Rising Telangana Global Summit : తెలంగాణ రైజింగ్ గ్లోబల్ సమ్మిట్ లోగో

తెలంగాణ గ్లోబల్ రైజింగ్ సమ్మిట్-2025 లోగో విడుదల. ఔన్న్యత, పెట్టుబడులు, 2047 వ్యూహంతో హైదరాబాద్ ఫ్యుచర్‌సిటీలో డిసెంబర్ 8–9న ప్రతిష్టాత్మక సమ్మిట్.

విధాత, హైదరాబాద్ : అంత‌ర్జాతీయ సంస్థల పెట్టుబడులకు గమ్యస్థానంగా హైదరాబాద్‌ నిలిపే లక్ష్యంతో డిసెంబర్ 8, 9న ఫ్యూచర్ సిటీలో రెండు రోజుల పాటు నిర్వహిస్తున్న తెలంగాణ గ్లోబల్‌ రైజింగ్‌ సమ్మిట్‌-2025 లోగోను ప్రభుత్వం విడుదల చేసింది. సీఎం రేవంత్ రెడ్డి ప్రభుత్వం అత్యంత ప్రతిష్టాత్మకంగా నిర్వహిస్తున్న తెలంగాణ గ్లోబల్‌ రైజింగ్‌ సమ్మిట్‌ కు కేంద్ర మంత్రులతో పాటు దేశ, విదేశాలకు చెందిన వ్యాపారవేత్తలు, ప్రముఖులు 2600మందికి పైగా హాజరుకాబోతున్నారు. సమ్మిట్‌లో తెలంగాణ ఔన్నత్యాన్ని చాటేలా..సంక్షేమం, వైద్యం, పరిశ్రమలు, ఇన్‌ఫ్రాస్ట్రక్చర్ తదితర విభాగాల స్టాల్స్ ఏర్పాటు చేయాలని తెలిపారు. సమ్మిట్‌లో స్టాల్స్ ఏర్పాటుకు సంబంధించిన డిజైన్లను ఖరారు చేశారు. ప్లీనరీలో విభాగాల వారీగా ఒక్కో ఈవెంట్‌కు సీనియర్ ఐఏఎస్‌ అధికారికి బాధ్యతలను అప్పగించారు. తెలంగాణ బ్రాండ్ ఇమేజ్‌ను పెంచేలా డ్రోన్ షో, సాంస్కృతిక కార్యక్రమాలు ఏర్పాటు చేస్తున్నారు.

తెలంగాణ అభివృద్ధిని ప్రతిబింబించేలా తెలంగాణ రైజింగ్-2047 పాలసీ డాక్యుమెంట్ ను ఈ సందర్బంగా ప్రకటించనున్నారు. 2034 నాటికి 1 ట్రిలియన్, 2047 నాటికి 3 ట్రిలియన్ డాలర్ల ఎకానమీగా తెలంగాణను తీర్చిదిద్దేందుకు స్పష్టమైన రోడ్‌మ్యాప్, పాలసీ డాక్యుమెంట్‌ లో పేర్కొనబోతున్నారు. రాష్ట్ర ఆర్థికాభివృద్ధిని 3 రీజియన్లుగా విభజించి అభివృద్ధి చేసేందుకు ప్రణాళికలను ఇందులో వెల్లడిస్తారు. కోర్ అర్బన్ రీజియన్ ఎకానమీ (CURE), పెరీ అర్బన్ రీజియన్ ఎకానమీ (PURE), రూరల్ అగ్రికల్చర్ రీజియన్ ఎకానమీ (RARE)గా ఆర్థికాభివృద్ది ప్రణాళికలు ఉండనున్నాయి.

ఇవి కూడా చదవండి :

Kavitha Arrest: కవిత రైల్ రోకో.. అరెస్టు..ఉద్రిక్తత
Natural Disasters| మూడు దేశాలలో విపత్తుల మరణ మృదంగం