ఢిల్లీలో యువ‌కుడి దారుణ హ‌త్య
విధాత : ఢిల్లీలో దారుణం జ‌రిగింది. శ‌నివారం రాత్రి ఓ యువ‌కుడిని అత్యంత దారుణంగా హ‌త్య చేశారు. ఈ దృశ్యాలు సామాజిక మాధ్య‌మాల్లో వైర‌ల్ అవుతున్నాయి. సుంద‌ర్ న‌గ‌రి ఏరియాకు చెందిన మ‌నీష్ ఫోన్‌ను ఏడాది క్రితం కాశీం, మోహ్‌సీన్ దొంగిలించారు. ఆ స‌మ‌యంలో మ‌నీష్‌పై క‌త్తితో దాడి చేశారు. మెడ‌కు, క‌డుపుకు తీవ్ర గాయాల‌య్యాయి. దీంతో మ‌నీష్ కుటుంబ స‌భ్యులు పోలీసుల‌కు ఫిర్యాదు చేయ‌డంతో కేసు న‌మోదైంది. ఈ కేసు విచార‌ణ కోర్టులో కొన‌సాగుతోంది. కేసును […]
X
విధాత : ఢిల్లీలో దారుణం జ‌రిగింది. శ‌నివారం రాత్రి ఓ యువ‌కుడిని అత్యంత దారుణంగా హ‌త్య చేశారు. ఈ దృశ్యాలు సామాజిక మాధ్య‌మాల్లో వైర‌ల్ అవుతున్నాయి. సుంద‌ర్ న‌గ‌రి ఏరియాకు చెందిన మ‌నీష్ ఫోన్‌ను ఏడాది క్రితం కాశీం, మోహ్‌సీన్ దొంగిలించారు. ఆ స‌మ‌యంలో మ‌నీష్‌పై క‌త్తితో దాడి చేశారు. మెడ‌కు, క‌డుపుకు తీవ్ర గాయాల‌య్యాయి. దీంతో మ‌నీష్ కుటుంబ స‌భ్యులు పోలీసుల‌కు ఫిర్యాదు చేయ‌డంతో కేసు న‌మోదైంది. ఈ కేసు విచార‌ణ కోర్టులో కొన‌సాగుతోంది.
కేసును విత్ డ్రా చేసుకోవాల‌ని, మ‌నీష్‌ను కాశీం, మోహ్‌సీన్ కుటుంబ స‌భ్యులు కోరారు. కోర్టులోనే తేల్చుకుందామ‌ని మ‌నీష్ చెప్పాడు. దీంతో శ‌నివారం రాత్రి మ‌నీష్‌ను క‌త్తుల‌తో పొడిచి చంపారు. ఈ ఘ‌ట‌న అక్క‌డున్న సీసీ కెమెరాల్లో రికార్డు అయింది. అయితే అలం, బిలాల్, ఫైజాన్ క‌లిసి మ‌నీష్‌ను హ‌త్య చేసిన‌ట్లు పోలీసులు సీసీ టీవీ ఫుటేజీ ఆధారంగా గుర్తించారు. నిందితుల‌ను త్వ‌ర‌లోనే ప‌ట్టుకుంటామ‌ని పోలీసులు తెలిపారు.
Google News
Facebook
Instagram
Youtube
Telegram