Science fair | పుస్తకాలతో పాటు సాంకేతిక పరిజ్ఞానాన్ని అలవరుచుకోవాలి.. కలెక్టర్ రిజ్వాన్ బాషా షేక్

జిల్లాస్థాయి ఇన్‌స్పైర్, సైన్స్ ఫెయిర్ కార్యక్రమం శుక్రవారం జనగామలోని సాన్ మారియా ఉన్నత పాఠశాలలో ఘనంగా నిర్వహించారు. సైన్స్ ఫెయిర్ కన్వీనర్, అడిషనల్ కలెక్టర్ స్థానిక సంస్థలు, జిల్లా విద్యాధికారి పింకేష్ కుమార్ తో కలిసి జిల్లా కలెక్టర్ రిజ్వాన్ భాషా షేక్ జ్యోతి ప్రజ్వలన చేసి కార్యక్రమాన్ని ప్రారంభించారు.

విధాత : జిల్లాస్థాయి ఇన్‌స్పైర్, సైన్స్ ఫెయిర్ కార్యక్రమం శుక్రవారం జనగామలోని సాన్ మారియా ఉన్నత పాఠశాలలో ఘనంగా నిర్వహించారు. సైన్స్ ఫెయిర్ కన్వీనర్, అడిషనల్ కలెక్టర్ స్థానిక సంస్థలు, జిల్లా విద్యాధికారి పింకేష్ కుమార్ తో కలిసి జిల్లా కలెక్టర్ రిజ్వాన్ భాషా షేక్ జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా కలెక్టర్ మాట్లాడుతూ, ఎంచుకున్నటువంటి థీమ్, సబ్ థీమ్లు అభిరుచులకు తగ్గట్టుగా ఈ కాలానికి, మన దేశానికి అవసరమైనవన్ని ఉన్నాయన్నారు. విద్యార్థులు కేవలం సైన్స్ చదవడం కాకుండా ప్రస్తుత సాంకేతిక పరిజ్ఞానాన్ని ఉపయోగించుకొని తమ జ్ఞానాన్ని ఇంకా పెంపొందించుకోవాలని సూచించారు.

స్మార్ట్ ఫోన్ ద్వారా అందుబాటులో ఉన్న ఏఐ యాప్స్( Chat GPT, Gemini etc )ద్వారా ఎటువంటి సమాచారాన్ని అయినా సరైన సూచనలు ఇచ్చి పొందగలిగే అవకాశం ఉన్నందున విద్యార్థులు ఈ అవకాశాన్ని మంచికి ఉపయోగించి తమ జ్ఞానాన్ని పెంపొందించుకొని మంచి భవిష్యత్తు పొందాలని ఆయన సూచించారు. పలు పోటీ పరీక్షలకు శిక్షణ ఇచ్చే ఖాన్ అకాడమీ, ఫిజిక్స్ వాలా లాంటి సంస్థలతో ఒప్పందం కుదుర్చుకొని విద్యార్థులందరికీ కోర్స్ మెటీరియల్ పొందే అవకాశం కల్పించిందన్నారు. స్మార్ట్ ఫోన్ల ద్వారా ఉపాధ్యాయుల సహకారంతో ఖాన్ అకాడమీ ఫిజిక్స్ వాలా కి సంబంధించిన బోధన వీడియోలు చూడాలన్నారు. కాలాన్ని వృధా చేయకుండా.. స్మార్ట్ ఫోన్ ను మంచి పనులకు ఉపయోగించాలని సూచించారు.

ఈ సందర్భంగా పిల్లలకు కలెక్టర్ పలు ప్రశ్నలు వేసి సమాధానాలు తెలుసుకున్నారు. సైన్స్ ఫెయిర్ ఏర్పాట్లు చేసిన విద్యాశాఖ అధికారులని కలెక్టర్ ప్రశంసించారు. ఈ కార్యక్రమంలో అసిస్టెంట్ డైరెక్టర్ సత్యనారాయణ మూర్తి , సైన్స్ అధికారి ఉపేందర్ , సైన్స్ ఫెయిర్ కో కన్వీనర్ ఏఎంవో శ్రీనివాస్, సైన్స్ ఫెయిర్ జాయింట్ కన్వీనర్ ఎంఈఓ శంకర్ రెడ్డి, ఏసీజీ రవి కుమార్, సీఎంఓ నాగరాజు, ASC శ్రీకాంత్ రెడ్డి, డిసిపి సెక్రటరీ చంద్రబాన్ , పాఠశాల కరెస్పాండెంట్ జగన్ మోహన్ రెడ్డి, మండలాల విద్యాశాఖ అధికారులు, ఉపాధ్యాయ సంఘాల ప్రధాన బాధ్యులు హాజరయ్యారు.