Rains Types: అస‌లు.. వానలు ఎన్ని రకాలో తెలుసా?

విధాత: తొలకరి చినుకులు పడుతూఉంటే మనసు పరవశించకమానదు. అలాగే ఉరుములు మెరుపులతో విరుచుకపడే వానలు..తుఫాన్లు భయపెట్టకమానవు. వానకాలం వచ్చిందంటే చాలు ప్రాంతాల వారిగా..వాతావరణ మార్పులతో రకరకాల వర్షాలు పడుతుంటాయి. అల్పపీడన ద్రోణులు..వాయుగుండాలు..నికుంబస్ మేఘాలు వంటి వాతావరణ మార్పులతో వర్షాలు కురవడం చూస్తుంటాం. సీజన్ ల వారిగా నైరుతి, ఈశాన్య రుతు పవనాలతో వానలు రైతాంగాన్ని మురిపిస్తుంటాయి. తొలకరి వానాలతో చిటపట చినుకులు పడుతుఉంటే..ఎన్నాళ్లకు గుర్తొచ్చానా వాన అంటూ పాటలను గుర్తుకు తెస్తుంటాయి. ఈ నేపథ్యంలో అసలు వానలు ఎన్నిరకాలు అన్న ఆసక్తి సహజంగానే అందరికి కలుగుతుంది.  చాల మందికి వానలు ఇన్ని రకాలుగా ఉంటాయా అన్నట్లుగా వానాలలో పలు రకాలు ఉన్నాయి.

వానలు పలురకాలు:

1. గాంధారివాన:
కంటికి ఎదురుగా ఉన్నది
కనిపించనంత జోరుగా
కురిసే వాన…

2. మాపుసారివాన:
సాయంత్రం కురిసే వాన…

3. మీసరవాన:
మృగశిరకార్తెలో కురిసే వాన…

4. దుబ్బురువాన:
తుప్పర/తుంపర వాన…

5. సానిపివాన:
అలుకు (కళ్లాపి) జల్లినంత
కురిసే వాన…

6. సూరునీళ్లవాన:
ఇంటి చూరు నుండి ధార
పడేంత వాన…

7. బట్టదడుపువాన:
ఒంటి మీదున్న బట్టలు
తడిపేంత వాన…

8.తెప్పెవాన:
ఒక చిన్న మేఘం నుంచి
పడే వాన…

9.సాలువాన:
ఒక నాగలిసాలుకు
సరిపడా వాన…

10. ఇరువాలువాన:
రెండు సాల్లకు & విత్తనాలకు
సరిపడా వాన…

11.మడికట్టువాన:
బురదపొలం దున్నేటంత
వాన…

12.ముంతపోతవాన:
ముoతతోటి పోసినంత
వాన…

13. కుండపోతవాన:
కుండతో కుమ్మరించినంత వాన…

14. ముసురువాన:
విడువకుండా కురిసే వాన…

15.దరోదరివాన:
ఎడతెగకుండా కురిసే వాన…

16. బొయ్యబొయ్యగొట్టేవాన:
హోరుగాలితో కూడిన వాన…

17.రాళ్లవాన:
వడగండ్ల వాన…

18.కప్పదాటువాన:
అక్కడక్కడా కొంచెం
కురిసే వాన…

19.తప్పడతప్పడవాన:
టపటపా కొంచెంసేపు
కురిసే వాన…

20.దొంగవాన:
రాత్రంతా కురిసి తెల్లారి
కనిపించని వాన…

21.కోపులునిండేవాన:
రోడ్డు పక్కన గుంతలు
నిండెంత వాన…

22.ఏక్దారవాన:
ఏకధారగా కురిసే వాన…

23.మొదటివాన:
విత్తనాలకు బలమిచ్చే వాన…

24.సాలేటివాన:
భూమి తడిసేంత భారీ వాన…