9వ తరగతి అబ్బాయితో ఇంటర్ అమ్మాయి శారీరక సంబంధం.. చివరకి ఏమైందంటే?

ఇంటర్ చదువుతున్న బాలికకు 9వ తరగతి విద్యార్థితో ఏర్పడిన ప్రేమ చివరికి శారీరక సంబంధానికి దారితీసింది. ఇటీవల ఆ బాలిక ఓ బిడ్డకు కూడా జన్మనిచ్చింది. ఈ షాకింగ్ ఘటన వనపర్తిలో చోటు చేసుకుంది.

విధాత, హైదరాబాద్ :

ఇంటర్ చదువుతున్న బాలికకు 9వ తరగతి విద్యార్థితో ఏర్పడిన ప్రేమ చివరికి శారీరక సంబంధానికి దారితీసింది. ఇటీవల ఆ బాలిక ఓ బిడ్డకు కూడా జన్మనిచ్చింది. ఈ షాకింగ్ ఘటన వనపర్తిలో చోటు చేసుకుంది. మండలంలోని ఒక గ్రామంలో చదువుకుంటున్న ఇంటర్ బాలిక, అదే గ్రామానికి చెందిన 9వ తరగతి విద్యార్థి మధ్య ప్రేమ సంబంధం ఏర్పడింది. ఈ స్నేహం తరువాత ఇద్దరూ పలుమార్లు శారీరకంగా దగ్గరయ్యారు. కొద్ది రోజుల తర్వాత బాలిక గర్భవతిగా మారిందని కుటుంబ సభ్యులు గుర్తించి.. కారణం అడుగగా, జరిగిన విషయాన్ని ఆమె తల్లితండ్రులకు వెల్లడించింది. దీంతో షాక్ కు గురైన కుటుంబ సభ్యులు పోలీసులను ఆశ్రయించారు.

ఇద్దరూ మైనర్లు కావడంతో కేసు ఎలా ముందుకు తీసుకెళ్లాలన్న విషయంపై పోలీసులు ఇబ్బంది పడ్డారు. దీంతో గ్రామ పెద్దల సమక్షంలో పంచాయితీ పెట్టి బాలుడి తల్లితండ్రులను పిలిపించారు. కాగా, తమ కుమారుడికి ఈ ఘటనతో సంబంధం లేదని వారు చెప్పారు. బాలిక గర్భిణి కావడంతో, ఆమె ప్రసవం అయిన తర్వాత పుట్టిన బిడ్డకు డీఎన్ఏ పరీక్ష చేయాలని గ్రామ పెద్దలు, బాలిక కుటుంబ సభ్యులు నిర్ణయించారు. ఇద్దరూ మేజర్‌ అయితేనే పెళ్లి గురించి పరిగణనలోకి తీసుకోవచ్చని కూడా చర్చ జరిగింది. అయితే పంచాయితీలో స్పష్టమైన నిర్ణయం రాకపోవడంతో, మరోసారి బాలిక తల్లితండ్రులు పోలీసులను ఆశ్రయించారు.

ఈ నెల 14న మైనర్ బాలిక ఆడబిడ్డకు జన్మనిచ్చింది. బిడ్డ పుట్టి 15 రోజులు గడిచినా బాలుడి కుటుంబం నుంచి ఎటువంటి స్పందన రాలేదు. దీంతో కుటుంబ సభ్యులు మరోసారి అధికారులను సంప్రదించాలని నిర్ణయించారు. చంటి బిడ్డతో కలిసి వనపర్తి జిల్లా ఎస్పీ సునీత రెడ్డి కార్యాలయానికి వెళ్లినా, ఆమె అందుబాటులో లేకపోవడంతో ఇతర పోలీసు అధికారులకు ఫిర్యాదు వివరాలు తెలియజేశారు. పుట్టిన బిడ్డకు డీఎన్ఏ పరీక్ష నిర్వహించి నిజానిజాలు బయట పెట్టాలని, తమకు న్యాయం చేయాలని బాలిక కుటుంబం విజ్ఞప్తి చేస్తోంది. కొన్ని రోజుల క్రితయం ప్రేమ పేరుతో విజయవాడ నుంచి మైనర్లు పారిపోయి హైదరాబాద్ వచ్చిన విషయం తెలిసిందే. తాజాగా వనపర్తి ఘటన వెలుగు చూసింది. ఈ ఘటనలు చూస్తే బాల్యం హద్దులు దాటుతోందన్న అభిప్రాయాలు వ్యక్తం అవుతున్నాయి. ప్రేమకు అర్థం తెలియని వయసులో బిడ్డకు జన్మనివ్వడం కలవరం పెడుతున్న అంశంగా మారింది.

Also Read –I Bomma Ravi | డొమైన్ పేర్ల వెనుక నిజాలు బయటకు .. ఐ బొమ్మ‌, బ‌ప్పం పేర్లు పెట్ట‌డానికి కార‌ణాలు చెప్పిన ర‌వి
Weekly Horoscope | ఈ వారం రాశిఫ‌లాలు.. ఈ రాశి వారికి జీవిత భాగ‌స్వామితో మ‌ధుర క్ష‌ణాలే..!
Travel Stories | దారి కాదు.. స్వర్గానికి రహదారి… ఆ మార్గం ఎక్కడుందో తెలుసా?