దేశంలో మూడో యాపిల్ స్టోర్ ను దేశ రాజధాని ఢిల్లీ సమీపంలోని నోయిడాలో డిసెంబర్ 11వ తేదీన ప్రారంభించనున్నారు. దేశంలో ఇది మూడవ ఔట్ లెట్ అవుతోంది. వచ్చే ఏడాది ముంబై మహా నగరంలో ప్రారంభం కానున్నది. వ్యాపార విస్తరణలో భాగంగా స్టోర్లను పెంచుకుంటూ వెళ్తున్నారు. నోయిడా తో పాటు బెంగళూరు లోని హెబ్బాల్, మహారాష్ట్ర పూణే లోని కొరెగాంవ్ పార్క్ లో ప్రారంభిస్తున్నారు. యాపిల్ ఉత్పత్తులను ప్రత్యేక యాప్ లో ఆన్ లైన్ తో పాటు ఆఫ్ లైన్ లో కొనుగోలు చేసేందుకు వీలు కల్పించారు. దేశంలో తొలుత ముంబై లోని బీకేసీ, ఢిల్లీలోని సాకేత్ లో యాపిల్ స్టోర్లు 2023 లో ప్రారంభించిన విషయం తెలిసిందే.
రెండేళ్లలో రెండు స్టోర్ల చి రూ.800 కోట్లకు పైగా ఆదాయం సమకూరడంతో మరిన్ని స్టోర్లను ఇండియాలో ప్రారంభించాలని యాపిల్ నిర్ణయం తీసుకున్నది. అమెజాన్, ఫ్లిప్ కార్ట్ వంటి ఆన్ లైన్ మార్కెట్ తో పాటు పలు మొబైల్ దుకాణాలలో యాపిల్ ఉత్పత్తులు విరివిగా లభ్యమవుతున్నాయి. అమ్మకాలను పరిగణనలోకి తీసుకుంటే రానున్న మూడు నాలుగు సంవత్సరాల్లో రెండంకెల పురోగతి ఉంటుందని అంచనా వేశారు. ఈ ఆర్థిక సంవత్సరంలో రూ.79,328కోట్ల విక్రయాలు జరగ్గా, రూ.3,196 కోట్ల ఆదాయం లభించడం విశేషం. మొబైల్ అమ్మకాల్లో 9 శాతం వాటా ఉండగా, ఆదాయంలో 28 శాతం ఉన్నట్లు అంచనా. మొబైల్ ఫోన్ తయారీలో టాప్ ఐదు కంపెనీల్లో యాపిల్ ఒకటిగా ఉంది. ప్రీమియం ఫోన్ల విక్రయాల్లో 22 శాతం నుంచి 28 శాతం పెరగ్గా, ఐ ఫోన్ 15, ఐ ఫోన్ 16 లకు డిమాండ్ అధికంగా ఉంది.
పెరగనున్న ఐ ఫోన్ 17 ధరలు
ఐ ఫోన్ 17 తో పాటు ప్రో, ప్రో మ్యాక్స్ మోడళ్లను ఈ ఏడాది సెప్టెంబర్ లో మార్కెట్ లోకి విడుదలయ్యాయి. డిమాండ్ అధికంగా ఉండడం, స్టాక్ లేకపోవడం, హార్డ్ వేర్ ధరలు పెరగడంతో ధరలు పెంచాలనే యోచనలో యాపిల్ కంపెనీ ఉన్నట్లు సమాచారం. ఐ ఫోన్ 17 మోడల్ లో 256జీబీ, 512జీబీ ధరలను రూ.7వేల వరకు పెంచే సూచనలు ఉన్నాయి. అయితే ఐ ఫోన్ 17 ప్రో, ప్రో మ్యాక్స్ ధరలు ఎంత మేర పెరగనున్నాయనేది ఇంకా తెలియాల్సి ఉంది.
Also Read – Local Body Elections | పంచాయతీ ఎన్నికలు.. సీఎం జిల్లాల పర్యటన
Messi Tour | హైదరాబాద్ పర్యటనకు ఫుట్‌బాల్ స్టార్ లియోనెల్‌ మెస్సీ
77-Ft Lord Ram Statue : శ్రీరాముడి భారీ కాంస్య విగ్రహాన్ని ఆవిష్కరించిన ప్రధాని మోదీ