భారతీయ నటీమణుల్లో ఒకరు పరిణితి చోప్రా. ఆమె డిగ్రీలో ఫైనాన్స్‌, ఎక‌నామిక్స్ చ‌దివింది. ఆమె యునైటెడ్ కింగ్‌డమ్‌లోని ప్ర‌ఖ్యాత మాంచెస్టర్ బిజినెస్ స్కూల్ నుంచి బిజినెస్, ఫైనాన్స్, ఎకనామిక్స్‌లో ట్రిపుల్ హానర్స్ డిగ్రీని పొందింది. వినోద రంగంలోకి రాకముందు పరిణితి.. యష్ రాజ్ ఫిల్మ్స్‌లో మార్కెటింగ్, ప‌బ్లిక్ రిలేష‌న్స్ కన్సల్టెంట్‌గా పనిచేసింది. పరిణితి తన ప‌ని పట్ల అంకితభావంతో ప‌నిచేసి ఖ్యాతి గ‌డించింది. వెండితెరపై తన ప్రతిభ, బహుముఖ ప్రజ్ఞతో ప్రేక్షకులను ఆక‌ట్టుకుంటున్న‌ది.

రష్మిక మందన్న విద్యార్హత ఏమిటంటే..

రష్మిక మందన్న జర్నలిజం, సైకాలజీలో డిగ్రీ సాధించింది. కర్ణాటకలోని కూర్గ్ పబ్లిక్ స్కూల్‌లో పాఠశాల విద్యను పూర్తి చేసింది. తన హైస్కూల్ విద్యను పూర్తి చేసిన తర్వాత, రష్మిక బెంగళూరులోని ప్రతిష్టాత్మకమైన ఎంఎస్‌ రామయ్య కాలేజ్ ఆఫ్ ఆర్ట్స్, సైన్స్ & కామర్స్‌లో సైకాలజీ, జర్నలిజం, ఇంగ్లీష్ లిట‌రేచ‌ర్‌లో బ్యాచిలర్ ఆఫ్ ఆర్ట్స్ (BA) డిగ్రీని పూర్తిచేసింది.

ప్రియాంక చోప్రా చ‌దువు ఇది..

ఉన్నత విద్యావంతులైన మరో నటి ప్రియాంక చోప్రా. తన తండ్రి బదిలీ పోస్టింగ్‌ల కారణంగా భారతదేశంలోని వివిధ పాఠశాలల్లో చ‌దివింది. చోప్రా తన అత్తతో కలిసి యునైటెడ్ స్టేట్స్‌లో చదువుకున్న‌ది. అమెరికాలోని మసాచుసెట్స్‌లో ఉన్నప్పుడు ప్రియాంక‌.. థియేటర్ ప్రొడక్షన్స్‌లో పాల్గొన్న‌ది. పాశ్చాత్య శాస్త్రీయ సంగీతం, బృంద గానం అభ్యసించింది.

విద్యాబాలన్ విద్యా అర్హత ఇదీ..

బాలీవుడ్ మ‌రో టాప్ హీరోయిన్‌ విద్యాబాలన్. ఆమె సామాజిక శాస్త్రంలో మాస్టర్స్ డిగ్రీ సాధించింది. ఆమె మ‌హిళా సాధికార‌త‌పై అనేక సార్లు త‌న గ‌ళం వినిపించింది. సామాజిక నిబంధనలను సైతం బాల‌న్ సవాలు చేసింది. అనేక వివాదాస్ప‌ద‌, సంక్లిష్టమైన పాత్రలను పోషించింది. ప్రేక్ష‌కుల‌ను ఆక‌ట్టుకున్న‌ది.

దీపికా పదుకొణె చ‌దువు ఇదీ..

మరొక ప్రముఖ భారతీయ నటి దీపికా పదుకొణె. ఆమె బెంగళూరులోని సోఫియా హైస్కూల్‌లో పాఠశాల విద్యను పూర్తి చేసింది. మౌంట్ కార్మెల్ కాలేజీలో కామర్స్‌లో ప్రీ-యూనివర్శిటీ కోర్సులను అభ్యసించింది. డిగ్రీ మాత్ర‌మే పూర్తి చేయనప్పటికీ ప్రతిభ, చరిష్మా, అంకితభావంతో ప‌నిచేయ‌డం.. దీపికాను బాలీవుడ్‌లో ప్ర‌ముఖ నటీమణులలో ఒకరిగా నిల‌బెట్టింది.

సమంతా.. కామ‌ర్స్ డిగ్రీ

టాలీవుడ్ న‌టి సమంత రూత్‌ప్రభు కామ‌ర్స్‌ డిగ్రీ పూర్తిచేసింది. ఆమె తమిళనాడులోని చెన్నైలోని హోలీ ఏంజెల్స్ ఆంగ్లో ఇండియన్ హయ్యర్ సెకండరీ స్కూల్‌లో పాఠశాల విద్యను చ‌దివింది. హైస్కూల్ విద్యను పూర్తి చేసిన సమంత.. చెన్నైలోని స్టెల్లా మారిస్ కాలేజీలో కామర్స్‌లో డిగ్రీ పూర్తి చేసింది.

సోహా అలీ విద్యా అర్హత ఏమిటంటే..

రాజ వంశానికి చెందిన సోహా అలీఖాన్ ఉన్న‌త విద్యావంతురాలు కూడా. ఆమె ఆక్స్‌ఫర్డ్‌లోని బల్లియోల్ కాలేజ్ నుంచి మోడ్ర‌న్ హిస్టరీలో బ్యాచిలర్ డిగ్రీ పొందింది. ఆమె ఉన్నత విద్యను కూడా అభ్యసించింది. యూకేలోని ప్ర‌తిష్ఠాత్మక లండన్ స్కూల్ ఆఫ్ ఎకనామిక్స్ అండ్ పొలిటికల్ సైన్స్ నుంచి ఇంటర్నేషనల్ రిలేషన్స్‌లో మాస్టర్స్ డిగ్రీని సాధించింది.

ఫైన్ ఆర్ట్స్ చ‌దివిన అనుష్క శర్మ

మరో ప్రతిభావంతులైన నటి, సినీ నిర్మాత అనుష్క శర్మ. ఆమె ఫైన్ ఆర్ట్స్ చ‌దివింది. పాఠశాల విద్యను బెంగ‌ళూరులోని ఆర్మీ స్కూల్‌లో పూర్తి చేసింది. ఆపై బెంగళూరులోని మౌంట్ కార్మెల్ కాలేజీలో కళాశాల విద్యను అభ్యసించింది. అనుష్క మొదట్లో మోడలింగ్‌లో కెరీర్‌ని కొనసాగించాలని భావించింది. సినిమా పరిశ్రమలోకి ప్ర‌వేశించ‌డం కోసం ముంబై వెళ్లింది. న‌ట‌న‌పై దృష్టిపెట్ట‌డానికి డిగ్రీని మ‌ధ్య‌లోనే ఆపేసింది.

ఇంట‌ర్‌తో ఆపేసిన అలియా భ‌ట్‌

అలియా భట్ తన పాఠశాల విద్యను ముంబైలోని జమ్నాబాయి నర్సీ స్కూల్‌లో పూర్తి చేసింది. తన 12వ తరగతి పూర్తి చేసిన తర్వాత, ఆమె ఉన్నత విద్యను అభ్యసించలేదు. చిన్న వ‌య‌సులోనే సినిమా రంగంలోకి ప్ర‌వేశించింది. ప్ర‌ఖ్యాత సినిమాల్లో న‌టించింది. ప్రేక్ష‌కుల మ‌న్న‌న‌లు పొందింది.