Kannapaa: అద‌ర‌గొట్టారు.. మంచు విష్ణు ‘కన్నప్ప’ రివ్యూ

విష్ణు మంచు డ్రీమ్ ప్రాజెక్ట్‌ ‘కన్నప్ప’ భారీ అంచనాల మధ్య నేడు థియేటర్స్ లో రిలీజ్ అయి అన్ని ప్రాంతాల నుంచి పాజిటివ్ టాక్‌తో దూసుకెళుతుంది. మిందీ మ‌హా భార‌త్ సీరియ‌ల్ డైరెక్ట‌ర్‌ ముఖేష్ కుమార్ సింగ్ దర్శకత్వంలో మోహన్ బాబు నిర్మించిన ఈ చిత్రంలో మలయాళ స్టార్ మోహన్ లాల్, బాలీవుడ్ స్టార్ అక్షయ్ కుమార్, రెబల్ స్టార్ ప్రభాస్, శ‌ర‌త్ కుమార్ ముఖ్య పాత్రలు పోషించారు. ఈ సినిమాను శుక్ర‌వారం పాన్ ఇండియా స్థాయిలో భారీ ఎత్తున రిలీజ్ చేయగా ప్రీమియర్స్ ను మంచి స్పందన రాబట్టింది.

ముఖ్యంగా తమిళ నటుడు శరత్ కుమార్ ఈ సినిమాలో నాథనాధుడి క్యారక్టర్‌లో గంబీరమైన వాయిస్ తో, త‌న మార్కు న‌ట‌న‌తో మెప్పించగా కలెక్షన్ కింగ్ మోహన్ బాబు తనదైన డైలాగ్ డెలివరీతో అద్భుతమైన స్క్రీన్ ప్రజెన్స్ తో మహాదేవ శాస్త్రిగా జీవించేసాడు. హీరోయిన్ ప్రీతి ముకుందన్ ఛాలెంజింగ్ పాత్రలో ఒదిగిపోయింది. మ‌క్ష‌హ‌న్ లాల్ పాత్ర ఎంట్రీతో సినిమా రూపమే మారి ప్రేక్ష‌కుల‌కు స‌రికొత్త అనుభూతిని పంచింది.

మరి ముఖ్యంగా సినిమాకు వెన్నెముక‌క‌గా నిలిచిన రెబల్ స్టార్ ప్రభాస్ సినిమా మొత్తం ఒక ఎత్తు త‌ను ఎంట్రీ నుంచి ఒక ఎత్తు అనేలా చేశారు. మూవీలో కీలకమైన చివ‌రి 40 నిముషాల ఎపిసోడ్ ను ప్రభాస్ ఒంటిచేత్తో నిలబెట్టేసాడు. అంతేకాదు ప్రభాస్ డైలాగ్స్ విషయంలో రైటర్స్ క‌న‌బ‌రిచిన నేర్పు, పెన్నుకు పదును పెట్టిన విధానం అదిరిపోయింది. ప్ర‌ధానంగా ప్రభాస్ పెళ్లి డైలాగ్ కు థియేటర్స్ హోరెత్తాయి.

ఇక క్లైమాక్స్ లో మంచు విష్ణు నటన కెరీర్ బెస్ట్ అనే టాక్ వ‌స్తుండ‌గా శివయ్యకు తన కన్ను దానం చేసే సీన్ సినిమాకే హైలెట్ గా నిలిచింది. మొత్తానికి తన అద్భుతమైన నటనతో మంచు విష్ణు ప్రేక్షకులతో కంటతడి పెట్టించాడు. ఈ సినిమా కథను నమ్మి ఇంత భారీ స్థాయిలో నిర్మించిన మోహన్ బాబు, విష్ణు ను మెచ్చుకుని తీరాలి. సాంగ్స్ తో పాటు నేపధ్య సంగీతం అన్నింటిని మించి మెచ్చుకోదగ్గ స్థాయిలో ఉంది.