Iphone | ఐఫోన్​ 13, 14, 15 సిరీస్​ ధరలు తగ్గించిన యాపిల్​

ఈ సంవత్సరపు ఐఫోన్​ 16 సిరీస్​ ప్రవేశానికి సమయం దగ్గర పడుతుండగా, భారత్​లో ఐఫోన్​ పాత సిరీస్​ ఫోన్ల ధరలను యాపిల్  రూ.300 నుండి 6000 వరకు ​ తగ్గించింది.

భారత్​లో ఐఫోన్ల (iPhone)ధరలను యాపిల్​ తగ్గించింది. కొత్త బడ్జెట్​లో ఫోన్ల విడిభాగాలపై దిగుమతి సుంకాలను (Import Taxes) 20 నుండి 15 శాతానికి తగ్గించడంతో, తన భారత్​ తయారీ ఐఫోన్ల ధరలను 3 నుండి 4( Prices reduced 3 to 4%) శాతం తగ్గించింది. ఈ మేరకు యాపిల్​ ఇంకా అధికారికంగా ప్రకటించనప్పటికీ, తగ్గింపు ధరలు బయటకొచ్చాయి. ఈ తగ్గింపు ఐఫోన్​ ఎస్​ఈ, ఐఫోన్​ 13, 14, 15, 15ప్రొ మాడళ్లకు వర్తిస్తుంది. యాపిల్​ తన ప్రస్తుత ప్రొ మాడల్​కు ధర తగ్గించడం ఇదే మొదటిసారి.

మరోపక్క యాపిల్​ ఐఫోన్​ 16 ప్రొ, 16ప్రొ మ్యాక్స్​ (iPhone 16 Pro, Pro Max)మాడళ్లను ఇండియాలో తయారుచేయనున్నట్లు తెలిసింది. ఇప్పటివరకు చిన్న, బేస్​ మాడళ్లను మాత్రమే భారత్​లో తయారుచేస్తున్న యాపిల్​, ప్రొ మాడళ్లను కూడా తయారుచేయాలని నిర్ణియించడానికి విడిభాగాల సుంకం తగ్గింపే కారణం కాబోతోంది. అదీ కాకుండా, కొత్త మాడళ్లను ప్రవేశపెడుతున్నప్పుడు పాత స్టాక్​ను క్లియర్​ (Old stock clearance) చేయడానికి కూడా ధరల తగ్గింపును ప్రకటించడం యాపిల్​కు అలవాటు.

ఈ ధరల తగ్గింపు కింది విధంగా ఉంది.

ఐఫోన్​ ఎస్​ఈ(iPhone SE)                            రూ.49,900  నుండి రూ.47,600

ఐఫోన్​ 13(iPhone 13)                                 రూ.59,900  నుండి రూ.59,600

ఐఫోన్​ 14(iPhone 14)                                 రూ.69,900  నుండి రూ.69,600

ఐఫోన్​ 14 ప్లస్​(iPhone 14 Plus)                            రూ.79,900  నుండి రూ.79,600

ఐఫోన్​ 15(iPhone 15)                                 రూ.79,900  నుండి రూ.79,600

ఐఫోన్​ 15 ప్లస్​(iPhone 15 Plus)                            రూ.89,900  నుండి రూ.89,600

ఐఫోన్​ 15 ప్రొ​(iPhone 15 Pro)                      రూ.1,34,900        నుండి రూ.1,29,800

ఐఫోన్​ 15 ప్రొ​ మ్యాక్స్​(iPhone 15 Pro Max) రూ.1,59,900        నుండి రూ.1,54,000

ఈ ధరల తగ్గింపు ఇంకా యాపిల్​ ఇండియా(www.apple.com/in/) వెబ్​సైట్​లో ప్రకటించలేదు. ప్రకటన రాగానే యాపిల్​ రిటైల్​ స్టోర్లు, డీలర్లు, ఆన్​లైన్​ మార్కెట్లో ధరలు తగ్గుతాయి. ఇదిలా ఉండగా, ఈ సెప్టెంబర్​లో ఐఫోన్​ 16 రంగప్రవేశం చేస్తుంది. యాపిల్​ తన ఈవెంట్​లో ప్రకటించిన ఐఎస్​18 ప్రకారం, ఐఫోన్​ 16 విప్లవాత్మకమైన మార్పులతో రానుంది.