అడవులు, తుప్పలు..పాడుబడిన ప్రాంతాలలో ఎక్కువగా ఉండే పాములు పెరుగుతున్న జనావాసాల కారణంగా తమ ఆవాసాలను కోల్పోతూ నగరాల బాట పడుతున్నాయి. హైదరాబాద్, బెంగుళూర్ వంటి నగరాలలో తరుచూ నాగుపాములు, ఇతర పాముల సంచారం వెలుగుచూస్తున్న ఘటనలు కోకొల్లలు. అయితే బెంగుళూరులో ఓ నాగుపాము మాత్రం తన చర్యలతో ప్రత్యేకంగా నిలిచింది.
సెంట్రల్ బెంగళూరు నగరంలోని ప్యాలెస్ రోడ్డులో తేలికపాటి వర్షం కురుస్తుండగా రహదారిపై వరుసగా వాహనాలు రయ్ రయ్ మంటూ వెలుతుండగా..రోడ్డు మధ్యలో ఓ నాగుపాము పడగ విప్పి తను ముందెకెళ్లే దారి కోసం తంటాలు పడుతూ కనిపించింది. వాహనదారులు ఆ పామును చూస్తున్నప్పటికి దానిని పట్టించుకోకుండా..అది రోడ్డు దాటే వరకైనా ఆగకుండా తమ దారిన తాము వెళ్లిపోతుండటంతో ఆ పాముకు రోడ్డుపై నుంచి పక్కకు వెళ్లే అవకాశం దొరకని పరిస్థితి ఏర్పడింది.
నాగుపాము అవస్థను గమనించిన ట్రాఫిక్ పోలీస్..వాహనదారులకే కాదు..పాముకు కూడా దారి చూపడం తన ట్రాఫిక్ డ్యూటీ కాబోలు అనుకుని దాని వద్దకు వచ్చాడు. ఓ వైపు పాము సమాచారాన్ని అటవీ శాఖ అధికారులకు సెల్ ఫోన్ లో అందిస్తునే..ఇంకోవైపు అది రోడ్డు దాటేందుకు దారి ఏర్పాటుకు రహదారిపై వెలుతున్న వాహనాలను కొద్దిసేపు ఆపివేశాడు. పాము రోడ్డు దిగి పక్కకు వెళ్లిపోయే వరకు చూసి తిరిగి ట్రాఫిక్ పునరుద్దరించాడు.
ఈ వీడియోను చూసిన నెటిజన్లు మాత్రం ఆ నాగుపాము పొరపాటున నగరంలోకి వచ్చి..తిరిగి తన అవాసానికి వెళ్లే దారి తెలియక అయోమయంతో ట్రాఫిక్ లో నడిరోడ్డుపై చిక్కుకపోయిందని అభిప్రాయపడ్డారు. పాపం మనుషుల్లాగే… ఆ పాముకు గూగుల్ మ్యాప్ సహాయం తెలిసుంటే తన దారిన తాను వెళ్లిపోయేదంటూ హాస్యంగా కామెంట్లు పెడుతున్నారు.
Only in Bengaluru.
Signal? Check. Metro work? Check. Rain? Check. VIP convoy? Check. Now… a cobra casually taking over Palace Road. Anything and everything can disrupt traffic in Bengaluru.
Waiting for Google Maps to add a new alert. Cobra relaxing in the middle of the road. pic.twitter.com/kD1SouRU8n
— Harish Upadhya (@harishupadhya) July 8, 2026
