Rashmika Mandanna |
విధాత: సినిమాలు చేసింది తక్కువే అయినా కొద్ది కాలంలోనే స్టార్ హీరోయిన్ స్టేటస్‌ని అందుకున్న హీరోయిన్ రష్మికా మందన్న. కెరియర్ బిగినింగ్‌లో ఎలాంటి సినిమాలు చేసినప్పటికీ.. ఐకాన్ స్టార్ అల్లు అర్జున్‌తో చేసిన ‘పుష్ప’ సినిమాతో.. పాన్ ఇండియా లెవల్లో స్టార్ హీరోయిన్ గుర్తింపును దక్కించుకుంది రష్మిక. ఇక పుష్ప తర్వాత రష్మిక చేస్తున్నవన్నీ పాన్ ఇండియా సినిమాలే కావడం విశేషం.
ప్రస్తుతం ఆమె నేషనల్ క్రష్ అనే ట్యాగ్‌తో రాజ్యమేలుతోంది. ప్రస్తుతం రష్మిక బాలీవుడ్ చిత్రం ‘యానిమల్’ మూవీని పూర్తి చేసి, ప్రస్తుతం ‘పుష్ప2’ సినిమా షూటింగ్‌లో పాల్గొంటుంది. ఈ రెండు ప్రాజెక్ట్స్ కాకుండా ‘రెయిన్ బో, D51’ మూవీస్‌లో కూడా ఆమె నటిస్తుంది. అయితే రష్మిక ఇప్పుడు ఓ అరుదైన గౌరవాన్ని దక్కించుకుంది. అదెంటంటే..
బెస్ట్ ఏషియన్ యాక్ట్రస్ అవార్డ్‌కు రష్మిక నామినేట్ అయింది. ఫేమస్ సెప్టిమియస్ అవార్డ్స్ 2023 ఈ అవార్డ్‌ను ప్రకటించారు. ఇప్పటివరకు ఏ సౌత్ హీరోయిన్‌కి ఇలాంటి గౌరవం దక్కలేదంటే.. రష్మిక రేంజ్‌ ఏంటో అర్థం చేసుకోవచ్చు.
హీరోయిన్‌గా రష్మిక ఉండగా.. బెస్ట్ ఏషియన్ యాక్టర్ విభాగంలో మలయాళ నటుడు టోవినో థామన్ నిలిచాడు. ఈ అవార్డ్ ఫంక్షన్ నెదర్లాండ్స్ లోని ఆంస్టర్డమ్‌లో జరగనుంది. ఈ విషయం తెలిసి అభిమానులు రియాక్ట్ అవుతున్న తీరుకు రష్మిక ఆనందంతో ఉబ్బితబ్బిబ్బవుతోంది. వారికి థ్యాంక్స్ చెబుతూ ట్వీట్ చేస్తోంది.
What a lovely surprise this is.