“నో మాస్కు – నో ఎంట్రీ ” “ నో మాస్కు – నో రైడ్ ” – ” నో మాస్కు – నో సేల్ “

సెప్టెంబర్ వరకు వారంలో 3 రోజులు కోవిడ్ పై ప్రచారం విధాత‌:కోవిడ్ పై అవగాహన కార్యక్రమాలను నిరంతరం కొనసాగించే దిశగా వారంలో మూడు రోజుల పాటు వినూత్నంగా ప్రత్యేక ప్రచార కార్యక్రమాన్ని నిర్వహిస్తున్నట్లు జిల్లా కలెక్టర్ జె.నివాస్ ఒక ప్రకటనలో తెలిపారు .కోవిడ్ ముప్పు పూర్తిగా తొలగలేదని ఈ దృష్ట్యా ప్రజలంత కోవిడ్ నిబంధనలు కచ్చితంగా పాటిస్తూ అప్రమత్తంగా ఉండాలన్నారు .సెప్టెంబర్ నెలఖారు వరకు ప్రతి వారంలో మూడు రోజుల పాటు " నో మాస్క్ - […]

సెప్టెంబర్ వరకు వారంలో 3 రోజులు కోవిడ్ పై ప్రచారం

విధాత‌:కోవిడ్ పై అవగాహన కార్యక్రమాలను నిరంతరం కొనసాగించే దిశగా వారంలో మూడు రోజుల పాటు వినూత్నంగా ప్రత్యేక ప్రచార కార్యక్రమాన్ని నిర్వహిస్తున్నట్లు జిల్లా కలెక్టర్ జె.నివాస్ ఒక ప్రకటనలో తెలిపారు .కోవిడ్ ముప్పు పూర్తిగా తొలగలేదని ఈ దృష్ట్యా ప్రజలంత కోవిడ్ నిబంధనలు కచ్చితంగా పాటిస్తూ అప్రమత్తంగా ఉండాలన్నారు .సెప్టెంబర్ నెలఖారు వరకు ప్రతి వారంలో మూడు రోజుల పాటు ” నో మాస్క్ – నో ఎంట్రీ ” , ” నో మాస్క్ – నో రైడ్ ” , “ నో మాస్క్ – నో సేల్ ” నినాదాలతో ప్రత్యేక అవగాహన కార్యక్రమం చేపట్టినట్లు చెప్పారు .

ప్రతి ఒక్కరూ కోవిడ్ బారిన పడకుండా ప్రతి ఒక్కరూ మాస్క్ ధరించాలని , భౌతిక దూరం పాటించాలని , చేతులను తరచు శుభ్రపరచుకోవాలని ఆ ప్రకటనలో కలెక్టర్ నివాస్ సూచించారు.ప్రతి సోమవారం నో మాస్క్ -నో ఎంట్రీ నినాదంతో నిర్వహించే ప్రచార కార్యక్రమంలో భాగంగా ప్రభుత్వ ప్రైవేట్ కార్యాలయాల్లోకి ప్రార్థన మందిరాల్లోకి , బ్యాంకులు , ఫోస్టు ఆఫీసులు , మాల్స్ , పబ్లిక్ పార్కులు , పరిశ్రమలు , వాణిజ్య ప్రాంతాలు , రెస్టారెంట్లులోకి మాస్కులు లేకుండా అనుమతించకూడదని ఈ అంశంపై ప్రత్యేక అవగాహన కల్పించేందుకు బ్యానర్లు , వాల్ పోస్టర్లు , మైక్ ద్వారా ప్రచారం నిర్వహించడంతోపాటు మాస్కులు పంపిణీ చేయాలన్నారు .

ప్రతి మంగళవారం నో మాస్క్- నో రైడ్ నినాదంతో వాహన చోదకులు , ప్రయాణికులు , తప్పనిసరిగా మాస్కులను ధరించడంపై విస్తృత ప్రచారం నిర్వహించాలన్నారు . ప్రతి బుధవారం నో మాస్క్ -నో సేల్ అన్న నినాదంతో మాస్కులు ధరించని కొనుగోలు దారులకు దుకాణదారులు , సరుకులు , వస్తువులను విక్రయించకూడదన్నా ప్రచారాన్ని ముమ్మరం చేస్తామన్నారు .ప్రధానంగా గ్రామీణ ప్రాంతాల్లో దృష్టి కేంద్రీకరించి మూడు నెలల పాటు ఈ ప్రచార కార్యక్రమాలను రూపొందించిన్నట్లు తెలిపారు . ఇందులో భాగంగా బ్యానర్లు , ప్లేకార్డులు , ప్రదర్శించడం , కర్రపత్రాలు , స్టికర్లు , వాల్ పోస్టర్లు పంపిణీ చేయడం విషయాలపై సంబంధిత అధికారులకు ఆదేశించడం జరిగిందన్నారు .కోవిడ్ రహిత జిల్లాగా కృష్ణాజిల్లాను ఉంచేందుకు అందరం సమిష్టిగా కృషి చేద్దామని కలెక్టర్ జె . నివాస్ పిలుపునిచ్చారు .