హిడ్మా, మిగతా నాయకుల ఎన్ కౌంటర్ బూటకం: పౌర హక్కుల సంఘం

మావోయిస్ట్ అగ్రనాయకుడు హిడ్మా, మిగతా నాయకుల ఎన్ కౌంటర్ బూటకమని, పోలీసులు వారిని పట్టుకొని కాల్చి చంపారని ఏపీ పౌర హక్కుల సంఘం ఏపీ అధ్యక్షుడు వేడంగి చిట్టిబాబు, ప్రధాన కార్యదర్శి చిలుకా చంద్రశేఖర్ వెల్లడించారు.

విధాత: మావోయిస్ట్ అగ్రనాయకుడు హిడ్మా, మిగతా నాయకుల ఎన్ కౌంటర్ బూటకమని, పోలీసులు వారిని పట్టుకొని కాల్చి చంపారని ఏపీ పౌర హక్కుల సంఘం ఏపీ అధ్యక్షుడు వేడంగి చిట్టిబాబు, ప్రధాన కార్యదర్శి చిలుకా చంద్రశేఖర్ వెల్లడించారు. ఈ మేరకు ఓ ప్రకటన విడుదల చేశారు. గత నెల 28వ తేదీన ఆంధ్ర ప్రదేశ్‌లోని ఓ షెల్టర్‌లో ఉన్న హిడ్మాను అతని సహచరులను ఓ వ్యక్తి ఇచ్చిన సమాచారంతో ఏపీ పోలీసులు పట్టుకున్నారని, తాజాగా మారేడుమిల్లి అడవుల్లోకి తీసుకెళ్ళి నిరాయుధుల్ని చేసి అతి కిరాతకంగా హత్యచేశారన్నారు.

ఈ బూటకపు ఎన్కౌంటర్ ను పౌర హక్కుల సంఘం తీవ్రంగా ఖండిస్తున్నది. మరింత మంది నిరాయుధుల్ని హత్యచేసే అవకాశం ఉంది, వెంటనే వారిని కోర్టులో ప్రవేశపెట్టాలని, ఈ హత్యలను ఆపివేసి సుప్రీంకోర్టు సిట్టింగ్ జడ్జీ చే న్యాయవిచారణ జరిపించాల్సిందిగా పౌర హక్కుల సంఘం డిమాండ్ చేస్తున్నదని తెలిపారు. ప్రజాసంఘాలు, ప్రజాస్వామికవాదులు అందరూ ఈ క్రూరమైన హత్యాకాండలను ఖండించాలని పిలిపునిచ్చారు.