Ideal Age Gap for Marriage | భార్యాభర్తల మధ్య వయసు తేడా ఎంత ఉండాలి.. సైన్స్ ఏం చెబుతోంది

వయస్సు ప్రేమకు వయసు అడ్డుకాదని తరచూ చెబుతుంటారు. నిజమే… ప్రేమలో వయసు పెద్ద అంశం కాకపోవచ్చు. కానీ వివాహం విషయానికి వచ్చేసరికి సమాజం మాత్రం కొన్ని నిబంధనలను ప్రస్తావిస్తుంది.

వయస్సు ప్రేమకు వయసు అడ్డుకాదని తరచూ చెబుతుంటారు. నిజమే… ప్రేమలో వయసు పెద్ద అంశం కాకపోవచ్చు. కానీ వివాహం విషయానికి వచ్చేసరికి సమాజం మాత్రం కొన్ని నిబంధనలను ప్రస్తావిస్తుంది. అందులో ముఖ్యమైనది భర్త భార్యకంటే పెద్దవాడు కావాలి అనేది అనాది చెబుతున్న మాట. అయితే ఈ తేడా నిజంగా అవసరమా? లేక పాతకాలపు ఆలోచనా? ఈ ప్రశ్నలపై సమాజం, శాస్త్రం ఏం చెప్పిందో ఈ స్టోరీలో తెలుసుకుందాం..

సమాజం అభిప్రాయం ప్రకారం..

భారతీయ సమాజంలో భార్యాభర్తల మధ్య 3 నుంచి 5 ఏళ్ల వయసు తేడా ఉంటే మంచిదని చాలామంది భావిస్తారు. ముఖ్యంగా అరెంజ్డ్ మ్యారేజెస్ లో వయసు తేడా కీలక అంశంగా పరిగణిస్తారు. భర్త పెద్దవాడిగా ఉండాలని పెద్దలు చెబుతూ ఉంటారు. అయితే వాస్తవానికి ఈ నిబంధన పాటించలేని వారు కూడా విజయవంతంగా తమ సంసారాన్ని కొనసాగిస్తున్నారు. భార్యాభర్తల మధ్య భార్యే పెద్దదైన ఉదాహరణలు చాలానే ఉన్నాయి. అందులో కొన్ని.. బాలీవుడ్ నటుడు షాహిద్ కపూర్ – మీరా రాజ్‌పుత్ మధ్య 15 ఏళ్ల తేడా ఉంది. ప్రియాంక చోప్రా – నిక్ జోనాస్ మధ్య 10 ఏళ్ల తేడా కనిపిస్తోంది. ఇలాంటి జంటలు సామాజిక నిబంధనలను అధిగమించి సంతోషంగా జీవిస్తున్నారు. ముఖ్యంగా పట్టణ ప్రాంతాల్లో ప్రేమ వివాహాలు పెరగడంతో వయసు తేడా అనే విషయానికి ఎక్కువ ప్రాధాన్యం లేకుండా పోతోంది. అయినప్పటికీ గ్రామీణ, సంప్రదాయ వాతావరణంలో మాత్రం ఈ ఆచారం లేదా అభిప్రాయం గట్టిగానే ఉంది.

అసలు సైన్స్ ఏం చెబుతుంది?

పెళ్లి వయసు తేడాపై మాట్లాడినప్పుడు చాలా మంది ఇది పూర్తిగా సమాజం సృష్టించిన నిబంధన అని భావిస్తారు. కానీ సైన్స్ కూడా కొంత మేరకు దీనిపై అభిప్రాయం వ్యక్తం చేసింది. సైన్స్ ప్రకారం చూస్తే.. అమ్మాయిలు అబ్బాయిలకంటే కొంత ముందుగానే పరిపక్వత సాధిస్తారు అనేది అందరికి తెలిసిందే. అమ్మాయిల హార్మోన్ల మార్పులు 7–13 ఏళ్ల మధ్య ప్రారంభం అయితే, అబ్బాయిల్లో ఇవే మార్పులు 9–15 ఏళ్ల మధ్య ప్రారంభం అవుతాయి. దీంతో అమ్మాయిలకు భావోద్వేగ, మానసిక పరిపక్వత కొంచెం ముందే వస్తుంది. అందుకే భార్యాభర్తల మధ్య 2–3 ఏళ్ల వయసు తేడా సాధారణమని శాస్త్రవేత్తలు అభిప్రాయపడుతున్నారు.

వివాహానికి సరైన వయసు..

భారతదేశంలో చట్టపరంగా అమ్మాయి వివాహ వయసు 18 సంవత్సరాలు.. అబ్బాయి వివాహ వయసు 21 సంవత్సరాలు గా నిర్ణయించబడింది. ఈ నేపథ్యంలో 3 ఏళ్ల వయసు తేడా సహజంగానే వస్తుంది. శాస్త్రం ప్రధానంగా శారీరక పరిపక్వతను దృష్టిలో ఉంచుకుని మాట్లాడుతున్నప్పటికీ, వివాహానికి శారీరక ఎదుగుదల మాత్రమే ప్రమాణం కాదు. భావోద్వేగ, మానసిక, ఆత్మీయ పరిపక్వత కూడా అంతే ముఖ్యం.

అసలు పెళ్లికి ముఖ్యమైనది ఏంటి?

వివాహం బంధం విజయవంతం కావడం వయసు మాత్రమే కాకుండా.. పరస్పర అర్థం చేసుకోవడం, ప్రేమ, గౌరవం, భావోద్వేగ సహకారం, విలువలు, దృక్కోణాలు ఇలాంటి అంశాలపై ఆధారపడి ఉంటుంది.