మూఢ నమ్మకాల నిర్మూలనలో జేవీవీ సేవలు అభినందనీయం : డీసీపీ 

సమాజంలోని మూఢవిశ్వాసాలను పారదోలడంలో, విద్యార్థులలో శాస్త్రీయ విజ్ఞానాన్ని పెంపొందించడంలో జనవిజ్ఞాన వేదిక (JVV) కృషి అభినందనీయమని జనగామ డీసీపీ రాజా మహేంద్ర నాయక్ అన్నారు.

విధాత, జనగామ :

సమాజంలోని మూఢవిశ్వాసాలను పారదోలడంలో, విద్యార్థులలో శాస్త్రీయ విజ్ఞానాన్ని పెంపొందించడంలో జనవిజ్ఞాన వేదిక (JVV) కృషి అభినందనీయమని జనగామ డీసీపీ రాజా మహేంద్ర నాయక్ అన్నారు. జనవిజ్ఞాన వేదిక ఆధ్వర్యంలో జిల్లా కేంద్రంలోని ఏకశిలా బీ.ఎడ్ కళాశాలలో నిర్వహించిన జిల్లా స్థాయి చెకుముకి సైన్స్ సంబురాలు సమావేశానికి JVV జిల్లా అధ్యక్షుడు రవీందర్ అధ్యక్షత వహించారు. ముఖ్య అతిధిగా హాజరైన DCP మాట్లాడుతూ విద్యార్థులలో సైన్స్ పట్ల ఆశక్తిని పెంచడానికి ,మూఢ విశ్వాసాల పట్ల అప్రమత్తం గా ఉండడానికి ఇలాంటి కార్యక్రమాలు ఉపయోగపడతాయన్నారు. విద్యార్థులు ఉన్నత లక్ష్యాన్ని ఎంచుకుని అది సాధించే వరకు విశ్రమించకుండా ప్రణాళికా బద్ధంగా కృషి చేయాలని సూచించారు.

అనంతరం గంట రవీందర్ మాట్లాడుతూ రాష్ట్రస్థాయిలో జనగామ జిల్లా పేరును నిలబెట్టాలని ,చేకుముకి నిర్వాహకులు ఇలాంటి మరిన్ని కార్యక్రమాలు నిర్వహించి సమాజ అభివృద్ధికి పాటుపడాలని కోరారు. కల్నల్ DR మాచర్ల భిక్షపతి మాట్లాడుతూ నేర్చుకున్న విషయాలను ,నిజ జీవితంలో ఆచరించాలని ,భారత దేశ అభివృద్ధికి మూఢ విశ్వాసాలు ఆటంకంగా మారాయని తెలిపారు. ప్రారంభ సమావేశం అనంతరం జిల్లాలోని 30 టీమ్స్ పాల్గొని తమ ప్రతిభను కనపరిచాయి.  వీటిలో 4 టీమ్స్ కరీంనగర్ లో జరిగే రాష్ట్రస్థాయి పోటీలకు ఎంపికయ్యాయి. ఈ కార్యక్రమంలో జేవీవీ రాష్ట్ర మాజీ ప్రధాన కార్యదర్శి శ్రీనాథ్, జేవీవీ రాష్ట్ర కార్యదర్శి ఆకుల శ్రీనివాస రావు, ప్రధాన కార్యదర్శి ఉమాదేవి, లక్ష్మణ్ చంద్రశేఖర్ రావు , బాల రాజు ,శోభన్ , సత్తయ్య , ఆంజనేయా చారి సుధీర్ రెడ్డి , , కృష్ణ మూర్తి ,కనకయ్య ,తదితర బాధ్యులతో పాటు వివిధ పాఠశాలల నుండి విచ్చేసిన 140 మంది విద్యార్థులు హాజరయ్యారు.