ఈ సంవత్సరం డిసెంబర్‌లో దేశవ్యాప్తంగా బ్యాంకులకు భారీగా సెలవులు రానున్నాయి. ప్రాంతీయ పండగలు, వీకెండ్స్, జాతీయ పండగలు వంటి కారణాలతో వచ్చే నెలలో వివిధ రాష్ట్రాలు, కేంద్రపాలిత ప్రాంతాలలో మొత్తం 18 రోజులు బ్యాంకులు మూసి ఉంటాయని రిజర్వ్ బ్యాంక్ ఆఫ్ ఇండియా (RBI) విడుదల చేసిన హాలిడే క్యాలెండర్ షెడ్యూల్ ఉంది. ఈ సెలవుల్లో నెగోషియబుల్ ఇన్‌స్ట్రుమెంట్స్ చట్టం (NI Act), RTGS హాడేస్, బ్యాంకుల అకౌంట్స్ క్లోజింగ్ డేస్ వంటి అఫీషియల్ హాలీడేస్ ఉన్నాయి.
అయితే, బ్యాంకులు ఈ నిర్ణీత తేదీల్లో పనిచేయకపోయినా, కస్టమర్లు తమ UPI పేమెంట్స్, ఇంటర్నెట్ బ్యాంకింగ్, మొబైల్ బ్యాంకింగ్, ATM లావాదేవీలకు ఎలాంటి అంతరాయం కలుగదు. డిసెంబర్ 25న దేశవ్యాప్తంగా సెలబ్రేట్ చేసుకునే క్రిస్మస్ పండుగ కారణంగా అన్ని బ్యాంకులు తప్పనిసరిగా మూసి ఉంటాయి. అలాగే, ప్రతి రెండవ, నాల్గవ శనివారంతో పాటు అన్ని ఆదివారాలు కూడా సాధారణంగానే బ్యాంకులు మూసి ఉంటాయి.
డిసెంబర్ నెలలో బ్యాంకుల హాలీడేస్‌కు సంబంధించిన తేదీలు రాష్ట్రాలవారీగా…. డిసెంబర్ 1న అరుణాచల్ ప్రదేశ్, నాగాలాండ్‌లో రాష్ట్ర దినోత్సవం. డిసెంబర్ 3న గోవాలో సెయింట్ ఫ్రాన్సిస్ జేవియర్ పండుగ. డిసెంబర్ 7న ఆదివారం సెలవు. డిసెంబర్ 12న మేఘాలయలో ప టోగన్ నెంగ్మింజా సంగ్మా వర్ధంతి, 13న రెండవ శనివారం, 14న ఆదివారం ఉంది.
డిసెంబర్ 18న మేఘాలయలో యు సోసో థామ్ వర్ధంతి, 19న గోవా విముక్తి దినోత్సవం. డిసెంబర్ 20న సిక్కిం, గోవాలో లోసూంగ్ నామ్సూంగ్ పండుగ, 21న ఆదివారం. డిసెంబర్ 22న సిక్కింలో మరోసారి లోసూంగ్/నామ్సూంగ్ సెలవు. డిసెంబర్ 24న మిజోరం, నాగాలాండ్, మేఘాలయ ప్రాంతాల్లో క్రిస్మస్ ఈవ్.
డిసెంబర్ 25న దేశవ్యాప్తంగా క్రిస్మస్ హాలిడే ఉండగా.. 26న మిజోరం, నాగాలాండ్, మేఘాలయంలో క్రిస్మస్ వేడుకల కారణంగా బ్యాంకులు మూసి ఉంటాయి. 27న నాల్గవ శనివారం, 28న ఆదివారం. డిసెంబర్ 30న మేఘాలయంలో యు కియాంగ్ నంగ్‌బా వర్ధంతి, 31న మిజోరం, మణిపూర్‌లో నూతన సంవత్సరం వేడుకలు/ఇమోయిను ఇరత్పా సందర్భంగా బ్యాంకులు హాలిడే ఉంటుంది. ఈ తేదీల్లో బ్యాంకు బ్రాంచ్‌లకు వెళ్లి చేసే నగదు లావాదేవీలు నిలిచిపోయే అవకాశం ఉంది. అయితే డిజిటల్ పేమెంట్ సేవలు పూర్తిగా అందుబాటులోనే ఉంటాయి. కాబట్టి కస్టమర్లు ముందస్తుగా తమ అవసరాలను ప్లాన్ చేసుకోవడం మంచిదని సూచిస్తున్నారు.