Megastar Chiranjeevi | నాకు ఏ క్యాన్సర్ లేదు.. ప్రజలను భయభ్రాంతులకు గురి చేయకండి: చిరంజీవి

Megastar Chiranjeevi | Cancer విధాత: నాకు ఎలాంటి క్యాన్సర్ లేదని ఈ పేరుతో ప్రజలను భయభ్రాంతులకు గురి చేయవద్దని మెగాస్టార్ చిరంజీవి కోరారు. శనివార్ హైదరాబాద్‌లో ఓ క్యాన్సర్ సెంటర్ ని ప్రారంభించారు. ఈ సందర్భంగా ఆయన మాట్లాడిన మాటలు జనంలోకి తప్పుగా వెళ్లాయి. చిరంజీవికి క్యాన్సర్ అంటూ తెగ వైరల్ అయ్యాయి. ఈనేపథ్యంలో మెగాస్టార్ ట్విట్టర్ ద్వారా క్లారిటీ ఇచ్చారు. నాకు ఏ విధమైనా క్యాన్సర్ లేదని ఓ ప్రైవేటు కార్యక్రమంలో క్యాన్సర్ పై […]

  • By: krs |    latest |    Published on : Jun 03, 2023 2:36 PM IST
Megastar Chiranjeevi | నాకు ఏ క్యాన్సర్ లేదు.. ప్రజలను భయభ్రాంతులకు గురి చేయకండి: చిరంజీవి

Megastar Chiranjeevi | Cancer

విధాత: నాకు ఎలాంటి క్యాన్సర్ లేదని ఈ పేరుతో ప్రజలను భయభ్రాంతులకు గురి చేయవద్దని మెగాస్టార్ చిరంజీవి కోరారు. శనివార్ హైదరాబాద్‌లో ఓ క్యాన్సర్ సెంటర్ ని ప్రారంభించారు. ఈ సందర్భంగా ఆయన మాట్లాడిన మాటలు జనంలోకి తప్పుగా వెళ్లాయి. చిరంజీవికి క్యాన్సర్ అంటూ తెగ వైరల్ అయ్యాయి. ఈనేపథ్యంలో మెగాస్టార్ ట్విట్టర్ ద్వారా క్లారిటీ ఇచ్చారు.

నాకు ఏ విధమైనా క్యాన్సర్ లేదని ఓ ప్రైవేటు కార్యక్రమంలో క్యాన్సర్ పై అవగాహన పెరగాల్సిన అవసరం గురించి మాట్లాడానన్నారు. రెగ్యులర్ గా మెడికల్ టెస్టులు చేయించుకుంటే క్యాన్సర్ రాకుండా నివారించ వచ్చని, నేను అలర్ట్ గా ఉండి కొలోన్ స్కోప్ టెస్ట్ చేయించుకోగా అందులో non – cancerous polyps ని డిటెక్ట్ చేసి తీసేశారని చెప్పానన్నారు.

అయితే ‘అలా ముందుగా టెస్ట్ చేయించుకోకపోయి ఉంటే అది క్యాన్సర్ కింద మారేదేమో’ నని అన్నాను. అందుకే అందరూ ముందు జాగ్రత్తలు తీసుకుని మెడికల్ టెస్టులు / స్క్రీనింగ్ చేయించుకోవాలి’ అని మాత్రమే అన్నానని స్పష్టం చేశారు.

అయితే కొన్ని మీడియా సంస్థలు దీన్ని సరిగ్గా అర్థం చేసుకోకుండా, అవగాహనా రాహిత్యంతో ‘ చిరంజీవి క్యాన్సర్ బారిన పడ్డారని ‘చికిత్స వల్ల బతికాడంటూ’ స్క్రోలింగ్ లు, వెబ్ ఆర్టికల్స్ మొదలవడంతో అనవసరమైన కన్ఫ్యూషన్ ఏర్పడిందని అన్నారు.

అదేవిధంగా అనేకమంది వెల్ విషర్స్ నా ఆరోగ్యం గురించి మెసేజ్ లు పంపిస్తున్నారని వారందరి కోసం ఈ క్లారిటీ ఇస్తున్నాను అంటూ తన సామాజికి మాధ్యమాల ద్వారా తెలిపారు. అయితే విషయాన్ని అర్థం చేసుకోకుండా జర్నలిస్టులు అవాకులు చవాకులు రాయవద్దని తద్వారా అనేక మంది భయభ్రాంతులకు గురవుతారంటూ చిరంజీవి విజ్ఞప్తి చేశారు.