శని దేవుడి విష‌యానికి వస్తే శనివారం అంటే వారికి ఎంతో ప్రీతి. కాబట్టి శని దేవుడు మన చర్యలకు తగిన ప్రతిఫలం ఇస్తాడని, లేదంటే శిక్షిస్తాడని ప్రజలకు బలమైన నమ్మకం. జ్యోతిష్యాన్ని విశ్వసించే వారు ఎక్కువగా శనివారం పూజలు చేస్తారు.
హిందూ మ‌తంలో ఒక్కో దేవుడిని ఒక్కో రోజు పూజిస్తారు. ప్ర‌తి దేవుడిని పూజించేందుకు ప్ర‌త్యేక పూజా విధానం ఉంటుంది. ఆ ప్ర‌కార‌మే నియ‌మాలు పాటిస్తూ.. భ‌క్తులు పూజా కార్య‌క్ర‌మాల్లో నిమ‌గ్న‌మ‌వుతుంటారు. ఆ దేవుళ్ల‌కు ఇష్టమైన నైవేద్యం పెట్టి వారి అనుగ్ర‌హం పొందుతారు భ‌క్తులు. అయితే శని దేవుడి విష‌యానికి వస్తే శనివారం అంటే వారికి ఎంతో ప్రీతి. కాబట్టి శని దేవుడు మన చర్యలకు తగిన ప్రతిఫలం ఇస్తాడని, లేదంటే శిక్షిస్తాడని ప్రజలకు బలమైన నమ్మకం. జ్యోతిష్యాన్ని విశ్వసించే వారు ఎక్కువగా శనివారం పూజలు చేస్తారు. ఈ రోజున శని భగవంతుని దర్శనం పొందుతారు. ఈ రోజున శనిని ఆరాధించడం వల్ల సంతోషం, ఐశ్వర్యం, అదృష్టం లభిస్తాయని చెబుతారు. మ‌రి శని దేవుడిని ఎలా పూజించాలో తెలుసుకుందాం..
శనివారం వేకువ‌జామునే నిద్ర లేచి ఇంటిని ప‌రిశుభ్రం చేసుకోవాలి. ఆ త‌ర్వాత స్నాన‌మాచరించి, శ‌నిదేవుడికి పూజలు ప్రారంభించారు. నల్ల ఆవాలు, ధూపం, దీపం, పంచామృతం, పువ్వులు సమర్పించండి. నలుపు శనికి ఉత్తమమైన, ఇష్టమైన రంగు అని నమ్ముతారు. కాబట్టి, ఈ రోజున నల్లని దుస్తులు ధరించడం శుభప్రదం. ఇలా నలుపు రంగు వ‌స్త్రాలు ధ‌రించి పూజించ‌డం వల్ల శని దోషం, స‌డేస‌తి, మ‌హాద‌శ ప్ర‌భావం కూడా జాత‌క‌చ‌క్రం నుంచి త‌గ్గుతాయని విశ్వాసం.
ఇక శని దేవుడి నైవేద్యంలో వెల్లుల్లి, ఉల్లి వినియోగించకూడ‌దు. ఇత్తడి లేదా రాగి పాత్రలో శని దేవుడికి ఎప్పుడూ నైవేద్యాన్ని అందించవద్దు. శని దేవుడికి నైవేద్యంగా పెట్టేందుకు ఇనుప పాత్రలు ఉత్తమంగా పరిగణిస్తారు. పూజ సమయంలో శని దేవుడి కళ్ళలోకి చూడకూడదు.
ఈ మంత్రం 108 సార్లు జపించాలి..
శని దేవుడికి నైవేద్యం సమర్పించిన తరువాత నల్ల తులసితో కూడిన జపమాలతో ఓం శం శనైశ్చరాయ నమః అనే మంత్రాన్ని 108 సార్లు జపించాలి. ఆ తరువాత, నువ్వులు లేదా ఆవాల నూనెతో దీపం వెలిగించి, శని దేవుడికి హారతి ఇవ్వాలి. ఈ క్రతువు పూర్తయిన తరువాత శని దేవుడిని ఆర్తి పఠించాలి.
